¹ و سمعت صوت عظيم ف الهيكل يقول للملايكة ف سبعة: "روحوا صبوا كيسان غضب الله على لرض". ² راح الملاك لول و صب الكاس اللي ف يدو على لرض, ة ظهرت جراح مقيحة لونها وردي على الناس اللي عندهم لمارة تاع الوحش و اللي يسجدوا للتصويرة تاعو. ³ و من بعد صب الملاك الثاني الكاس اللي ف يدو على لبحر, تحول الماء تاعو لدم كيما دم الميت. و ماتت كل نفس حية ف لبحر. ⁴ و من بعد صب الملاك الثالث الكاس اللي ف يدو على الوديان و ينابيع الماء الكل, و لات دم. ⁵ و سمعت الملاك تاع الماء يقول: "انت عادل ف احكامك يا القدوس الكائن و اللي يكون. ⁶ على خاطر سيحوا دم القديسين و الانبياء, شَرّبتهم الدم. يستاهلوا واش يصرالهم!". ⁷ و سمعت واحد اخر من المذبح يقول: "نعم ا الرب الاله القادر على كل شيء! احكامك عدل و حق". ⁸ و من بعد صب الملاك الرابع الكاس اللي ف يدو على الشمس, و نالت القدرة باه تحرق الناس بالنار, ⁹ و تحرقوا الناس بالسخانة القاوية, و ما تابوش و ما مجدوش اسم الله, بالصح سبوا اسم الله اللي عندو السلطان على هاذي الضربات الكل. ¹⁰ و من بعد صب الملاك الخامس الكاس اللي ف يدو على العرش تاع الوحش, و ظلامت المملكة تاعو ولاو الناس يعضوا ف لسانتهم من لعذاب. ¹¹ و ما تابوش على اعمالهم, بالصح سبوا اله السماء من كثرة ما كانت لجراح تاعهم توجع فيهم. ¹² و من بعد صب الملاك السادس الكاس اللي ف يدو على نهر الفرات لكبير, و نشف الماء تاعو باه يولي طريق للملوك تاع المشرق. ¹³ و شفت ثلاثة ارواح شريرة تخرج من فم التنين, و من فم الوحش, و من فم النبي الكذّاب, تشابه للجران, ¹⁴ و هي ارواح تاع شواطن عندها القدرة باه تدير المعجزات, تخرج على الملوك تاع الارض الكل و و تلمهم للحرب ف اليوم العظيم, اليوم تاع الله القادر على كل شيء. ¹⁵ " انا راح نجي كيما يجي السارق! يا سعد اللي يسهر و يوجد قشو باه ما يمشيش عريان و يشوفوه الناس". ¹⁶ و جمعهم الكل ف واحد المضرب اسمو بالعبرية "هرمجدّون". ¹⁷ و من بعد صب الملاك السابع الكاس تاعو على لهواء, و خرج صوت عظيم من هيكل السماء من العرش يقول: "تم الامر!". ¹⁸ و صرات اصوات و رعد و برق. و زلزلة قاوية, عمرها لا صرات زلزلة قاوية كيما هاذي من نهار اللي توْجدوا فيه البشر على لرض, ¹⁹ و تقسمت لمدينة العظيمة لثلاثة اقسام, و طاحت المدن تاع العالم, و تذكر الله بابل لقديمة باه يسقيها كاس تغلي بمرارة الغضب تاعو. ²⁰ و هربت الجزر الكل, وتخبات لجبال. ²¹ و صب من السماء برد كبير وثقيل على قد الوزنة طاح على الناس. حتى ولاو يسبوا ف الله على هاذي المصيبة لكبيرة.