¹ في هاذيك ليامات كثر عليه الغاشي ياسر , و ماكانش عندهم واش ياكلوا , عيط يسوع للتلامذة وقال لهم :" ² هاذم الناس غاظوني , عندهم ضرك ثلاثة ايام و هما معايا و ما عندهمش واش ياكلوا. ³ ولو كان نسرحهم لديارهم صايمين يفشلوا في الطريق على خاطر كاين فيهم اللي جاو من بعيد ". ⁴ جاوبوه التلامذة :"منين يقدر الواحد يشبع هاذم الكل بالخبز هنا في الصحراء ؟" . ⁵ سقساهم :" قداه من خبزة عندكم ؟" قالوا :" سبعة " . ⁶ طلب منهم يقعدوا الغاشي ف لرض و ادا الخبزات في سبعة و شكر وقسمهم , و مد للتلامذة باه يوزعوهم على الغاشي . ⁷ و كان عندهم شوية من الحوت هاذاك الصغير , بارك و قال لهم :" وزعوا هاذي ثاني " . ⁸ كلاو حتى شبعوا . ولموا الكسور اللي فضالت : سبع قفف . ⁹ و كانوا اللي كلاو قريب ربعة الاف واحد . و من بعد سرحهم . ¹⁰ و في ساع دخل للفلوكة مع التلامذة تاعو و جاو لجوايه دلمانوثة . ¹¹ خرجوا الفريسيين وبداو يناقشوا فيه طالبين منو يعمل ايه من السماء , باه يجربوه , ¹² تنهد من قلبو وقال :" علاش هذا الجيل يطلب في اية ؟ نقول لكم الحق : هذا الجيل ما يشوف حتى اية " . خميرة الفريسيين وخميرة هيرودس ¹³ و من بعد خلاهم و دخل للفلوكة و راح للجيهة لمقابلة. ¹⁴ و نساو يديو معاهم الخبز , و ما كانش عندهم في الفلوكة غير خبزة واحدة برك . ¹⁵ و وصاهم وقال :" شوفوا ! ردوا بالكم من خميرة الفريسيين و خميرة هيرودس ". ¹⁶ تفكروا وقالوا لبعضاهم :" ما عندناش خبز". ¹⁷ عرف يسوع كيفاه يفكروا وقال لهم : "علاش خممتوا بلي ماعندكمش خبز ؟ مازالتوا ما تفكروش وما تفهموش؟ حتى لضرك قلوبكم خشينة؟ ¹⁸ كيفاه عندكم عينين وما تشوفوش , وعندكم وذنين وما تسمعوش, كيفاه ما تتفكروش؟ ¹⁹ وقت اللي كسرت الخمسة خبزات للخمسة الاف, قداش من قفة مليانة خبز لميتوا؟". قالوا لو اثناش ". ²⁰ و وقت السبعة خبزات للاربعة الاف . قداش من قفة مليانة لميتوا؟". قالوا لو :"سبعة". ²¹ قال لهم :" كيفاه مالا ما تفهموش؟". واحد اعمى يولي يشوف في بيت صيدا ²² وجاء لبيت صيدا, وجابولو واحد اعمى و طلبوا منويمسوا , ²³ حكم الاعمى من يدو و خرج بيه خارج القرية , وتفل في عينيه , و حط يديه عليه و سقساه : الا كاش ما شاف؟ ²⁴ شاف وقالو :"راني نشوف ف الناس كيما خيالات الشجر". ²⁵ و زاد حط يديه على عينيه , وخلاه يشوف, رجع صحيح ولى يشوف مليح, ²⁶ بعثو لدارو ووصاه :"ما تدخلش للقرية,وما تقول لحتى واحد في القرية". بطرس يستعرف بالمسيح ²⁷ و من بعد خرج يسوع والتلامذة تاعو للقرى تاع قيصرية وفيليبس. و في الطريق سقسا التلامذة تاعو وقال لهم :" شكون يقولوا الناس اني انا؟". ²⁸ جاوبوه:" يوحنا المعمدان. و وحايد اخرين يقولوا :ايليا , و اخرين : واحد من لنبياء". ²⁹ قال لهم :"و انتوما , واش تقولوا شكون انا؟". جاوب بطرس و قال لو :"انت المسيح". ³⁰ حذرهم باه ما يقولوا لحتى واحد عليه. يسوع يخبر بموتو وقيامتو ³¹ و بدى يعلمهم بلي بن الانسان لازم يتألم ياسر, و يرفضوه الشيوخة و كبار الكهنة و الطلبة , ويتقتل , وبعد ثلاثة ايام يحيا من الموت. ³² وقال هاذي الهدرة جهار. اداه بطرس على جيهة وبدا ينهر فيه . ³³ تلفت وشاف التلامذة , بخص بطرس وقالو:"بعد عليا يا شيطان !على خاطر انت ما يهمكش امور الله بالصح امورالناس اللي تهمك". ³⁴ و عيط للغاشي مع التلامذة و قال لهم :"اللي يحب يمشي ورايا ينكر روحو ويهز الصليب تاعو و يتبعني. ³⁵ على خاطر اللي يحب يخلص روحو يهلكها . واللي يهلك روحو على جالي و على جال الانجيل هاذاك يخلصها. ³⁶ على خاطر واش يربح الانسان لو كان يربح الدنيا كاملة و يخسر روحو؟ ³⁷ والا واش يمد الانسان باه يفدي نفسو؟ ³⁸ على خاطر اللي يحشم بيا و بكلامي في هذا الجيل الفاسق المذنب , راه ابن الانسان يحشم بيه نهار اللي يجي بمجد باباه مع الملايكات المقدسين ".