¹ مالا يا خاوتي يا لحباب, انا متوحشكم, انتم الفرحة تاعي, و تاجي, اثبتوا هكا في الرب يا لحباب. نصائح ² نطلب من افودية و سنتيخي باه يكون عندهم فكر واحد في الرب. ³ و نطلب منك انت ثاني يا شريكي الامين, باه تعاونهم في زوز على خاطر جاهدوا معايا في سبيل الانجيل, و معاهم اكليمندس ثاني و الخدّامين لخرين اللي خدموا معايا, اللي اساميهم مكتوبة في كتاب لحياة. ⁴ افرحوا في الرب في كل وقت, نقولها و نعاودها: افرحوا. ⁵ باه الصبر تاعكم يكون معروف عند الناس الكل. الرب قريب يرجع. ⁶ ما تتقلقوا على حتى شيء, بالصح في كل شيء بالصلاة و الدعاء مع الشكر, باه تتعرف طلباتكم عند الله. ⁷ و السلام تاع الله اللي ما يقدر حتى واحد يتصورو, يحفظ قلوبكم و افكاركم في المسيح يسوع. ⁸ اخر حاجة يا خاوتي, كونوا مهتمين, بكل ما هو حق, كل ما هو شريف, كل ما هو عادل, كل ما هو طاهر, كل ما يفرّح, كل اللي يجيب سمعة مليحة, مهما كانت فضيلة و الا شكر. ⁹ و اعملوا بالشيء اللي تعلمتوه, و اللي تسلمتوه, و اللي سمعتوه مني, و اللي شفتوه فيّا, و اله السلام يكون معاكم. الشكر على المعونات ¹⁰ فرحت ياسر في الرب كي شفت باللي وليتوا تتولهوا بيّا كيما كنتوا قبل, غير كي ما جاتش الفرصة برك. ¹¹ ما قلتش هاذا لكلام على خاطرني محتاج, انا تعلمت كون مستكفي بالشيء اللي عندي. ¹² نعرف نعيش بالقليل و نعرف نعيش بالكثير. في كل شيء ربيت روحي نشبع و ربيت روحي نجوع, ربيت روحي باه نفّضل على ما عندي و باه ننقص عليه. ¹³ نقدر على كل شيء في المسيح يسوع اللي يقويني. ¹⁴ بالصح درتوا مليح كي شاركتوني في المحنة تاعي. ¹⁵ و انتم ثاني راكم عارفين يا ناس فيليبي باللي من اول ما خرجت نبشر بالانجيل من مكدونية, ما كان حتى كنيسية شاركتني في لحسابات تاع الجمع و التوزيع غير انتوما وحدكم. ¹⁶ و حتى كي كنت في تسالونيكي بعثتوا ليّا مرة و الا زوز كي كنت محتاج. ¹⁷ ما نقولش هاذا لكلام باه تمدولي هدية. بالصح نحب نشوف الربح يزيد في لحساب تاعكم. ¹⁸ انا ضرك عندي كل ما نحتاج ليه و بزيادة. ما خصني حتى شيء بعدما جابلي ابفرودتس لحوايج اللي بعثتوهم معاه, اللي هي هدية لله ريحتها طيبة, يجعلها الله مقبولة و يرضى عليها. ¹⁹ و الله يوفي الاحتياجات تاعكم الكل على حساب الغنى و الجاه تاعو في المسيح يسوع. ²⁰ المجد لله بابانا على طول الدهور الكل. امين. تحيات الختام ²¹ سلموا على كل قديس في المسيح يسوع. الخاوة اللي معايا الكل يسلموا عليكم. ²² القديسين الكل يسلموا عليكم و بالخصوص اللي في بيت قيصر. ²³ النعمة تاع ربنا يسوع المسيح نكون معاكم اجمعين. امين. ـتكتبت بيد ابفرودتس لناس فيليبي من روماـ