¹ Lianu ai reis kahana, hazilu min nus ta nas, wa hazilu ashan bi ishtakal bidal ta nas fi hajat al ta Allah, ashan huwo bi gedimu hadiyat wa zabiha ta kataya. ² Huwo kaman bi agder ashan bi tifagu ma del al belidin al kabasu humon, ashan huwo zatu indu daafat. ³ Ashan kida, azu min huwo ashan bi gedimu zebiha ta katiya bito kaman, ze al huwo amulu le katiya bita nas. ⁴ Mafi zol bi agder shilu le nefsa bito shokol de, ille kan Allah yau nadi huwo, ze kan Harun. ⁵ Be nefsu teriga, Al Mesih ma kutu nefsa Bito reis kahana. Bidal kida, Allah kelim le Huwo, "Inta jena Bitai; alela Ana biga Abu Bitak." ⁶ De bes ze al Huwo kelim fi mahal tani, "Inta kahin le nihaya ze Meliksadik." ⁷ Fi ayam al Huwo kan fi jisim, Al Mesih gedimu salawat wa tilbat be kore wa moyo ena shedid le Allah, al bi agder alagu Huwo min mutu., wa asumau ashan hya Bito ta Rabuna. ⁸ Sala kan Huwo Jena, lakin an Huwo alimu taa min taab al Huwo ligo. ⁹ Wa ashan Huwo kan kamil, Huwo biga sabab kulasa al abadiya. le kulu wahid al bi ihterim Huwo. ¹⁰ Allah khasisu Huwo ashan bi kun reis bita kahana fi rutba ta Meliksadik. ¹¹ Fi ketir al nina bi kelim an Yesuah, lakin biga saab ashan bi wori le intakum ashan fihim takum biga tegil. ¹² Kan lahadi zaman de intakum biga mualimin, lakin laisa intakum deir kede zol tani alimu intakum asas ta bidaya ta kalamat ta Allah. Intakum deir leben, ma akil al gowi! ¹³ Ai wahid al lisa bi ashrab leben ma indu khibra be risala bita al bir, ashan huwo lisa jena suker. ¹⁴ Lakin akil al gowi le nas kubarin. De del ashan humon biga kubarin .wa timu raba, sokol fahim tomon deribu ashan bi ferigu haja al kuwes min batal