¹ و من بعد سمعت صوت جبار صادر من ناس ياسر ف السماء يقولوا: "هاليلويا! الخلاص و المجد و الكرامة و القدرة للرب الهنا, ² على خاطر احكامو حق و عادلة, على خاطر حاسب الزانية لكبيرة اللي فسدت لرض بالزنا تاعها, و انتقم منها للدم تاع عبادو". ³ و زادوا قالوا: "هاليلويا! دخانها يبقى يدخن لابد الابدين". ⁴ و ركعوا لاربعة و عشرين شيخ و الحيوانات الاربعة و سجدوا لله المتربع على العرش و قالوا: "امين! هاليلويا!". ⁵ و خرج من العرش صوت يقول: "سبحوا الهنا يا جميع عبادو, اللي يخافوه كبار و صغار!". ⁶ و سمعت كيما صوت غاشي كبير, و كيما صوت مياه غزيرة, و صوت رعود قاوية تقول: "هاليلويا! الملك للرب الاله القادر على كل شيء. ⁷ نفرحوا و نهللوا و نمدولوا المجد! على خاطر جا عرس لخروف, و عروستو وجدّت روحها. ⁸ و راح يلبسوها الكتان لبيض النقي, و الكتان هو اعمال القديسين الصالحة". ⁹ و قال لي: "اكتب: يا سعد المعروضين للعشاء ف عرس لخروف!". و قال: "هاذي هي اقوال الله الصادقة". ¹⁰ و ركعت قدام رجليه باه نسجدلو, قال لي: "لا! ما تسجدش ليّا! انا عبد كيما انت و كيما خاوتك اللي عندهم شهادة يسوع. اسجد لله! على خاطر شهادة يسوع هي روح النبوة". الراكب على لحصان لبيض ¹¹ و من بعد شفت السماء مفتوحة, و شفت حصان ابيض اللي راكب عليه اسمو الامين الصادق, و بالعدل يحكم و يحارب. ¹² و عينيه كيما لهيب النار, و فوق راسو تيجان ياسر, و عندو اسم مكتوب واحد ما يعرفو غير هو. ¹³ و كان لابس ثوب مغطس ف الدم, اسمو "كلمة الله". ¹⁴ و العسكر تاع السماء كانوا يتبعوا فيه راكبين فوق خيل بيضاء, لابسين كتان ابيض صافي. ¹⁵ و من فمو يخرج سيف ماضي باه يضرب بيه الامم. و هو اللي راح يرعاهم بعصا تاع حديد, و يعفس معصرة خمر نقمة غضب الله القادر على كل شيء. ¹⁶ و على فخذو و على لبستو اسم مكتوب: "ملك الملوك و رب الارباب". ¹⁷ و شفت ملاك واقف ف الشمس, و صاح بصوت عظيم و قال لجميع الطيور الطايرة ف السماء: "ارواحي اتلمي هنا ف وسط لعشاء العظيم تاع الاله, ¹⁸ باه تاكلي لحم الملوك, و لحم الرياس, و لحم الزعماء, و لحم الخيل و اللي راكبين فوقها, و لحم جميع الناس: عبيد واحرار, صغار و كبار". ¹⁹ و شفت الوحش و الملوك تاع لرض و العسكر تاعهم الكل مجتمعين باه يحاربوا االراكب على لحصان مع العسكر تاعو. ²⁰ و حكموا الوحش و حكموا معاه النبي الكذاب, اللي كان يدير المعجزات اللي بيها ضلل الناس و جعلهم يقبلوا لمارة تاع الوحش و يسجدوا للتصويرة تاعو. و رماهم ف زوز حيين ف وسط قلتة النار القادية بالكبريت. ²¹ و اللي بقاو قتلهم بالسيف الخارج من فم الراكب على لفرس, و الطيور الكل شبعت من اللحم تاعهم.