1 لازم علينا احنا القاويين في الايمان نستحملوا الضعف تاع الضعفاء في الايمان, و ما نحوسوش نرضيو ارواحنا. 2 كل واحد منا يعمل مجهود و باه يرّضي خوه للخير باه نبنيو بعضانا. 3 على خاطر المسيح ثاني ما طلبش الشيء اللي يرضيه هو و كيما جاء في الكتاب: "لمعايرة اللي عايروك بيها جات فيا انا". 4 و كل حاجة تكتبت قبل تكتبت باه نتعلموا منها, كيفاه يكون عندنا رجاء بالصبر و التشجيع. 5 و اله الصبر و التشجيع يعطينا نكونوا بيناتنا موحدين في الراي, كيما تعلمنا من يسوع المسيح, 6 باه تمدوا المجد لله الاب تاع يسوع المسيح. بقلب واحد و فم واحد. 7 مالا اقبلوا بعضاكم كيما قبلنا المسيح, باه نمدوا المجد لله. 8 نقول لكم : باللي المسيح يسوع ولى الخادم لاهل الختان, حتى يبين باللي الله صادق, و يوفي بالعاهد تاعو اللي وعدو لجدودنا. 9 واما الشعوب لخرين مجدوا الله على جال الرحمة, كيما جاء في الكتاب: "على هاذيك نسبح بحمدك بين الشعوب و نرتل لاسمك". 10 و يزيد يقول: "يا شعوب الارض افرحوا مع شعب الله". 11 وثاني: "يا كل الشعوب سبحوا ربي, وامدحوه يا كل الامم". 12 و يزيد يقول على لسان اشعياء: "يخرج عرق من اصل يسى ويقوم باه يسود على الامم, و عليه يكون رجاء الشعوب". 13 و اله الرجاء يملاكم بكل فرحة و سلام في الايمان, باه تزيدوا في الرجاء بالقوة تاع الروح القدس. الخدمة تاع بولس الرسول بين الامم 14 و انا من جيهتكم ثاني متأكد, يا خاوتي, باللي راكم معمرين بالخير, و فايضين بالعلم, قادرين تنصحوا بعضاكم. 15 بالصح كتبت لكم بعض الامور لهنا بجرأة اكثر, برك باه نفكركم, بالنعمة اللي عطاهالي ربي, 16 باه نكون خادم تاع المسيح للشعوب, و انا نبشر بالانجيل تاع الله كيما كاهن, باه يوليوْ الشعوب اللي من غير ليهود قربان مقدس مقبول عند الله بالروح القدس. 17 عندي الحق نفخر في المسيح يسوع بالخدمة تاعي لله. 18 على خاطر ما نقدرش نهدر على حاجة ما دارهاش المسيح بيّا باه الامم يطيعوا الله بالقول و بالفعل, 19 بقوة معجزات و آيات, بالقوة تاع روح الله. من اورشليم و ما داير بيها و وصلت حتى ل الليريكون, و كمّلت التبشير بانجيل المسيح. 20 و كنت ديما نحرص باه نبشر بالطريقة هاذي: وين الناس مازالوا ما سمعوش بالمسيح, باه ما نبنيش على ساس حطو واحد اخر. 21 ندير كيما جاء في لكتاب: "اللي عمرهم ما جاهم خبر عليه راح يشوفوه, و اللي عمرهم ما سمعوا بيه راح يفهموه". 22 على هاذيك كنت نتعطل قداه من مرة باه نجي عندكم. بولس حاب يزور روما 23 و انا ضرك ماعنديش خدمة في هاذيك الجوايه, بالصح من قداه من سنة و انا متشوق باه نجي عندكم. 24 و انشالله كي نعود رايح لاسبانيا نجيكم. نعدي عليكم وتشايعوني من لثمة. بعد ما ننعم بشوفتكم حتى لو كان شوية. 25 بالصح انا ضرك رايح لاورشليم باه نخدم الخاوة القديسين, 26 على خاطر اهل مكدونية و اخائية حبوا يتبرعوا ويعاونوا الخاوة المحتاجين اللي في اورشليم, 27 هما حبوا يعاونوا, و زيد هو دين في رقبتهم! على خاطر كي شاركوا جميع الامم في الخيرات الروحية, راح يزيدوا يشاركوهم في الخيرات الارضية ثاني. 28 و كي نكمل هاذي الخدمة, و نسلم لهم المعاونة تاع الخاوة, نعدي عليكم في طريقي لاسبانيا. 29 وانا عارف باللي كي نجي عندكم نجي بالفيض تاع البراكة تاع المسيح. 30 نطلب منكم يا خاوتي, بجاه ربنا يسوع المسيح, و بالمحبة تاع الروح, تجاهدوا معايا في الصلاة لله على جالي, 31 باه ربي يمنّعني من الناس اللي ماهمش مومنين في اليهودية, و ثاني باه تكون الخدمة تاعي على خاطر اورشليم مقبولة عند الخاوة القديسين, 32 حتى ن نجي عندكم و انا فرحان ان شاء الله, و نرتاح عندكم. 33 و الاله تاع السلام يكون معاكم اجمعين. امين.