1 و في هاذاك الوقت في الصباح بكري تشاوروا الرياس تاع الكهنة و الشيوخة و الكتبة و والمجمع كاملين , و كتفوا يسوع و اداوه وسلموه لبيلاطس . 2 سقساه بيلاطس :"انت هو الملك تاع ليهود؟". جاوب عليه يسوع و قالو :"راك انت تقول ". 3 و كانوا رياس الكهنة يشكيو بيه في حوايج ياسر . 4 زاد سقساه بيلاطس ثاني :"ما تجاوب بحتى شيء؟ شوف كيفاه يشهدوا عليك!" . 5 و يسوع ثاني ما زاد جاوب بحتى شيء تعجب بيلاطس و حار فيه . 6 و كان ديما في العيد يسيب لهم محابسي واحد , اللي يقولوا عليه . 7 و كان واحد اسمو باراباس محكوم هو واصحابو على جال فتنة, صرات فيها قتيلة . 8 و بدا الغاشي كامل يعيطوا و يطلبوا من بيلاطس باه يدير كيما موالف ديما في العيد . 9 رد عليهم بيلاطس و قال :" تحبوا نسيب لكم الملك تاع ليهود؟". 10 على خاطر عرف بلي رياس الكهنة كانوا حاسدينو على هاذيك سلموك . 11 و لاو رياس الكهنة حرشوا الغاشي باه يسيب لهم باراباس خير . 12 زاد رد عليهم بيلاطس و قال :" واش تحبوني ندير بهاذا اللي تسميوه الملك تاع ليهود؟" 13 كلهم ولاو يعيطوا :"اصلبو!". 14 قال لهم بيلاطس :"واش من شر دارو؟" زادوا عيطوا اكثر من لول :"اصلبو!". 15 و على خاطر بيلاطس كان حاب يرضي الناس الكل , سيب لهم باراباس , و حكم على يسوع بعدما جلدو, داوه باه يتصلب . الجنود يستهزاو بيسوع 16 اداوه العسكر , و دخلوا بيه وسط دار الولاية , و تلمت عليه الكتيبة كاملة تاع العسكر. 17 و لبسوه برنوس عنابي, و ضفرولو تاج من الشوك و حطوه على راسو, 18 و بداو تحِيوْ فيه و يقولوا :" السلام يا الملك تاع ليهود!". 19 و كانوا يضربوا فيه على راسو بالقصبة , و يبصقوا عليه, 20 و من بعد يسجدوا ليه على ركايبهم, و بعدما استهزاو بيه , نحاو عليه البرنوس العنابي و لبسوه قشاتو , و من بعد اداوه باه يصلبوه . 21 ومدوا لواحد الراجل كان معدي من لثم جاي من الجنان , اسمو سمعان القيرواني اولادو اسكندرس و روفس, باه يهز عليه الصليب الي راح يتصلب عليه . الصلب 22 و جابوه لواحد لمكان اسمو "الجلجثة " اللي التفسير تاعو "جمجمة". 23 و مدولو خمرة مخلطة بالمرار باه يشربها , بالصح ما قبلش . 24 و كي صلبوه داروا القرعة على قشاتو : كل واحد واش يدي ؟. 25 و كي صلبوه كانت الساعة الثلاثة . 26 و كانت التهمة تاعو مكتوبة :"الملك تاع ليهود". 27 وصلبوا معاه زوز مجرمين , واحد على ليمين و لاخر على ليسار . 28 و تم المكتوب اللي قال :" يتحسب مع المجرمين ". 29 وكانوا الناس المعديين من لثم يتمسخروا بيه , و يهزوا في روسهم ويقولوا :"اه يا مهدم الهيكل و بانيه في ثلاثة ايام ! . 30 منع روحك و اهبط من فوق الصليب!". 31 و حتى رياس الكهنة والكتبة يستهزاو بيناتهم , وقالوا:" وحايد اخرين منعهم بالصح روحو ما يقدرش يمنعها!. 32 لو كان نشوفوا المسيح الملك تاع ليهود يهبط من فوق الصليب , نامنوا بيه!". و هاذوك اللي تصلبوا معاه كانوا يعايروا فيه . الموت 33 و كي وصلت الساعة الستة , ظلامت الدنيا حتى للتسعة . 34 و على الساعة التسعة عيط يسوع بأعلى صوتو وقال :"ألوي , ألوي, لما شبقتني؟". الي معناها : الهي , الهي , علاش خليتني ؟ 35 و جماعة من الناس الحاضرين كي سمعوه قالوا :" راه يعيط على ايلياس". 36 واحد منهم راح يجري و رنخ طبة في الخل و ربطها في قصبة و حطهالو في فمو و قال :" خلِيوه , نشوفوا كان يجي ايلياس و يهبطو!". 37 عيط يسوع بصوت عالي خلاص و طلَّع الروح . 38 وتشق الحجاب تاع الهيكل على زوز , من فوق لل تحت . 39 و كي شاف القايد تاع المية اللي كان واقف مقابلو كيفاه عيط هاذيك العيطة و طلع الروح , قال:" هاذا الانسان كان صح وليد الله!" 40 و كانوا ثاني نساء يتفرجوا من بعيد , بينهم مريم المجدلية , و مريم ام يعقوب الصغير و يوسي, و سالومة , اللي كانوا معاه و خدموه كي كان في الجليل . 41 و ياسر واحد اخرين من اللي طلعوا معاه لاورشليم . الدفينة 42 و كي عشات لعشية , و كي كانوا يسجيو قبل ما يدخل السبت , 43 جاء يوسف اللي من الرامة , راجل رزين و شريف, وكان حتى هو يستنى في الملكوت تاع الله, تجرأ و دخل عند بيلاطس و طلب منو يخليه يدي الجسد تاع يسوع . 44 و تعجب بيلاطس كيفاه هكذا مات ليه ليه . و عيط على القايد تاع المية و سقساه :"عندو مدة من اللي مات ؟". 45 و كي عرف من القايد بلي مات , مد الجسد ليوسف. 46 شرى كتان , و هبطو و كفنو, و راح دفنو في واحد لقبر كان محفور في حجرة , ودز حجرة كبيرة على باب لقبر . 47 و كانت مريم المجدلية و مريم ام يوسي يشوفوا وين حطوه.