¹ Kan kida, min gali waad ta dukhul fi raha Bito lisa fi, kede nina kun harisin ashan mafi wahid min intakum kede beinu kanu huwo ma bi agder dakalu. ² Ashan wori le nina kalam bita bushara bes ze kan le humon. lakin risala dak kan ma saudu del al ma fi wihda ta iman ma del al asuma. ³ ashan nina al aminu bi dakalu fi raha dak, ze Huwo kelim, "Ze Ana halifu be zalan, Humon ma bi dakalu fi raha Bitai." inshalla kan Shokol Bito kalasu min zaman tasis bita duniya. ⁴ Ashan Huwo kelim fi mahal tani kalam ta yom nimira saba : "Wa Allah akudu raha fi yom nimira saba min kulu shokol Bito." ⁵ Wa kaman tani hini Huwo kelim, "Humon ma bi dakalu fi raha Bitai." ⁶ Ashan kida, bagi le tanin ashan bi dakalu fi raha dak, wa le del al asuma kelima al hag awel ma bi dakalu be sabab ta adam taa. ⁷ Kaman Allah kasisu yom tani, bi nadi "Alela," wokit huwo wonusu be wasit Dawud be kelimat al wori: "Alela kan intakum asuma sot Bito, matakum gowi geliba bitakum." ⁸ Iza kan Joshua wodi le humon raha, ligo Allah ma kelim an yom tani. ⁹ ashan kida sabitu raha de le shab ta Allah. ¹⁰ le de al bi dakalu fi raha ta Allah huwo kaman bi akudu raha min amail bito, ze ma Allah agudu raha min amal bito. ¹¹ ashan kida kede anina ishtakal shedid ashan raha de. ashan kede mafi zol waga fi mushkila ta adam taa ze ma del amulu. ¹² Lianu kalam ta Allah hai wa bi Ishtakal wa senin min sef al bi gata min tijahen. bi wosulu lahadi fi nefsa wa roho, fi mafasil wa mug, wa bi agder ashan bi meyizu afkar ta gelba wa niyat bito. ¹³ mafi haja kalagu ma zahir fi gidam ta Allah. lakin ai haja zahir wa fadi fi ena ta zol al wodi le ana awamir. ¹⁴ Ashan kida ligo anina endu reis ta kuhana al azim al huwo ruwa fi samawat, Yesuah jena ta Allah, kede anina kun mutumeskin be gararat ta nina. ¹⁵ lanu anina ma endu reis al azim al ma bi agder shilu shokol deif ta nina. lakin, anina endu zol tani al jeribu huwo fi kulu ahwal ze anina, ile dag yahu ma endu katia. ¹⁶ kede anina ruwa be kulu sigah le tarabeza ta neama, ashan biga anina bi ligo rahama wa .bi ligo neama ashan bi saidu fi zaman ta ehtiyaj