¹ و كي يكون واحد فيكم ضعيف في الايمان اقبلوه, و ما تحاسبوهش على افكارو, ² كاين اللي قادر ياكل كل شيء و اما الضعيف ياكل برك الحبوب. ³ و كي يكون واحد ياكل كل شيء ما يستهزاش باللي ما يقدرش ياكل, و اللي ما ياكلش ما يلومش اللي ياكل, على خاطر هو مقبول عند الله. ⁴ شكون انت باه تحكم على غيرك؟ يثبت والا يسقط بينو و بين مولاه, بالصح راح يثبت, على خاطر الله قادر باه يثبتو. ⁵ كاين اللي حاط نهار مهم على الايام لخرى, و كاين اللي بالنسبة ليه الايام الكل كيف بعضاها. كل واحد حر في رايو: ⁶ اللي يراعي نهارعلى كل الايامات لخرى, هو يراعيه على جال الله. واللي ما يراعي حتى نهار, على جال الله ثاني, و اللي ياكل, يكرم في الله و يشكرو. و اللي ما ياكلش, ما ياكلش يكرم الله و يشكرو ثاني. ⁷ ما كانش واحد منا يعيش لنفسو هو, و ما كانش واحد يموت لنفسو هو. ⁸ على خاطر كان عشنا للرب نعيشوا, و كان متنا للرب نموتوا. عشنا و الا متنا احنا للرب. ⁹ على خاطر على هاذا الشيء مات المسيح و قام من بين الموتى, باه يسود على الحيين و الميتين. ¹⁰ كيفاه مالا انت, تحكم على خوك؟ و كيفاه تستهزى بخوك؟ احنا الكل راح نوقفوا قدام العرش تاع المسيح, ¹¹ على خاطر جاء في لكتاب: "انا حي يقول الرب, ليّا تسجد كل ركبة, و بحمد الله يسبح كل لسان". ¹² كل واحد منا راح يتحاسب على نفسو قدام الله. ما تكونش سبب لخوك باه يطيح, ¹³ و ما نحكموش على بعضانا, و اذا حكمنا نحكموا بهاذا الشيء: واحد ما يكون عثرة لخوه. ¹⁴ و انا عارف و متأكد باللي في الرب يسوع ما كانش حاجة ناجسة في ذاتها, غير اذا اعتبرتها انت ناجسة, تكون ناجسة ليك. ¹⁵ اذا كان سببت الحزن لخوك بسبة الماكلة تاعك, معناها انت ما مشيتش بالمحبة. ما تسببش بالماكلة تاعك لهلاك لخوك اللي على جالو مات المسيح. ¹⁶ ما تخليوش الناس يهدروا بالسوء على الصلاح تاعكم, ¹⁷ على خاطر الملكوت تاع الله ماهوش ماكلة وشراب, بالصح هو عدل وسلام و فرحة في الروح القدس. ¹⁸ و اللي يخدم المسيح في هاذا الشيء يرضى عليه ربي وعبادو. ¹⁹ خلينا مالا نخدموا الحاجة اللي فيها السلام, و اللي تبنينا مع بعضانا. ²⁰ ما تهدّمش الشيء اللي عملو الله على جال الماكلة. لحوايج الكل طاهرة, بالصح موش مليح تكون عثرة لكاش واحد بالماكلة اللي تاكلها. ²¹ مليح ما تاكلش لحم و ما تشربش خمرو لا اي حاجة تعثر خوك و تضعفو. ²² عندك ايمان بالشيء الي راك تدير؟ خلي هاذا بينك و بين نفسك قدام الله! يا سعدو اللي ما يحكمش على روحو في الشيء اللي يشوفو مليح ليه. ²³ بالصح كي واحد يشك يولي يحكم على روحو, على خاطر ما دارش هاذاك الشيء بالايمان. و اي حاجة ما هيش من الايمان تولي معصية.