1 و بقاو يومين على عيد الفصح و ايام لفطير . و كانوا الرياس تاع الكهنة و الكتبة يفكروا كيفاه يحكموا يسوع بالحيلة و يقتلوه , 2 بالصح قالوا :" ما نديروهاش نهار العيد باه ما يثورش علينا الشعب ". يصبوا الطيب على يسوع 3 و كي كان في بيت عنيا في دار سمعان لبرص , وهو متكي لثم , جات واحد لمرى هازة قرعة ريحة تاع الناردين الحر غالية ياسر في السومة. كسرت القرعة و صبتها على راس يسوع . 4 و كاين وحايد اللي ما عجبهمش الحال و قالوا في قلوبهم :" علاش خسارة الريحة هكذاك ؟" 5 كنا نقدروا نبيعوها حتى بثلاثمية دينار و الا اكثر و نصدقوا على المحتاجين ". و لاموا على لمرى . 6 اما يسوع قال :" خليوْها! علاش تقلقوا فيها ؟ 7 عملت مليح! الفقراء معاكم في كل وقت. و تقدروا تعملوا فيهم الخير وقت اللي تحبوا . اما انا مانيش معاكم ديما . 8 هي دارت اللي عليها. سبقت و دهنت بدني بالطيب توَّجد فيا باه نتكفن . 9 نقول لكم الحق : وين ما يبشروا بهاذا الانجيل في العالم كامل , يخبروا ثاني على الشيء اللي عملاتو هاذي لمرى , شهادة ليها ". الخيانة تاع يهوذا 10 و من بعد يهوذا الاسخريوطي, واحد من الثناش, راح للرياس تاع الكهنة و نفاهم معاهم باه يسلم لهم يسوع . 11 و فرحوا كي سمعوا , و وعدوه باه يمدولو الدراهم . و كان يستنى في فرصة مواتية باه يسلموا . العشاء تاع الفصح مع التلامذة 12 و في النهار لول من ايامات لفطير . كي كانوا يذبحوا في الكبش تاع الفصح , قالوا لو التلامذة تاعو :"وين تحبنا نوجدولك الفصح باه تاكل؟". 13 بعث زوز من التلامذة و قال لهم :" روحوا للمدينة , تلقاو راجل هاز جرة تاع ماء تبعوه. 14 و كي يدخل ادخلوا وراه و قولوا لمولى الدار : او المعلم يقولك :ويني البيت اللي راح ناكل فيها الفصح انا و التلامذة تاعي ؟ 15 ضرك يوريلكم واحد البيت في السطح مفرشة و ساجية . وجدولنا لعشاء لثم". 16 و راحوا التلامذة في زوز ودخلوا لمدينة ولقاو كيما قال لهم . و وجدوا لعشاء تاع الفصح . 17 و كي عشات لعشية جا هو و التلامذة في ثناش . 18 و كي كانوا قاعدين ياكلوا قال يسوع :" نقول لكم الحق : واحد منكم راح يبيعني . اللي قاعد ياكل معايا !". 19 و بدا الحزن يبان عليهم , و بالواحد يسقسيو فيه :"انا هو ؟" . "انا هو ؟". 20 جاوبهم وقال :"واحد منكم في ثناش , اللي يغمَّس معايا في الصحفة. 21 هاو ابن الانسان رايح كيما راه مكتوب عليه . بالصح يا ويلو هاذاك الراجل اللي يسلم ابن الانسان . كان خير ليه لو كان ما ولدش خلاص!". لعشاء تاع الرب 22 و كي قعدوا باه ياكلوا , هز يسوع الخبز و قسمو و باركو , و مد لهم و قال :"هاكم كولوا , هذا هو البدن تاعي ". 23 و من بعد هز الكاس و شكر و مدلهم, شربوا منها الكل. 24 و قال لهم :"هاذا هو الدم تاعي اللي للعاهد الجديد , اللي يسيح على خاطر ناس ياسر . 25 نقول لكم الحق : انا ما نزيدش نذوق المنتوج تاع الكرمة حتى يجي هاذاك النهار اللي نشربو جديد في الملكوت تاع الله ". 26 و من بعد سبحوا مع بعضاهم و خرجوا للجبل تاع الزيتون . يسوع يتنبـأ بلي بطرس راح ينكروا 27 وقال لهم يسوع :"كلكم راح تشكوا فيا في هاذي الليلة ,على خاطر مكتوب : اضرب الراعي يتفرقوا الخرفان . 28 بالصح من بعد كي نقوم من بين الموتى نسبقكم للجليل". 29 قال لو بطرس :"لو كان يشكوا فيك الكل انا عمري ما نشك فيك !". 30 قال لو يسوع :"نقول لك الحق : اليوم في الليلة هاذي بالذات, قبل ما يعوعش السردوك مرتين , تنكرني انت ثلاثة مرات ". 31 زاد قالو و اكد هالو :" حتى لو كان يقتلوني معاك ما ننكركش!". و هكذاك ثاني كلهم قالوا نفس الهدرة في جنان جثسيماني 32 و راحوا لواحد الجنان اسمو جثسيماني , قال للتلامذة تاعو:" ابقاو هنا حتى نصلي". 33 و دا معاه بطرس و يعقوب و يوحنا , و بدى يتحير و يحزن , 34 و قال لهم :"نفسي حزينة حتى للموت ! ابقاو هنا و اسهروا". 35 و بعد عليهم شوية و سجد في لرض , و كان يصلي باه لو كان تقدر تفوت عليه هاذي الساعة . 36 و قال :" يا آبا الآب . انت قادر على كل شيء . بعد عليا هاذا الكاس . بالصح مش الشيء اللي انا نحبو هو اللي يكون , خلي الشيء اللي تحبو انت هو اللي يصرى". 37 و من بعد جا و لقاهم راقدين , قال لبطرس :"يا سمعان راك راقد ! ما قدرتش تزيد تسهر حتى ساعة وحدة ؟ 38 اسهروا و صلوا باه ما تدخلوش في لمحنة . البدن ضعيف , بالصح الروح ناشطة ". 39 و زاد راح يصلي و يقول في هاذاك لكلام بالذات . 40 و زاد جاهم ثاني و لقاهم راقدين , و كانت عينيهم مغمضة , و ما قدروش يجاوبوه. 41 و زاد جا لثالث مرة و قال لهم :"ارقدوا ضرك و ارتاحوا! خلاص ! اي وصلت الساعة ! الان ابن الانسان يتسلم ليد المذنبين , 42 نوضوا خليونا نروحوا! الي راح يسلمني او قرب !". القبض على يسوع 43 و في هاذاك الوقت بالذات و هو مازال يهدر جا يهوذا, واحد من الثناش , وجاو معاه غاشي ياسر بالسيوفى و القرم مبعوثين من عند رياس الكهنة و الكتبة و الشيوخة . 44 و اللي كان راح يبيعو عطالهم امارة وقال :"اللي نبوسو او هذاك هو . احكموه , و اديوه و عندكم عليه". 45 و في هاذاك الوقت بالذات قدم ليه و قالو :" يا سيدي , يا سيدي!" . و باسو . 46 راحوا هما تلموا عليه و حكموه . 47 و واحد من اللي كانوا حاضرين سل السيف , و ضرب لخديم تاع رايس الكهنة نحالو وذنو . 48 و يسوع قال لهم :" تقول عليكم خرجتوا على سراق بالسيوفة و القرم باه تحكموني ! 49 انا كنت معاكم كل يوم نعلم في وسط الهيكل و ما حكمتونيش ! بالصح باه يتم الشيء اللي جا في لكتب ". 50 و كلهم اللي كانوا معاه خلاوه و هربوا . 51 و تبعو واحد الشاب كان ساتر روحو بايزار, 52 كي حكموه خلى في يديهم الايزار و هرب عريان . قدام المجمع تاع ليهود 53 و داو يسوع للرياس تاع الكهنة , و تلموا عليه الرياس تاع الكهنة الكل و الشيوخة و الكتبة . 54 و كان بطرس يتبع فيه من بعيد حتى ن دخل للدار تاع رايس الكهنة , و كان قاعد في وسط الخدامين يتدفى على النار. 55 و كانوا الرياس تاع الكهنة و المجمع كامل يحوسوا على بيان على يسوع باه يقتلوه , و ما لقاوش . 56 على خاطر ياسر اللي شهدوا عليه بالكذب , و الهدرة تاعهم كانت متعاكسة . 57 و من بعد وقفوا وحايد و شهدوا عليه بالزور و قالوا : 58 " احنا سمعناه يقول : انا نهدم هاذا الهيكل اللي مبني باليدين , و في ثلاثة ايام نبني واحد اخر ما بناتوش يدين ". 59 و حتى هكذا و ما جاتش الهدرة تاعهم متوافقة مع بعضاهم . 60 وقف رايس الكهنة في الوسط و سقسى يسوع و قالو :"كاش ما عندك ما تجاوب ؟ هاذوا واش راهم يشهدوا عليك؟". 61 بالصح هو كان ساكت و ما جاوب حتى بكلمة . و زاد سقساه رايس الكهنة ثاني و قالو :" انت هو المسيح ابن المبارك؟". 62 قال لو يسوع :" انا هو. و ضرك تشوفوا ابن الانسان قاعد على يمين القدرة , و جاي في السحاب تاع السماء ". 63 الرايس تاع الكهنة قطع قشاتو وقال :" ما بقيناش محتاجين للشهود ضرك ؟ 64 راكم سمعتوا الكفر! واش رايكم ؟ و الناس الكل حكموا عليه بلي يستاهل حكم الموت. 65 و كاين وحايد بداو يبصقوا عليه , و يغطيولو في وجهوو يقولولو :"طلع شكون ضربك؟" . و كانوا الخدامين يضربوا فيه . بطرس ينكر 66 و كي كان بطرس لتحت في الدار تاع رايس الكهنة جات واحد لخديمة . 67 و كي شافت بطرس يتدفى , بقات تخزر فيه و قالت :" و انت كنت مع يسوع الناصري!". 68 نكر بطرس و قال لها :" لا نعرف لا نفهم واش راكي تهدري!". و خرج لبرى لوسط الدار, وعوعش السردوك. 69 بقات لخديمة تشوف معاه و تقول للحاضرين :" هاذا راه واحد منهم!". 70 زاد نكر ثاني . و بعدها بشوية زادوا الحاضرين قالوا لبطرس:" صح انت راك واحد منهم على خاطر انت من الجليل و حتى الهدرة تاعك تشابة لهدرتهم !". 71 بدا يلعن و يحلف :" انا ما نعرفش هاذا الراجل اللي راكم تهدروا عليه !". 72 و زاد عوعش السردوك مرة اخرى , وقتها تفكر بطرس الهدرة اللي قالها يسوع :"قبل ما يعوعش السردوك مرتين , تنكرني انت ثلاثة مرات ". و كي خمم في هاذا لكلام بكى .