¹ و من بعد زدت شفت معجزة اخرى عظيمة و عجيبة ف السماء: سبعة ملايكة هازين سبعة ضربات و هي اخر الصربات اللي راح تكون على خاطر بيها يتم الغضب تاع الله. ² و شفت كيما لبحر تاع قزاز مخلط بالنار, و شفت الناس اللي غلبوا الوحش و التصويرة تاعو و العدد تاع اسمو, شفتهم واقفين على لبحر تاع لقزاز, و كانت عندهم قيتارات تاع الله, ³ و كانوا يرتلوا ف النشيد تاع موسى عبد الله, و النشيد تاع لخروف و كانوا يقولوا: "اعمالك عظيمة اعمالك عجيبة, يا ربي الاله القادر على كل شيء! طريقك صحيحة و قويمة, يا ملك القديسين! ⁴ شكون اللي منك ما يخاف شكون ما يمجد اسمك؟ انت القدوس وحدك, كل الامم تجيك و تسجد بين يديك, على خاطر عدل احكامك ظهر و بان لكل عين". ⁵ و من بعد تلفتت و شفت الهيكل تاع خيمة الشهادة يتفتح ف السماء, ⁶ و خرجوا الملايكة ف سبعة من الهيكل و معاهم الضربات السبعة, و همّا لابسين كتان نقي يلمع, و على صدورهم حزمات تاع ذهب. ⁷ و واحد من الحيوانات الاربعة مد للملايكة السبعة سبعة كيسان تاع ذهب معمرين بالغضب تاع الله الحي لابد الابدين. ⁸ و تملى الهيكل من دخان مجد الله و من القدرة تاعو, و ما كان حتى واحد يقدر يدخل للهيكل حتى يكملوا الملايكة ف السبعة الضربات السبعة.