¹ و قال لهم :"نقول لكم الحق : كاين ناس قاعدين معانا هنا ما يشوفوش الموت حتى يشوفوا الملكوت تاع الله جاء بقوة ". التجلي ² و بعد ستة ايام دا يسوع بطرس و يعقوب و يوحنا , و طلع معاهم لواحد الجبل عالي و كانوا غير هما برك وحدهم . و تبدلت هيأتو قدامهم , ³ و ولى قشو يلمع ابيض كي الثلج , ما يقدر حتى صباغ في الدنيا يدير الحاجة بيضاء كيما هكذاك . ⁴ و ظهر لهم ايليا و معاه موسى , و كانوا يتكلموا مع يسوع. ⁵ بدا بطرس يقول ليسوع :" يا سيدي مليح نبقاو لهنا . خلينا ننصبوا تلاثة خيم : ليك واحدة , و لموسى واحدة , و لايليا واحدة ". ⁶ و ما كانش عارف واش راه يهدر على خاطر كانوا خايفين . ⁷ و كانت سحابة تظلل عليهم . و جاء صوت من السحابة و قال :" هذا هو وليدي لحبيب ليه اسمعوا " . ⁸ و تلفتوا مخلوعين و ما شافوا حتى واحد من غير يسوع وحدو معاهم . ⁹ و كي كانوا نازلين من الجبل , وصاهم باه ما يخبروا حتى واحد بالشيء اللي شافوه , غير بعد ما يقوم بن الانسان من بين الموتى . ¹⁰ و خلاو الكلمة في قلوبهم وو بقاو يسقسيو :" واش هو القيام من بين الموتى ؟" . ¹¹ و سقساوه هو و قالولو:" علاش الكتبة يقولوا: بلي ايليا هو اللي لازم يجي الاول؟". ¹² قال لهم :" ايليا يجي هو الاول ويرجع كل شيء . و كيفاه راه مكتوب على ابن الانسان بلي يتعذب ياسر و يتحقر. ¹³ بالصح نقول لكم : ايليا حتى هو جاء, و عملوا فيه كل اللي حبوا , كيما راه مكتوب عليه ". يسوع يرتح طفل ساكنو روح منجوس ¹⁴ و كي جاء للتلامذة شاف جماعة كبيرة من الكتبة دايرين بيهم و يحاوروا فيهم . ¹⁵ و في ساع الجماعة الكل كي شافوه حاروا, و راحوا يجريو و سلموا عليه . ¹⁶ سقسا هو الكتبة :" على ماه قاعدين تحاوروا فيهم ؟" ¹⁷ قالو واحد من الجماعة :"يا شيخ , انا جبت لك وليدي ساكنو روح بكوش , ¹⁸ و كل ما يحكمو يقطعو حتى يتصرع و يحك سنيه في بعضاهم و ييبس خلاص . و قلت للتلامذة تاعك باه يخرجوه و ما قدروش ". ¹⁹ جاوب يسوع و قال لهم :" يا واحد الجيل اللي ما فيكمش ليمان , حتى لوقتاه نكون معاكم؟ لوقتاه نستحملكم؟ جيبوه عندي !". ²⁰ جابوه . و كي شافو في ساع صرعو الروح , و طاح في لرض يتمرغ ويتصرع. ²¹ سقسى يسوع باباه :"من وقتاه و هو كيما هكا ؟". قالو :" ملي كان صغير. ²² و قداه من مرة يطيحو في النار و في الماء باه يقتله. بالصح الا كنت قادر تدير حاجة حن علينا و عاونا". ²³ و قالو يسوع :" الا كنت تقدر تامن . كل شيء مقدور عليه للمومن". ²⁴ و في ساع عيط باباه و الدموع في عينيه وقال :" يا سيدي نامن , عاون قلة ايماني ". ²⁵ و كي شاف يسوع بلي الغاشي هاربين يدزوا في بعضاهم , انهر الروح المنجوس و قالو:" اسمع يا الجن البكوش و الاطرش , انا نقلك : اخرج منو و ما تعاودش تدخل فيه خلاص!". ²⁶ رغى و صرعو بالقاوي و خرج . و طاح الطفل تقول عليه ميت , حتى كاين اللي حسبوه مات !". ²⁷ حكمو يسوع من يديو و وقفو, و ناض. ²⁸ و كي دخل لواحد الدار سقساوه التلامذة تاعوا كي كانوا وحدهم : " علاه احنا ما قدرناش نخرجوه؟. ²⁹ قال لهم :" هذا الجنس ما يخرج كان بالصلاة و الصوم " . يسوع يقول لهم على موتو و قيامتو من بين الموتى ³⁰ و خرجوا من لثم و عداو على الجليل , و ما حب ختى واحد يعلم بيه , ³¹ على خاطر كان يعلم في التلامذة تاعو و يقول لهم :" بن الانسان راح يطيح في يدين الناس و يقتلوه . و من بعد ما يقتلوه يقوم في ثالث يوم من بين الموتى". ³² بالصح هما ما فهموش الهدرة . و خافوا باه يسقسيوه . شكون هو الاعظم ؟ ³³ و جاء لكفرناحوم . و كي كان في الدار سقساهم :" كي كنا في الطريق واش كنتوا تهدروا بيناتكم ؟". ³⁴ سكتوا , على خاطر كانوا يتخاطروا بيناتهم في الطريق في شكون هو اعظم واحد فيهم . ³⁵ قعد و عيط على الثناش و قال لهم :"اذا كان واحد حاب يكون هو الاول لازم يكون هو الاخر فيهم الكل و خديم ليهم الكل ". ³⁶ جاب طفل صغير و حطوا في الوسط و حضنوا و قال لهم : ³⁷ " اللي يقبل واحد من الصغار كيما هاذا باسمي يقبلني انا , و اللي يقبلني ما يساماش قبلني انا بالصح قبل اللي بعثني ". و اللي ماهوش ضدنا راه معانا ³⁸ جاوبو يوحنا وقالو :" يا معلم , شفنا واحد يخرج في الجنون باسمك و هو مايمشيش معانا , حَرمنا عليه على خاطر ما هوش يتبع فينا ". ³⁹ قالو يسوع :" ما تحَرموش عليه , على خاطر ما كانش واحد يعمل معجزات باسمي و يقدر يهدر عليا في ساع بالشر . ⁴⁰ و اللي ماهوش علينا راه معانا . ⁴¹ على خاطر من سقاكم بكاس ما باسمي على خاطر انتم للمسيح , نقول لكم الحق: اجرو ما يضيعش. تحذير للي تجي من عندو العثرات ⁴² و اللي يعثر واحد من الصغار المومنين بيا , خير ليه لو كان يحط حجرة تاع رحى في رقبتو و يطيش روحو في لبحر . ⁴³ و كان عثراتك يدك قصها. خير ليك تدخل الحياة بلا يد خير من اللي يكون عندك زوز يدين و تروح لجهناما, للنار اللي ما تطفاش. ⁴⁴ وين دودهم ما يموتش والنارما تطفاش . ⁴⁵ و كان عثراتك رجلك قصها . خير ليك تدخل للحياة عايب ولا تكون بزوز رجلين و تروح لجهناما في النار اللي ما تطفاش . ⁴⁶ وين دودهم ما يموتش و النار ما تطفاش . ⁴⁷ و كان عثراتك عينك نحاها. خير ليك تدخل لملكوت الله اعور من اللي يكون عندك عينين و تتطرح في جاهناما النار . ⁴⁸ وين دودهم ما يموتش و النار ما تطفاش . ⁴⁹ على خاطر كل واحد يملح بالنار , وكل ذبيحة تتملح بالملح . ⁵⁰ الملح مليح . بالصح اذا كان الملح ماهوش مالح , باه يعدلوه؟ خلي يكون ليكم في ارواحكم ملح , و سالموا بعضاكم ".