¹ Po likawako isiku limo u Yesu akayiputaga kumalo gamo. Lyo amala, woka umusambili akanena kwawuyo, " Yesu, tusambizge iswe pakuyiputa ngati mo uYohani akasambizgaga awasambili wakwe." ² UYesu akanena kuwawo, " nanthi mukuputa mutinji, 'Tata, izina lya lyako lichindikwaje ngati wuzeru, uwufumu bwako bwinze. ³ Utupe iswe isiku nisiku ichakulya chapisiku. ⁴ Mutugowochere iswe imbiwi zgitu, pakuti iswe tukugowochera umunthu wo akutunanjira iswe. pomutakatusendere iswe muviyezgo." ⁵ UYesu akanena kuwawo, "wenu pimwe ali nuwamwawo, nukwinza ukuya kwawuyo pakasi pawusiku, nukunena kwawuyo, ' wamwitu nazimyako ivibama vitatu, ⁶ pakuti uwamwitu wane ayinza ukufuma kumusewo, ponthali nacho nachimo ichakumupa wuyo'? ⁷ Po uwene uwamukasi pakuzgola akati, 'Utakanthamye ine. Pakuti umulyango wigalika kale, ponawana wane, poka nine, wagonile.Nthakwenela ukunyamuka nukukupa ichibama iwe.' ⁸ Nkhunena kwiwe,nangawuli utakunyamuka nukumpha ichibama chifukwa wamwinyu, ukwene chifukwa chakulimbichila kwako ukwambula insoni, akwinza ukunyamuka nukukupa ivibama ivyinji mukwanzira. ⁹ Nkhunena kwimwe, mulawe, po akwinza ukuwapa; londola, pomukuvyaga; mukong'onsye ,kwande kukwiguchile iwe. ¹⁰ Pakuti wonsi umunthu wo akupempha akupochela; umunthu wo akulondola akuvyaga; ponakwamunthu wo akukong'onsya kukumwiguchila. ¹¹ Po wuwenu pimwe utata, nanthi umwana umwanavuli akulawa inswi, ukumupa injoka mumalo mwanswi? ¹² Nanthi akulawa ilyenza , wannde umupe ukalizga? ¹³ Po nanomba imwe mwewawiwi nanthi nanthi mukumanya ukupa ivintu ivyinza kuwana winyu , kuli wuli u Chiwuta uwakumwanya angalechela ukuwapa umuzimu umuzeru kuwo wakulawa? ¹⁴ Po akamba ukufumya ichiwanda ichambula ukunena. Lyo ichiwanda chafuma, umunthu wo atakanenaga akanena, po iwumba lyawanthu likazizwa. ¹⁵ Wamo awanthu wakati,"Nu Belezebule, wakulamulira iviwanda,akufumya iviwanda." ¹⁶ Wamo wakamuyesa wuyo nukwanza kumwakwe ivimanyikwilo ukufuma kumwanya. ¹⁷ Ukwene uYesu akamanya vyo wakaghanaghana nukunena kuwawo," Uwufumu wonsi wowukagawanika wutakwimilira, ninyumba iyakugawanika yeka yikugwa. ¹⁸ Pope nanthi uSatana agawanika weka, po uwufumu bwakwe wunginze bwimilire wuli wuli? pakuti mukunena ukuti nkhufumya iviwanda nu Belezebule. ¹⁹ Nanthi nkhufumya iviwanda poka nu Belezebule, powowakuwulandata imwe wakufumya iviwanda nichoni? chifukwa chichi, wakwinza ukuwa walonzi winyu. ²⁰ Nanthi ine nkhufumya iviwanda ninyowe ya Chiwuta, ponuwufumu bwa Chiwuta bwinza pimwe. ²¹ Nanthi umunthu uwamaka wo ali navyonsi ivyakuyitulira akulolelera inyumba yakwe, ukuti ivyamukasi vyonsi vili chete, ²² Ukwene nanthi uwamaka nkhani ayinza nukumupota umunthu yula , uwamaka umunthu yula akwinza ukusenda vyonsi vyo umunthu yula akagomezga. ²³ Wo atepoka nine mulwani wane,wo atakuwunganika poka nine akupalannya. ²⁴ Po nanthi ichimuzimu ichiwiwi chafumamo mumunthu, nukujenda momutali aminzi nukwanza apakutuzga. Patakwaga nachimo, nukunena, 'Nkhugaluchila kunyumba yane konkhafuma.' ²⁵ Popakugaluka, chikaga inyumba wapyereye nukuwika ichete. ²⁶ Po ichimuzimu chila chikuwuka nukuya ukusenda ivyamwawo seveni iviwiwi nkhani ukuchila icho nukuwala ukwikala mulanyene. Po akawiro akamunthu yula kakuwa kawiwi ukulusya akabwambilo." ²⁷ Pokukawa ukuti, lyo anena ivinthu ivi, umwanthanda yumo piwumba lyawanthu akakwezga amazwi nukunena kwa wuyo," Lwakutumbikika ulwanda lolukakupapa namawere go ukonkha." ²⁸ Po akanena, "ena, wakutumbikika awo wowakwivwa amazwi ga Chiwuta nukugasunga." ²⁹ Lyo awanthu wawa winji, UYesu akamba ukunena ,"imphapo ino mbiwi sana. Yikwanza ichimanyikwiro nanga wuli ichimanyikwiro tewakachaje ukufichichira pacha Yona. ³⁰ Pakuti ngati mo u Yona akawela kuwa Ninive, moumwana wamunthu akwinza ukuwela nimphapo ino. ³¹ IMfumu iyanthanda iyakumwera yikwinza ukwimilira pamulandu nawanthu awamphapwa ino nukuwasusy wawo, pakuti akinza kuwumaliro bwachlo pakwivwa amahala ga Solomoni, nukulola, yumo uwakulusya uSolomoni ali apa. ³² Po awanavuli waku Ninive waliyimilira pamulandu wawanthu wamphapwa ino nukwinza ukuyisusya imphapo ino, pakuti wakalapa pakuphalazga kwa Yona, nomba loli, umukulu uwakuchila uYona ali apa. ³³ Nayumo, uwakukozga ukoloboyi, nukuwika pamalo agakuvwama pamo kunthende kuchitundu, ukwene pachakuwikapo ukoloboyi ukuti wowakwinjila walore uwuzeru. ³⁴ Ilyinso lyako lyo koloboyi wamuwili wako. Nanthi ilyinso lyainza, umuwili wonsi wizuye nuwuzeru.Nanthi ilyinso lyako liwiwi,umuwili wako wizuye nichisi. ³⁵ Po ilero,muchenjere ukuti uwuzeru mwimwe techisi. ³⁶ Po nanthi umuwili wako wonsi wizuye nuwuzeru, wutali nuluwazu lumo ulwachisi, ponumuwili wako wonsi wukwinza ukuwa ngati wuzeru bwa koloboyi wowu kulamila piwe." ³⁷ Lyo amala pakunena, akamwita umuFarisi kwawuyo pakulya nawo munyumba yakwe, po UYesu akawuka nukulya. ³⁸ Umu Farisi akazizwa ukuti uYesu akamba ukulya atagezire pachakulya. ³⁹ Po uYesu akanena kwawuyo, "Nomba imwe, imwe waFarisi mukuzelufya kunzi amakapu nimbale, ukwene mukasi mwimwe mwizuye ubuluvu niviwiwi. ⁴⁰ Mwemutakughana ghana mweqanavuli imwe! wo akapanga kunzi tewulanye wo akapanga mukasi? ⁴¹ Twali ivyabwila ivyakufumila , po ivinthu vyonsi vikwinza ukuzelupa kwiwe. ⁴² "Ukwene umukosi kwimwe waFalisi, chifukwa mukutwala lyoka l yavigawa teni lyatumbeyu twakumugunda, ukwene mukukana uwunenensyo nichitemwa cha Chiwuta. Chakwanzikwa ukupanga uwunenensyo nukutemwa u Chiwuta, kwambula ukupotwa ukupanga ivinthu ivinjiso. ⁴³ Mukosi kwimwe waFalisi, pakuti mukutemwa imipando yawalongozi mumu sinagogi napakupochera umuchinzi mumisika. ⁴⁴ Mukosi kwimwe, pakuti muli ngati madindi gambula ukuloleka po awanthu wakujendapo kwambula kumanyapo." ⁴⁵ Powoka wowakumanya amadango nkhani akanena kwawuyo,"musambizi, vyo ukunena ukutunyoza niswe." ⁴⁶ UYesu akati, "mukosi kwimwe, wasambizi wamalango! pakuti mukutwika awanthu ukatundu uwakung'wama wo imwe mutanganyamula ninyowe zginyu. ⁴⁷ Mukosi kwimwe, chifukwa mukuzenga amadindi agantchimi zgowakagoga awasekulu winyu. ⁴⁸ Po eso mwewakaboni pomukuzomela imbombo izga wasekulu winyu,pakuti nadi wakawagoga wawo pomukuzenga amadindi gawo. ⁴⁹ Pachifukwa ichi, amahala gaChiwuta gakuti 'ponkhwinza ukuwatwala kuwantchimi nawakutumika, powamo mwimwe wakwinza ukuwagoga,' ⁵⁰ Po awanthu awamphapo ino, poyikwinza ukweluzgika chifukwa chadawa wazintchimi ukwambila pabwambilo bwachalo, ⁵¹ ukwambila udawa wa Abelo mupaka padawa wa Zakaliya,wowakamugoga pakasi pachakutwalirapo udawa ninyumba yacharichi. Nadi, nkhunena kwimwe, imphapo ino yikwinza ukuwa numulandu. ⁵² Mukosi kwimwe mwe wamanyi malango, chifukwa mukawafumyamo ichakwigulira amahala; imwe mutakwinjira mweka, pomukukanizga wowanzaga ukwinjira." ⁵³ Lyo afumapo pala, awalembi nawafalisi wakamususya nukudalinkhana nawo pavinthu ivyinji, ⁵⁴ wakalindiliraga kwawuyo ukuti wivwe cho ayande anene ichamwawo ukufuma mumulomo wakwe.