¹ و من بعد جا واحد من الملايكة السبعة اللي عندهم الكيسان السبعة, و تكلم معايا و قال لي: "ارواح نوريلك العقاب تاع الزانية العظيمة القايمة على جنب لمياه لكثيرة, ² اللي ملوك لرض زناو معاها, و اللي سكان لرض سكروا من خمر الزنى تاعها". ³ و داني الروح للصحراء, و ثمة شفت مرى راكبة على وحش احمر مليان بالاسامي تاع الكفر, عندو سبعة روس و عشرة قرون. ⁴ و لمرى اللي كانت لابسة الارجوان و القرمز, و متحلية بالذهب و اللولو و الجوهر, وعندها كاس ذهب ف يدها مليان برجاسة الزنا تاعها و نجاستو. ⁵ و على جبهتها اسم مكتوب: "سر. بابل العظيمة ام الزواني و رجاسات لرض". ⁶ و شفت لمرى سكرانة من الدم تاع القديسين ومن الدم تاع شهداء يسوع. و كي شفتها حرت فيها و تعجبت منها ياسر! ⁷ و من بعد قال لي الملاك: "علاه تعجبت؟" اانا نقولك سر لمرى و الوحش اللي راكبة عليه اللي عندو سبعة روس و عشرة قرون: ⁸ الوحش اللي شفتو, كان قبل بالصح ضرك ما عادش كاين, بعد شوية يطلع من لهاوية و يروح للهلاك. و يتعجتوا سكان لرض, اللي اساميهم ماهيش مكتوبة ف كتاب لحياة من اول ما تخلقت الدنيا, كي يشوفوا الوحش اللي كان و من بعد ما عادش كاين, و راح يزيد يظهر. ⁹ و هنا لابد من الحكمة و الذكاء! السبعة روس هي سبعة جبال قاعدة عليها لمرى. ¹⁰ و سبعة ملوك: خمسة طاحوا, و واحد مازال يملك, و لخر ما زال ما جاش. و كي يجي لازم يبقى غير شوية. ¹¹ و الوحش اللي كان و ما عادش كاين هو ملك ثامن, رغم انو مع السبعة, و يروح للهلاك. ¹² و العشرة قرون اللي شفتها هي عشرة ملوك ما زالوا ما ملكوش, بالصح يملكوا غير ساعة واحدة مع الوحش. ¹³ و يكون عندهم راي واحد, و يمدوا القدرة و السلطان تاعهم للوحش. ¹⁴ هاذوك هما اللي راح يحاربوا لخروف بالصح لخروف يغلبهم, على خاطر هو رب الارباب و ملك الملوك, و الناس اللي معاه مدعوين و مختارين و مومنين". ¹⁵ و زاد قال لي: "الماء اللي شفتيه وين كانت الزانية قاعدة, هي شعوب و اجناس و امم و لغات. ¹⁶ و هاذيك العشرة قرون اللي شفتها على الوحش همّا اللي راح يبغضوا الزانية, و يعزلوها و يعروها, و ياكلوا اللحم تاعها و يحرقوها بالنار. ¹⁷ على خاطر الله جعل ف قلوبهم باه يديروا امرو, و يتفاهموا باه يمدوا للوحش سلطان ملكهم حتى تكمل اقوال الله. ¹⁸ و لمرى اللي شفتها هي لمدينة العظيمة اللي تتسلط على ملوك لرض".