¹ و من بعد وقفت على شط لبحر, و شفت وحش طالع من لبحر عندو سبعة روس و عشرة قرون, و فوق كل راس منهم تاج, و على الروس تاعو اسم الكفر. ² و الوحش اللي شقتو كان يشابه للنمر, و قوايمو كيما تاع الدب, و فمو كيما فم الصيد. و اعطاه التنين القدرة و العرش تاعو و سلطان واسع. ³ و شفت كيما واحد من الروس تاعو تقول مذبوح للموت, بالصح الجرح تاعو برى. وتعجبت منو لرض كلها و راحت تتبع ف الوحش, ⁴ و سجدوا للتنين اللي اعطى القدرة للوحش, و سجدوا للوحش و قالوا: "شكون كيما الوحش؟ شكون يقدر يحاربو؟". ⁵ و نال الوحش فم ينطق بكلام التكبر و الكفر على الله, و عندو القدرة باه يخدم مدة اثنين و اربعين شهرا. ⁶ و بدى يكفر على الله, و يكفر على اسمو و على مقامو, و على اللي ساكنين ف السماء. ⁷ و نال القدرة باه يحارب القديسين و يغلبهم, و نال القدرة على كل قبيلة و لغة و امة. ⁸ و جميع سكان لرض راح يسجدوا ليه, الناس اللي اساميهم ماهيش مكتوبة من نهار اللي بدات الدنيا ف كتاب حياة لخروف اللي تذبح. ⁹ اللي يحب يسمع يسمع! ¹⁰ اللي تكتب عليه يتساق للاسر, يروح للاسر. و اللي تكتب عليه يتقتل بالسيف, لازم يتقتل بالسيف. هنا الصبر تاع القديسين و الايمان تاعهم. الوحش اللي خارج من لرض ¹¹ و من بعد شفت وحش اخر طالع من لرض, و كان عندو زوز قرون كيما تاع لخروف, و كان ينطق كيما التنين, ¹² و يمارس القدرة تاع الوحش لول و هو يشوف, و يجعل لرض و سكانها يسجدوا للوحش لول اللي شفى من الجرح القاتل. ¹³ و يعمل معجزات كبار, و قادر حتى يجعل النار تنزل من السماء على لرض قدام الناس, ¹⁴ و يضلل سكان لرض بالايات اللي نال القدرة باه يديرها قدام الوحش, و اعطى امر للناس باه يصنعوا تصويرة للوحش اللي تذبح بالسيف و رغم هاذا عاش. ¹⁵ و نال القدرة باه يعطي الروح ف التصويرة تاع الوحش, حتى تولي تهدر, و يقتل الناس الكل اللي ما يحبوش يسجدوا للتصويرة تاع الوحش. ¹⁶ و يجعل الناس الكل كبار وصغار, اغنياء و فقراء, عبيد و احرار, يعملولهم امارة على ايديهم ليمنى و الا على جبهتهم, ¹⁷ و حتى واحد ما يقدر لا يشري و لا يبيع لو كان ما تكونش عندو لمارة تاع الوحش و الا العدد تاع اسمو. ¹⁸ و هنا الحكمة لازمة! اللي يكون ذكي يحسب العدد تاع اسم الوحش, هو عدد تاع اسم بشر, و العدد تاعو: ستة ميا و ستة و ستين.