¹ و تلموا عليه الفريسيين و جماعة من الكتبة جايين من اورشليم . ² و كي شافوا وحايد من التلامذة تاعو ياكلوا في الخبز بيدين مش نظيفة , يعني ماهيش مغسولة, لاموا عليهم . ³ على خاطر الفريسيين وليهود الكل لو كان ما يغسلوش يديهم مليح ما ياكلوش , حاكمين في تقليد الشيوخة . ⁴ و حتى كي يجيو من السوق ما ياكلوش لو كان مل يغسلوش . و حوايج وحايد اخرين ياسر تسلموها و بقاو حاكمين فيها كيما غسل الكيسان والبقارج و مواعن النحاس و السرة . ⁵ و سقساوه الفريسيين والكتبة :" علاه التلامذة تاعك ما يمشيوش على حساب تقليد الشيوخة , و ياكلوا الخبز بيدين ما هيش مغسولة ؟". ⁶ جاوبهم وقال لهم :" عمل مليح اشعياء كي تنبأ عليكم يا واحد المنافقين ! كيما راه مكتوب :هذا الشعب يكرمني حد الشوارب , بالصح قلبو بعد عليا بعيد , ⁷ يعبدوني باطل و هما يعملوا في حوايج وصاوها الناس . ⁸ خليتوا وصية الله وحكمتوا في تقليد الناس : غسيل لبقارج و الكيسان , و تديروا امور اخرى ياسر كيما هاذي ". ⁹ بعد قال لهم :" شوفوا ! رفضتوا وصية الله باه تراعيو تقليدكم انتوما ! ¹⁰ على خاطر موسى قال : اكرم باباك وامك , و اللي يسب باباه و الا امو لازم يموت . ¹¹ بالصح انتوما تقولوا :" الا كاش واحد قال لباباه والا امو : الشيء اللي كنت نعاونك بيه مديتو صداقة . ¹² يولي ما هوش ملزم باه يعاون باباه والا امو . ¹³ جعلتوا وصية الله باطلة بتقليدكم اللي حكمتوا فيه . و حوايج ياسر كيما هاذي راكم تديروا ". ¹⁴ و من بعد عيط على الغاشي و قال لهم : " اسمعوني كلكم وافهموا مني . ¹⁵ ما كانش حاجة من بري اذا دخلت في جسم الانسان تقدر تنجسوا , بالصح الحوايج اللي تخرج منو هي اللي تنجس الانسان . ¹⁶ و اللي عندو وذنين ويحب يسمع يسمع ". ¹⁷ و كي دخل من عند الغاشي للدار, سقساوه التلامذة على المثل . ¹⁸ قال لهم :" حتى انتوما ماكومش فاهمين ؟ ما تعرفوش بلي كل ما يدخل للانسان من برى ما يقدرش ينجسو , ¹⁹ على خاطر مايدخلش للقلب يدخل برك للكرش ومن بعد يخرج للخلاء , وهاذاك يطهر كل شيء ". ²⁰ و من بعد قال اللي يخرج من الانسان هو اللي ينجس الانسان . ²¹ على خاطر من الداخل من قلوب الناس ، يخرج الشر : زنى , فسق , قتيلة , ²² سرقة , طمع , خبث , تمنكير , دعارة , حسد , كذب , تكبر , وجهل . ²³ و هاذي الشرور كاملة تخرج من الداخل و تنجس الانسان ". ايمان لمرى اللي من كنعان ²⁴ من بعد ناض من لثمة وراح لجوايه صور وصيدا ، و دخل لواحد البيت وكان ما ذابيه واحد ما يعلم بيه ، بالصح ما قدرش يتخبى ، ²⁵ على خاطر واحد لمرى عندها بنتها مسكونة بالجن سمعت بيه ، و جات عندو ورمات روحها ساجدة عند رجليه. ²⁶ وكانت لمرى برانية . فينيقية من سوريا حاولاتو يخرج الشيطان من بنتها . ²⁷ اما يسوع قال لها :" خلي حتى يشبعوا لولاد هما لوالا, على خاطر ما يليقش خبزة لولاد تترمى للكلاب ". ²⁸ جاوباتو وقالت :" نعم يا سيد حتى لكلاب راهم من تحت المايدة ياكلوا الفضلة تاع لولاد !". ²⁹ و قال لها :" على جال هاذي الكلمة , روحي .او خرج الشيطان من بنتك ". ³⁰ و راحت لدارها ولقات الشيطان خرج , و الطفلة مطروحة فوق لفراش . شفاء اطرش ومعقود ³¹ ومن بعد خرج ثاني من جوايه صور وصيدا , و جاء لبحر الجليل في وسط الحدود تاع المدن العشر. ³² و جابوا ليه واحد اطرش ولسانو معقود , و طلبوا منو يحط عليه يديه . ³³ و اداه من وسط الغاشي على جيهة , و حط صوابعو في وذنيه وتفل ومس لسانو, ³⁴ و هز عينيه للسماء , و توجع وقال :"افثا" . يعني اتحل . ³⁵ و في ساع تحلت وذنيه , و تحلت عقدة لسانو, و هدر مسرح . ³⁶ ووصاهم باه ما يقولوا حتى لواحد , بالصح على قد ما هو يوصي يزيدوا يقولوا اكثر واكثر . ³⁷ و بقاو حايرين فيه وقالوا :" لحوايج اللي دارها الكل مليحة! خلى الطرش يسمعوا و البكاكش يتكلموا " .