¹ يا خاوتي, الحاجة اللي يفرّح بيها قلبي و ديما ندعي لله على جال بني اسراييل باه ينالوا الخلاص. ² نشهد عليهم باللي عنهم غيرة على الله, بالصح مش بمعرفة صحيحة. ³ على خاطر اذا كانوا ما يعرفوش كيفاه الله يبرر الناس, و يحبوا يثبتوا برهم همّا بالطريقة تاعهم, و ما استعرفوش بالتبرير اللي عملوا الله. ⁴ و الغاية من الشريعة اللي هي: كل من امن بالمسيح ينال التبرير من عند الله. الخلاص هو للناس الكل ⁵ على خاطر موسى كتب كيفاه يتبرر الواحد بالشريعة: " كل من يعمل بالاحكام اللي جات في الشريعة يحيا بيها". ⁶ اما البر اللي بالايمان هاذا واش يقول: " ما تقولش في قلبك: شكون اللي يطلع للسماء؟" يقصد باه يهبّط المسيح, ⁷ "والا: شكون يهبط لاعماق الهاوية؟" يقصد باه يحيي المسيح من بين الموتى. ⁸ بالصح واش يقول؟ "الكلمة قريبة ليك, هي في فمك و في قلبك" يقصد الكلمة تاع الايمان اللي قاعدين نبشروا بيها: ⁹ باللي اذا كان استعرفت بفمك بالرب يسوع المسيح, و امنت بيه في قلبك باللي الله لرجعلو لحياه و قوْموا من بين الموتى, تنال الخلاص. ¹⁰ على خاطر الايمان تاع القلب ينال بيه التبرير, و اللي يستعرف بفمو ينال بيه للخلاص. ¹¹ على خاطر مكتوب في كلام الله: " كل من يامن بيه ما يخزاش". ¹² و ما كاين حتى فرق بين ليهودي واليوناني, و كاين اله واحد للناس الكل, كريم يجود يخيراتو على كل اللي يدعيو ليه. ¹³ على خاطر " كل من يدعي باسم ربي يمنع". ¹⁴ بالصح كيفاه يدعيو لواحد ما امنوش بيه؟ و كيفاه يامنوا بلا ما يسمعوا؟ و كيفاه يسمعوا بلا ما واحد يبشرهم؟ ¹⁵ و كيفاه يروحوا يديو لخبارتاع الخير لو كان واحد ما يبعثهم؟ كيما يقول لكتاب: "ما بهاها خطوات اللي يبشروا بالخير, الي يبشروا بالهناء". ¹⁶ بالصح ماهمش الناس الكل قبلوا الانجيل, على خاطر اشعياء يقول: "ياربي, شكون اللي امن بالشيء اللي قلناه؟". ¹⁷ مالا الايمان يجي كي يسمعوا بالخبر, و الخبر يتنشر كي يبشروا بكلمة الله". ¹⁸ بالصح نقول : بلاك ما سمعوش؟ بالعكس سمعوا! "للدنيا الكل وصلت اصواتهم, و لاطراف لرض تهزت اقوالهم". ¹⁹ بالصح نقول: لعل بني اسراييل ما فهموش؟ قال موسى من قبل: " نخليكم تحسدوا اللي ما كانت محسوبة امة. و نغّيركم باللي ما كان محسوب شعب". ²⁰ و يزيد لهم اشعياء ويقول: "لقاوني الناس اللي ما فركتوش عليا, و بينت روحي للي ما كانوش يحوسوا عليا". ²¹ و من جيهة اسراييل يقول: " النهار بطولو وانا نمد في يدي لشعب متمرد ومعاند".