¹ Panyengo yira, awanthu wamo wakamuwuzga ivya waGalileya wo udawa akasanzinkhana ninsembe zyawo. ² UYesu akazgola kuwawo, "mukughanaghana ukuti awamu Galileya wakawa wawiwi nkhani ukuluska awa Galileya awanji chifukwa wakayimbaga munzira yiniyi? ³ Awe, nkhuwawuzga imwe. Nanthi mutakusintha wonsi uwimwe akwinza ukufwa munzira yiniyi. ⁴ Pamo awanthu eyitini musilomu wo inyumba iyitali yikawagwira nukuwagoga wawao, mukughanaghana ukuti wakawa wawiwi ukuluska awanthu mu Yerusalemu? ⁵ Awe, nkhunena.Ukwene nanthi mutakusintha, mwensi mukwinza ukufwa." ⁶ UYesu akanena muvyili, " umunthu akawa nikwi ilyamukunyu mumugunda po akinza pakwennia ivipasi po atakavyagamo. ⁷ Umunthu akanena kumulimi, 'Lola, pavyaka vitatu nkhinza pakulola ivipasi mwikwi ponkhaga navimo. chidumule chigwe pansi.Choni chochikunanga wulo umugunda?' ^{9 8} "'Umwenecho mugunda akazgola akati, 'We Mfumu,chileche ichaka ichi ponkhuchibanirira muluwazu mbichemo umuvundo. 9 Nanthi chitapapa ivipasi muchaka chochikwinza, chinza, nanthi chitakwinza ukupapa, chidule pansi!"' ¹⁰ Nomba UYesu akamba ukusambizga muwoka wawa sinagogi pisiku lyasabata. ¹¹ 1Ukufumapo,umwanthandana akawa kula wopavyaka eyitini numuzimu uwambula maka. akawa wakugombana po akapotwa ukugoloka nkhani. ¹² Lyo uYesu amwennia wuyo, akamwita nukunena, "mwanthanda, wasatuka kunthamyo zgako." ¹³ Akawika inyowe pawuyo, po panaponapanapo akagoloka nukusalifya uChiwuta. ¹⁴ Ukwene usongo wasinagogi atakafwasa nge uYesu achizga umunthu pasabata. akazgola nukunena kwiwumba lyawanthu, "pali amasiku sikisi gogakwenerera ukuti umunthu awombaje.Mwinze muchizgikaje aganye, patakawe pisiku lyasabata." ¹⁵ Po IMfumu yikazgola yikati, "mwewirenga! fwandi umunthu wonsi pimwe atangasatula ing'ombe pamo imbunda yakwe ukufuma mwakuzisunjira nukuzilongozezga pakung'wera aminzi pisiku lyasabata? ¹⁶ Po umulindu wa Aburahamu, wo usatana akamukunga pavyaka eyitini ivyinji watangamusatula inkhusa pisiku lyasabata?" ¹⁷ Lyo anena ivinthu ivi, wala wowakasuskaga wakakozgeka ninsoni, iwumba lyonsi likasechera nivinthu vyonsi ivikulu vyovikachitika nawuyo. ¹⁸ Po uYesu akanena, "uwufumu bwa Chiwuta wukuloleka wuliwuli, po eso ka ningawuyaniska nichoni? ¹⁹ Chili ngati kambeyu kamasitadi ko umunthu akusenda nukupesa mumugunda, pokakumela nukuwa likwi ilikulu,ponutuyuni twakumwanya tukuzenga ivivulumbo munsamba zyakwe." ²⁰ Eso akati, "ningayaniska nichoni uwu Fumu bwa Chiwuta? ²¹ Yili ngati uyisiti wo umwanthanda nukusanzya ivipimilo vitatu ivyawusu wafulawulo mupaka ukusata monsi mwafulawulo." ²² Po UYesu akajenda mutwaya utukulu nutunsi, ukusambizga nukupanga inzira yakwe ukulazga ku Yerusalemu. ²³ Yumo akanena kwawuyo, " Yesu, kawanthu wakuchepa wowakuyu ukupona?" ²⁴ "Mulimbichire pakwinjira pakamulyango kalimphi, chifukwa, nkhunena kwimwe, awinji wakwinza ukuyezga pakwinjra, loli wataliyinjila. ²⁵ Aponye umwenecho wanyumba akanyamuka nukwigalira pamulyango, po imwe muliyimilila panzi nukukong'onska kulwiji nukunena, 'Yesu, twinjireko.' ²⁶ " Pomukwinza ukunena, ' tukalyanga nukung'wera panthanzi pinyu pomukasambizgaga munzila zgitu.' ²⁷ " Po uwene akwinza ukuzgora, nkhunena kwimwe, nthamanyile komwafumila. Fumapo pine, mwemukuwomba ivyambula ukumanyikwa!' ²⁸ Kukwinza ukuwa ukulira nukuska amino nanthi mwamulola u Aburahamu, Isaki, Yakobe, nimfumu zgonsi muwufumu bwaChiwuta, ukwene mukusumbika kunzi. ²⁹ Po wakwinza ukufuma kuwufumilo bwizuwa, nakubwinjililo, kululu,nakunthende, akwinza ukwikala patebulo muwufumu bwa Chiwuta. ³⁰ Mumanye ichi, wowazilizwe kalimphi wakwinza ukuwa kunthanzi, ponawo wazilizwe nkhani waliwa wawumalilo." ³¹ Panyengo iyonye, wakinza awafarisi nukunena kwawuyo, " jendi mufumepo apa chifukwa uHerodi akwanza ukugoga imwe." ³² UYesu akanena, " jendi mumuwuzge ukambwe yula, 'Lola, nkhufumya iviwanda nkhumalizga ukupozga ilelo nindawi, nisiku ilya wutatu nkhwe imfiche pawumalilo bwane.' ³³ Mumulandu, wonsi chamachitiko kwine ukupitilizga ilero,indawi, nisiku lyakulandatapo, chifukwa techakuzomerezgeka ukuti intchimi yifwile kunzi ku Yerusalemu. ³⁴ Yerusalemu, Yerusalemu, wo akugoga intchimi nukuzisumba namabwe zgozgatumika kwiwe. Pokinji ponkhanzaga ukuti mbunganiche awana wako ngati mo inkhuku yikuwunganichila utwana twakwe kunthende kuvyapa vyakwe, ukwene imwe mukakana. ³⁵ Lola, inyumba yinyu yawamapopa. Nkhunena kwimwe, mutakwinza ukundola mupaka muliti, ' uwakuchindikikwa wuyo wo akwinza mwizina lya mfumu."'