¹ و من بعد شفت خروف واقف على جبل صهيون, و معاه مية و اربعة و اربعين الف, و اسم باباه مكتوب على جبهة كل واحد فيهم. ² و سمعت صوت من السماء كيما لهدير تاع المياه الغزيرة و كيما صوت الرعد القاوي. و سمعت صوت كيما صوت انغام يعزفوا فيها على القيتارة. ³ و هما يرنموا ف ترنيمة جديدة قدام العرش و قدام الحيوانات الاربعة و الشيوخة, و ما قدر حتى واحد يتعلم الترنيمة غير المية و اربعة و اربعين الف المفديين من لرض. ⁴ هاذوك همّا اللي ما تنجسوش مع النساء على خاطر طاهرين. هاذوك همّا اللي يتبعوا ف لخروف وين يروح يروحوا. هاذوك اللي فداهم من بين البشر باكورة لله و للخروف. ⁵ و ما نطق لسانهم بالكذب, و لا فيهم عيب قدام عرش الله. الثلاثة ملايكة ⁶ و من بعد شفت ملاك واحد اخر طاير ف السماء و هو هاز بشارة ابدية, راح يبشر بيها سكان لرض من كل امة و قبيلة و لغة و شعب, ⁷ و قال بصوت عظيم: "خافوا الله, و مجدوه, على خاطر جات ساعة لحساب, اسجدوا للي خلق السماء و لرض اسجدوا للي خلق لبحر و ينابيع الماء". ⁸ و من بعد جا وراه ملاك واحد اخر و هو يصيح و يقول: "طاحت! طاحت بابل لمدينة العظيمة, على خاطر شربت جميع الامم من فورة لغضب تاع الزنى اللي زناتو!". ⁹ و من بعد تبعهم ملاك واحد اخر و هو يقول بصوت عظيم: "اللي يسجد للوحش و للتصويرة تاعو, و يقبل لمارة تاعو على جبهتو والا على يدو, ¹⁰ حتى هو راح يشرب من كاس الغضب تاع الله, و يتعذب بالنار و الكبريت ف محضر الملايكة القديسين و ف محضر لخروف. ¹¹ و يطلع دخان لعذاب تاعهم لابد الابدين, و ما يلقاو راحة لا ليل ولا نهار لكل من يسجد للوحش و للتصويرة تاعو و لكل من يقبل لمارة تاع اسمو". ¹² هنا يبان الصبر تاع القديسين. اللي يحفظوا لوصايا تاع الله و الايمان بيسوع. ¹³ و سمعت صوت من السماء يقول لي: "اكتب: يا سعد الموتى اللي يموتوا ف الرب من ليوم". "نعم" يقول الروح: "باه يرتاحوا من التعب تاعهم, على خاطر اعمالهم فيها التعب". حصاد لرض ¹⁴ و من بعد شفت سحابة بيضاء, و على السحابة قاعد واحد يشبه لابن الانسان, فوق راسو تاج تاع ذهب, و ف يدو منجل ماضي. ¹⁵ و خرج ملاك اخر من الهيكل, و هو يصرخ بصوت عظيم يهدر مع القاعد فوق السحابة: "ابعث المنجل تاعك و احصد, على خاطر جات ساعة لحصاد, و المحصول تاع لرض يبس". ¹⁶ و رمي القاعد على السحابة المنجل تاعو على لرض, و حصد لرض. ¹⁷ و من بعد خرج ملاك اخر من الهيكل اللي ف السماء, و هو ثاني هاز منجل ماضي. ¹⁸ و خرج ملاك اخر من المذبح عندو القدرة على النار, و عيط بصوت عظيم على الملاك اللي عندو المنجل الماضي, و قال: "ابعث المنجل الماضي اللي ف يدك و اقطف لعناقد تاع الدوالي اللي ف لرض, على خاطر لعنب طاب". ¹⁹ و رمى الملاك المنجل اللي ف يدو على لرض و قطف لعنب اللي ف لرض, و ارماه ف المعصرة تاع الغضب العظيم تاع الله. ²⁰ و تعفست المعصرة خارج لمدينة, و خرج منها دم حتى وصل ل اللجام تاع الخيل, مسافة ميتين ميل.