¹ Inyengo yiniyo, awanthu awinjiwinji wakawungana poka nukulyatana woka nuwamwawo, akamba ukunena kuwasambili wakwe ichakwamba, " Muchenjele mweka nuyisiti wawafarisi, uwilenga. ² Ukwene kutali akanthu kakuvwa kokatakwinza ukuvumbukwa, ponachimo ichakuvwama chochitakwinza ukumanyikwa. ³ chifukwa chavyonsi vyomwanena kuchisi vikwivwika pawuzelu, nacho wanena mumakutu mukasi muvipinda chikupalazika pamusonje wanyumba. ⁴ Nkhunena kwimwe, wamwitu, mutakawe nilyoga kuwowakugoga umuwili, ponanthi amala atali nakanthu akanji ko angawomba. ⁵ Ukwene nande mbalanjizge wo mwambe pakumunyila . Munyile wo, lyo apo agoga, ali namaka pakukutaga kugehena. Ena, nkhunena kwimwe, munyile wuyo. ⁶ Ka tetwatiti fayivi tungakaziwa nutundalama utuni tuwiri? popatali yoyaluvika paminso pa Chiwuta. ⁷ Ukwene napo isisi lyamumatwe ginyu awerenzire. Mutakanyile. Imwe mwewapamwanya ukulusya utwatiti utwinji. ⁸ Nkhunena kwimwe, wonsi wo akunzomela ine paminso gawanthu , umwana wamunthu akwinza ukuwitika panthanzi pawangelo waChiwuta, ⁹ ukwene wo akunkhana paminso gawanthu nine ndimukana panthanzi pawangelo wa Chiwuta. ¹⁰ Wonsi wakunena amazwi agawiwi kumwana wamunthu, akwinza ukugowocheleka, ukwene wo akusamula umuzimu umuzelu, atakwinza ukugowocheleka. ¹¹ Nanthi wakutwala kuma Sinagogi, kuwalonzi, nakuwasongo, mutakasaje navyo wakwinza ukunena wuli, pamo chomukwinza ukunena, ¹² pakuti umuzimu umuzelu wukusambizga imwe panyengo yomukwinza ukunena." ¹³ Po umunthu yumo piwumba akanena kwa wuyo, "musambizi, muwuzge umukulu wane ukuti angawireko ichuma chamufwile." ¹⁴ UYesu akanena kwawuyo, ''wemunthu iwe, wenu wakambika ine pakulonga imilandu kwimwe?" ¹⁵ Akanena kuwawo, "mundolele munsunjile mweka ukufuma kuvyakuchitika, chifukwa uwumoyo bwamunthu wutakuyana nukuvula kwavinthu vyo ali navyo." ¹⁶ Po UYesu akawawuzga muvwili, ukunena, "umugunda wamunthu umusambazi wukela nkhani, ¹⁷ po akaghanaghana weka, ukunena, 'choni cho nkhwinza ukuwomba, chifukwa nthali namalo agakusengulira ivyakulya vyane?' ¹⁸ Akanena, 'ichi chonkhwinza ukuchita. Nkhwinza ukugwisya inthamba mphembe nukuzenga yoka iyikulu, ponkhwinza ukusengula ivyakulya vyane vyonsi nivinji ivyinza. ¹⁹ Ponkhwinza ukunena mumoyo wane, "moyo, uli nivinthu ivinji ivyinza usenguye muvyinji ivyaka. Tuzga ichete, mulye, mung'wele,nukukondwa."' ²⁰ Po UChiwuta akanena kwawuyo, 'Chindele iwe, uwusiku uwu wakwinza pakukupoka umoyo wako, powuwenu wakwinza pakukusunjila ivinthu vyako vyonsi vinivi?' ²¹ Ali nichuma ichakuyiwunganichila weka ukwambula ukuwanacho ichuma ichakwa Chiwuta. ²² UYesu akanena kuwasambili wakwe, ''chifukwa chakwe nkhunena kwimwe, mutakasaje mumoyo ginyu, chomukwinza ukulya; oro numuwiri winyu, chomukwinza ukuzwala. ²³ Pakuti umoyo wukulusya nichakulya, ponumuwili wukulusya nivyakuzwala. ²⁴ Lola awachigowe, watakupesa nukugowola. Vitali ninyumba izyakusengulilamo pomo inthamba, ukwene uChiwuta akuvilyesya. Imwe mwewapamwanya ukulusya iviyuni! ²⁵ Wenu pimwe wangawa namaghanighani agakonjelezga uwutali pamusinkhu wakwe? ²⁶ Pakuti mutangawomba akanthu akansi aka, chifukwa wuli mukudandawula nivinji? ²⁷ Lola amaluwa_amakulilo gawo. pate yumo wakuwomba, napo kwitilila. Lori nkhunena kwimwe, nu Solomoni muwukulu bwakwe wonsi atakazwala lyoka nanthi limo. ²⁸ Nomba nanthi uChiwuta akuzwika amasole gakunkholongo, gakwikala ilero , indawi wakutaga pamoto, po imwe ataliwazwika ukulusya, imwe mwewakusuwila pansi! ²⁹ Mutakalore chomukwinza ukulya nacho mukwinza ukung'wela, pomutak. ³⁰ Pakuti awamitundu yapa charo chapansi wakuvilondola ivinthu ivi, po uTata akumanya ukuti tukuvyanza . ³¹ Ukwene mulondole uwufumu bwakwe, po ivinthu ivi akwinza ukuwonjelezga. ³² Mutakawe nilyoga, mwe kadimo akansi akamberere, chifukwa uTata winyu akutemwa ukuwapa uwufumu bwakumwanya. ³³ Kazga ivinthu vyomuli navyo muwape ivyawupi ivyabwila. Muyiyanizge mweka amathumba gandalama gogatakwikuta _ichuma chambula kumala kumyanya pochitakuchimbila awe, ko awankhungu watakufikako awe, umuloswa uwakunanga nayumo. ³⁴ Pakuti kokuli ichuma chako, ukonye kokukwinza ukuwa umoyo wako. ³⁵ "Mwikale mwewa kuyipinyilila muluwunda awakoloboyi winyu wakaje, ³⁶ muwe ngati wanthu wowakulindilira UYesu wawo po akwinza ukufuma kuwukwati, pala akwinza nukukong'onsya, panapo napanapo wamwigulilaje. ³⁷ Wakutumbikika awambombo wo UYesu wawo pakwinza aliwaga wakulindilira. Nadi nkhunena kwimwe, wo aliyipinyilila muluwunda nukwikala nawo patebulo, akwinzukwinza nukuwatumichila. ³⁸ Nanthi ayinza umwenencho akawuwiri oro nuwusiku, oro napamasiku gatatu, nukuwaga wakunozgeka, wakutumbikika awambombo awo. ³⁹ Loli mwelengannye ichi, nanthi umwene nyumba akamanyaga inyengo iyakwinzila umwiwa, lyo atakafumapo panyumba yakwe ukuti wiwe. ⁴⁰ Muwe wakunozgeka , chifukwa mutakumanya inyengo yo umwana wamunthu akwinzila." ⁴¹ UPetulo akanena, "Mfumu, mukunena ivi muvwili kwiswe sweka, oro kuswensi?" ⁴² IMfumu yikanena, "wuwenu nomba wali nuwudindo ubwakugomezgeka nubwamahala wo Imfumu yikumutuma ukuti awe mulongozi wapanyumba yakwe ukuwapa ivyakulya panyengo yakwe? ⁴³ Wakutumbikika uwambombo wuyo wo Imfumu yikwinzukumwaga poyikwinza. ⁴⁴ Nadi nkhunena kwimwe, akwinza ukutuma wuyo pavyonsi vyo alinavyo. ⁴⁵ Tuyelezgele ukuti uwambombo akaghanaghana mumoyo mwakwe ukuti, 'mfumu yane mwakawa pakubwela,' po akwamba ukukoma awambombo awanavuli nawanthanda nukulya nukung'wela nukukolwa, ⁴⁶ Imfumu yiliyinza po awambombo wakwe watagomezizge ninyengo wataliyimanya akwinza ukudumulizga pakasi alimuwika poka nawambula chigomezgo. ⁴⁷ Uwambombo, wachimanyile cho Imfumu yakwe yikwanza ukuti awombe ukuyana nukutemwa kwakwe, akwinza ukusyemphwa ninsanzu izyinji. ⁴⁸ Ukwene watakumanya alisyemhwa palimphi. Wonsi wowamupa ivyinji, akwenela ukubwezgaso ivyinji, wowamusunjisya ivyinji ,walimuwuzichizgaso ivyiji. ⁴⁹ "Nkhinza ukukozga umoto pansi yapansi, eso nkhanzaga ukuti nge wuka kale. ⁵⁰ Ukwene ndinuwubatizo ukuti mubabatizgiche nawo, ponambe nikale nawo mupaka wumale. ⁵¹ Mukughanagha na ukuti nkhinza pakuwika umutende pansiyapansi? Awe, nkhuwawuzga, ukwene ukugawinkhana. ⁵² Ukwamba ilelo awanthu fayivi ukwikala munyumba yoka nukugawinkhana_watatu walidalinkhanaga nawawili, ponawawiri walidalinkhanaga nawatatu. ⁵³ Kuliwa ukugawinkhana, ubaba numwana wakwe umwana nubaba , umama numwana umulindu po umulindu numama, unyinavyala numukamwana umukamwana nunyinavyala." ⁵⁴ UYesu akanena kwiwumba lya wanthu, "pala mwennya iwingo likuya kuwufumilo izuwa, panapo mukunena, 'Imvula yikwinza,' ponadi vikuchitika. ⁵⁵ Pala imphepo yakumwera yikuputa, mukunena, 'kwambe kupye,' nadi vikuchitika. ⁵⁶ Mwewapusikizi, mukumanya ukung'anamulira ivya pansi yapansi nakumwanya, ukwene choni cho mutakusachizga vyovikuloleka inyengo ino? ⁵⁷ Choni chomutakweluzga uwunenensyo pamweka? ⁵⁸ Pakuti nanthi mukuwuka nuwamwinyu womunanjiline kuwulonzi, pomuli munzila chinza ukuti mwivwane ukuti atakakutwale kuwalonzi, ukuti umulonzi atakakutwale iwe kuwasilikali, ukuti awasilikali watakusumbile mugadi. ⁵⁹ Nkhunena kwiwe, utalifumapo lumo mupaka ukalipile kamo akandalama."