¹ نوصيكم على اختنا فيبي, اللي تخدم في الكنيسية تاع كنخريا, ² تقبلوها في المسيح كيما يليق بالخاوة القديسين, و تعاونوها في اي شيء تحتاجو منكم, على خاطر عاونت خاوة ياسر وعاوْنَتْني حتى انا ثاني. ³ سلموا على بريسكلا و اكيلا اللي يعاونوا فيّا في المسيح يسوع, ⁴ اللي عرّضوا حياتهم للخطر باه يمنعوني, و مش غير انا وحدي نشكرهم جميع الكنايس تشكرهم ثاني, ⁵ و سلموا على الكنيسية اللي في دارهم. سلموا على لحبيب ابينتوس, اول واحد قبل المسيح في اخائية. ⁶ سلموا على مريم اللي تعبت ياسر على جالنا. ⁷ سلموا على اندرونكوس و يونياس اللي هما من العايلة تاعي, و اللي كانوا معايا في الحبس, ومعروفين في وسط الرسل, بالصح همّا امنوا قبلي بالمسيح. ⁸ سلموا على اميلياس الحبيب في المسيح. ⁹ سلموا على اوربانوس اللي يعاون فينا في خدمة المسيح, و على استاخيس لحبيب. ¹⁰ سلموا على ابّولس اللي تزكى في المسيح. سلموا على اهل ارستوبولس كاملين. ¹¹ سلموا على هيروديون اللي من العايلة تاعي. سلموا على اهل نركيسوس اللي همّا في الرب. ¹² سلموا على ترفينا و تريفوسا اللي يتعبوا ياسر في خدمة الرب. سلموا على برسيس المحبوبة اللي تعّبت روحها ياسر في الخدمة تاع المسيح. ¹³ سلموا على روفس المختار في الرب, و سلموا على امو اللي هي كيما يوما. ¹⁴ سلموا على ااسينكريتس, و فليغون, وهرماس, و بتروباس, و هرميس, و على كل الخاوة اللي معاهم. ¹⁵ سلموا على فليلوغس و جوليا, و نيريوس و اختو, و اولمباس, و على كل الخاوة القديسين اللي معاهم. ¹⁶ سلموا على بعضاكم ببوسة مقدسة. تسلم عليكم الكنايس تاع المسيح كاملة. توصيات ختامية ¹⁷ نوصيكم يا خاوتي تديِوْ حذركم من الناس اللي يديروا المشاكل و الفُرقة, ويخرجوا على التعليم اللي تعلموه, هاذو الناس بعدوا عليهم. ¹⁸ على خاطر اللي كيما هاذوك ما يخدموش ربنا المسيح يسوع بالصح يخدموا كروشهم. بكلامهم المعسول و اقوالهم اللي تبان مليحة يخدعوا الناس الطيبين. ¹⁹ ما كانش واحد ما سمعش بالطاعة تاعكم, و انا فرحان بيكم, كونوا حكماء في الخير و ابرياء من جيهة الشر. ²⁰ والاله تاع السلام ثم ثم يعّفس على الشيطان ويحطوا تحت رجليكم. النعمة تاع ربنا يسوع المسيح تكون معاكم اجمعين. امين. ²¹ يسلم عليكم تيموتاوس اللي يخدم معايا, و يسلم عليكم لوكيوس و ياسون و سوسيباترس اللي من العايلة تاعي. ²² انا ترتيوس اللي كتبت هاذي الرسالة بخط يدي, نسلم عليكم الكل في الرب. ²³ يسلم عليكم غايس اللي مضَيفنا عندو احنا ولكنيسية كاملة. يسلم عليكم اراستس الخزناجي, و خونا كوارتس. ²⁴ النعمة تاع ربنا يسوع المسيح معاكم كاملين. امين. تسبيح ختامي ²⁵ نحمد ربي اللي قادر يثبتكم, على حساب الانجيل اللي سمعتوه مني و المناداة بيسوع المسيح, و كشف السر اللي كان مخبي من بكري خلاص, ²⁶ ضرك ظهر و بان, و سمعوا بيه الشعوب الكل من الكتب تاع الانبياء كيما حب الله الدايم الوجود, حتى يطيعوه و يآمنوا بيه. ²⁷ المجد لله الحكيم وحدو, بيسوع المسيح. -تْكتْبت لناس روما من كورنتوس على يد فيبي الخادمة تاع الرب في لكنيسية تاع كنخريا-