¹ و ظهرت ف السماء معجزة كبيرة: مرى لابسة الشمس, و القمر تحت رجليها, و فوق راسها تاج فيه ثناش ن كوكب, ² و كانت بالكرش و كانت تصيح حكمها لوجاع تاع لولادة. ³ و ظهرت اية اخرى ف السماء: تنين عظيم احمر, عندو سبعة روس و عشرة قرون, و فوق كل راس تاج. ⁴ و بالذيل تاعو كان يجر ثلث نجوم السماء و رماها ف لرض. و وقف التنين قدام لمرى اللي راح تولد, باه كي تولد يبلع ولدها. ⁵ و ولدت جابت طفل ذكر و هو اللي يحكم ف الامم الكل بعصا تاع حديد. بالصح ولدها تخطف لله و للعرش تاعو, ⁶ و لمرى هربت للصحراء, وين وجّد لها الله ملجأ تقعد فيه مدة الف و ميتين و ستين يوم. ⁷ و صرات حرب ف السماء: بين ميخائيل و الملايكة تاعو و بين التنين, وحاربهم التنين بالملايكة تاعو ⁸ بالصح ما قدرش عليهم, و خسروا المكانة تاعهم ف السماء. ⁹ و طرحوا التنين العظيم, الحية لقديمة اللي اسمو ابليس و الشيطان, اللي ينشر الضلال ف العالم كامل, طرحوه للرض, هو و الملايكة اللي معاه. ¹⁰ و سمعت صوت عظيم ف السماء يقول: "اليوم تم النصر و العزة و الملك لالاهنا و السلطان للمسيح تاع الله, على خاطر اللي كان يتهم ف خاوتنا رماوه للرض, اللي كان يشكي بيهم لله نهار و ليل. ¹¹ غلبوه بالدم تاع لخروف و بالكلمة اللي شهدوا بيها ليه, و ما حبوش يمنعوا حياتهم و واجهوا حتى الموت. ¹² على جال هاذا افرحي يا سماوات و افرحوا يا الساكنين فيها. الويل للبر و للبحر, على خاطر هبط عليهم ابليس و هو غاضب غضب عظيم! على خاطر عارف باللي ايامو قصيرة". ¹³ و كي شاف التنين روحو باللي تطرح للرض, ولى يضطهد ف لمرى اللي ولدت الطفل الذكر, ¹⁴ اما لمرى اعطاوها جنحين تاع نسر عظيم باه تطير للصحراء للمضرب تاعها, وين كانت تكمن من وجه الحية, زمان و زمانين و نص زمان. ^{15 18} و سيبت الحية من فمها ماء يجري كي الواد باه يغَرّق لمرى و يديها. ¹⁶ و عاونت لرض لمرى, و حلت فمها و بلعت الواد تاع الماء اللي سيبو التنين من فمو. ¹⁷ و غضب التنين من لمرى, و راح باه يحارب الذرية تاعها اللي بقات اللي يطبقوا الوصايا تاع الله, و عندهم شهادة يسوع المسيح.