¹ اخر حاجة يا خاوتي, افرحوا في الرب. ما يقلقنيش كي نكتب لكم هاذي الامور بالذات, بالصح كل ما نعاودها لكم تكون فيها سلامتكم. ² ردوا بالكم من لكلاب. ردوا بالكم من اهل الشر. ردوا بالكم من هاذوك اللي يشوهوا البدن. ³ احنا همّا اهل الختان تاع الصح, اللي نعبدوا الله بالروح, و نفخروا بالمسيح يسوع, و ما نعولوش على امور لبدن. ⁴ بالرغم اللي من حقي نعول عليها انا ثاني. اكثر من اي واحد اخر. ⁵ على خاطر من جيهة الطهارة مطهر و انا عمري ثمانية ايام, يهودي من عرق اسرائيل, من عشيرة بنيامين, عبراني من العبرانيين, و من جيهة الشرع فريسي. ⁶ من جيهة الغيرة على الدين: مضطهد للكنيسية. من جيهة التقوى في الشرع: ما يعيبني حتى شيء. ⁷ بالصح كل حاجة كانت فايدة ليا, حسبتها على جال المسيح خسارة. ⁸ و زيد نخسر واش نخسر باه نرنح اعظم شيء: باه نعرف المسيح يسوع ربي, اللي خسرت على جالو لحوايج الكل, و ما كان ليها حتى قيمة عندي غير باه نربح المسيح, ⁹ و نكون فيه, و ما نتبررش بالشريعة, بالصح نتبرر بالايمان بالمسيح, و هو البر اللي يوهبو الله بالايمان. ¹⁰ باه نعرفو هو, و قوة قيامتو, و نشارك معاه في اوجاعو, و نتشبه بيه في موتو, ¹¹ على خاطر عندي رجاء فيه راح نقوم معاه. ¹² و هاذا مش على خاطر انا فزت و الا وصلت للكمال, بالصح مازلت نسعى لعلي نفوز بالشيء اللي على جالو فاز بيا المسيح يسوع. ¹³ ياخاوتي, انا مانيش حاسب روحي فزت. بالصح تهمني حاجة واحدة ننسى اللي ورايا و نجاهد باه نوصل للشيء اللي يسنى فيّا لقدام, ¹⁴ نسعى باه نوصل للهدف و ننال جايزة دعوة الله اللي من السماء في المسيح يسوع. ¹⁵ علينا احنا الكل اللي رانا نسعاو للكمال, نفكروا كيما هكّا, بالصح اذا فكرنا بخلاف هاذا الشيء الله راح يبين لنا هاذا ثاني. ¹⁶ اما اليوم نحكموا بصدق في الشيء اللي وصلنا ليه. ¹⁷ يا خاوتي كونوا متمثلين بيّا, و تبعوا السلوك تاع الناس اللي يسيروا على المثال تاعنا, ¹⁸ كيما كنت نقول لكم قداه من مرة, و نزيد نقول لكم و الدموع في عينيّا, باللي كاين ياسر من اللي يسلكوا سلوك اعداء صليب المسيح, ¹⁹ اللي اخرتهم لهلاك, اللي الاله تاعهم كروشهم و عارهم هو المجد تاعهم, اللي يخمموا غير في الامور تاع الدنيا. ²⁰ اما احنا سيرتنا هي في السماء, اللي منها نسناو المخلص تاعنا يسوع المسيح يرجع, ²¹ اللي راح يبدل الشكل تاع لبدن تاعنا الوضيع و يرجعوا على صورة البدن تاعو المجيد, بالقدرة تاعو اللي بيها يخضع ليه كل شيء.