¹ و خرج من لثم و رجع لبلادو و تبعوه التلامذة تاعو . ² و كي جا نهار السبت , بدا يعلم في المجمع . و كاين ناس ياسر كي سمعوه حاروا فيه وقالوا :"منين جاب هذا الكل واش هاذي الحكمة اللي عندو حتى تصرى على يديه عجايب كيما هاذي ؟ ³ ماهوش هاذا هو النجار ولد مريم , خو يعقوب و يوسي و يهوذا و سمعان , و خواتو الكل راهم هنا عندنا ؟ . و كانوا يغلطوا فيه . ⁴ قال لهم يسوع : " ما كانش نبي بلا قيمة غير في بلادو و بين اهلو و اماليه ". ⁵ و ما قدرش يدير لثم حتى اية واحدة , بالصح حط يديه على مرضى قلال و رتحهم . ⁶ و تعجب منهم كي ما عندهمش ايمان . و ولى يدور في المدن القريبة و يعلم . يسوع يبعث الثناش ⁷ و عيط على الثناش و بدا يبعث فيهم زوز ب زوز , و مدلهم سلطة باه يخرجوا الجنون , ⁸ و وصاهم باه ما يهزوش معاهم حتى شيء للطريق غير عصا برك , لا مزود و لا خبز و لا صرة تاع دراهم . ⁹ يلبسوا غير سباط في رجليهم , و لبسة واحدة برك . ¹⁰ و قال لهم :" اذا دخلتوا لكاش دار ابقاو لثمة حتى ترحلوا . ¹¹ و الناس اللي ما حبوش يقبلوكم و الا يسمعوكم , اخرجوا من ثم و انفضوا حتى التراب اللي في رجليكم باه تشهدوا عليهم . نقول لكم الحق :راح تكون حالة مدينة سدوم وعمورة خير من حالتهم نهار الحساب " . ¹² و راحوا خرجوا و بداو يبشروا و يدعيو الناس باه يتوبوا. ¹³ و طردوا جنون ياسر و دهنوا مرضى ياسربالزيت و رتحوهم . قطع راس يوحنا المعمدان ¹⁴ و سمع بيه هيرودس السلطان , على خاطر ولى مشهور . و قال :" هاذا ما يكون غير يوحنا المعمدان حيا من بين الموتى على هاذيك تصرى على يديه المعجزات ". ¹⁵ و وحايد اخرين قالوا :" راهو ايليا ". وكاين اللي قالوا :"راه نبي و الا كيما واحد من الانبياء ". ¹⁶ بالصح كي سمع هيرودس قال :" هذا هو يوحنا اللي انا نحيتلوا راسو حيا من بين الموتى ". ¹⁷ على خاطر هيرودس بذاتو بعث حكم يوحنا و كتفو و رماه في الحبس على جال هيروديا مرت خوه فيليبس , اللي تزوج بيها . ¹⁸ على خاطر يوحنا كان يقول لهيرودس :" ما يحلش ليك تدي مرت خوك ". ¹⁹ و تحلفت فيه هيروديا و حبت تقتلو بالصح ما قدرتش , ²⁰ على خاطر هيرودس كان يهاب من يوحنا و عارف بلي راه راجل بار وقديس , و كان يحامي عليه . وكي سمع عليه بلي يدير حوايج ياسر يحب حتى هو يسمع لو . ²¹ و جات الفرصة , نهار اللي عمل هيرودس في ذكرى ميلادو عشاء للعظماء و القياد الكبار و الناس اللي عندهم الجاه في الجليل, ²² دخلت بنت هيروديا و شطحت , هيرودس والجماعة اللي قاعدين معاه عجبهم الحال , و قال السلطان للطفلة :" واش تطلبي نمد لك". ²³ و حلف لها :" مهما واش طلبتي نمدلك حتى لو كان نص العرش تاعي" . ²⁴ خرجت وقالت لامها :"واش نطلب؟" . قالت لها :" راس يوحنا المعمدان ". ²⁵ دخلت في ساعتها للسلطان و طلباتو وقالت :" نحب تمد لي راس يوحنا المعمدان على طبق ". ²⁶ حزن السلطان ياسر . بالصح كي حلف قدام الجماعة ما قدرش يردها . ²⁷ و في ساع بعث السلطان سياف باه يجيب لو راس يوحنا . ²⁸ راح السياف للحبس ونحالو راسو. و حط الراس على طبق ومدو للطفلة , و الطفلة مداتو لامها . ²⁹ و كي سمعوا التلامذة تاعو, جاو وهزوا الجثة و دفنوها في قبر . خمسة الاف راجل يشبعهم يسوع ³⁰ وتلموا المرسولين عند يسوع و خبروه بكل شيء ، كل واش داروا وكل واش علموا . ³¹ قال لهم يسوع :" ارواحوا انتوما وحدكم لجيهة خالية و ارتاحوا شوية " على خاطر ياسر اللي راهم رايحيين وجايين ، وما لقاوش فرصة باه ياكلوا . ³² وراحوا في الفلوكة لواحد المكان خالي و قعدوا وحدهم .. ³³ وشافوهم الغاشي كي كانوا رايحين . وياسر اللي عرفوه .وخرجوا يجريو من كل المدن على رجليهم و سبقوهم لهاذاك المكان و اتلموا عليه . ³⁴ و كي خرج يسوع شاف غاشي كبير، حن عليهم كي شافهم كي لغنم بلا راعي و بدا يعلم فيهم امور ياسر. ³⁵ و بعد ساعات طويلة جاوه التلامذة وقالوا :" هاذا المكان راه خالي و زيد فات الحال . ³⁶ سرحهم خلي يروحوا للدواور والقرى القريبة يشريو خبز على ارواحهم ، على خاطر ما عندهمش واش ياكلوا ". ³⁷ جاوبهم وقال لهم :" مدولهم انتوما ياكلوا " . قالوا :" كيفاه نروحوا نشريو خبز بميتين دينار و نمدولهم ياكلوا ؟" . ³⁸ قال لهم :" قداه من خبزة عندكم ؟ روحوا شوفوا " . كي شافوا قالوا:" خمسة خبزات وزوز حوتات". ³⁹ قال لهم يروحوا يقعدوا الغاشي جمايع جمايع فوق لحشيش لخضر . ⁴⁰ راحوا قعدوهم في جمايع تاع مية مية وخمسين خمسين . ⁴¹ حكم الخبزات في خمسة و الحوتات في زوز، و رفع عينيه للسماء ، و بارك وقسم الخبز، ومد للتلامذة تاعو باه يوزعوا على الغاشي ، و قسم الزوز حوتات ليهم الكل . ⁴² كلاو كلهم وشبعوا . ⁴³ و من بعد لموا اثناش ن قفة مليانة فضالت تاع خبز وحوت . ⁴⁴ و كل اللي كلاو كانوا قريب خمسة الاف راجل . معجزة المشي على الماء ⁴⁵ و في ساع حتم على التلامذة تاعو يركبوا في الفلوكة ويسبقوه للجيهة المقابلة ، لبيت صيدا حتى يسرح هو الغاشي . ⁴⁶ وبعد ما ودعهم راح للجبل باه يصلي . ⁴⁷ و كي جات لعشية كانت لفلوكة في وسط لبحر، وكان هو على الشط وحدو. ⁴⁸ وشافهم يتعذبوا، على خاطر الريح كانت عاكستهم ، و في الربع الرابع تاع الليل جاهم ماشي على لبحر، و قرب يفوتهم . ⁴⁹ وكي شافوه ماشي على لبحر، حسبوه خيال وبداو يعيطوا . ⁵⁰ على خاطر كلهم كي شافوه خافوا . وقتها في ساع كلمهم و قال لهم :" اتشجعوا اني انا هو ما تخافوش". ⁵¹ وكي طلع لهم للفلوكة حبست الريح , بالصح هما حاروا وتعجبوا ياسر بينهم وبين ارواحهم , ⁵² و ما فهموش بالمعجزة تاع الخبز على خاطر كانت قلوبهم قاسية. ⁵³ و كي عداو للجيهة المقابلة وصلوا لارض جنيسارت ورساو لفلوكة لثم . ⁵⁴ و كيما خرج من لفلوكة في ساع الناس عرفوه . ⁵⁵ و طافوا كل هاذيك لبلاد الدايرة بيهم , و بداو يهزوا كل من كان مريض في لفراش و يديوهم للمكان اللي يسمعوا بلي راه موجود فيه. ⁵⁶ و وين ما كان يدخل للقرى و للمدن و الا الدواوير, حطولوا المرضى في الساحات العامة, وحاولوه يمسهم حتى لو كان بالحاشية تاع قشوا . وكان كل من يمسوا يبرى .