¹ و كي كان خارج من الهيكل, قالو واحد من التلامذة تاعو :" يا معلم شوف ! كيفاه هاذي لحجار! و كيفاه هاذا البني!". ² قالو يسوع :" راك تشوف في هاذي البنايات لكبيرة كاملة ؟ ما تقعد منها حتى حجرة فوق اختها غير و تتقرقع ". ³ و كي كان قاعد في جبل الزيتون , و متلفت لجيهة الهيكل , كي كانوا معاه بطرس و يعقوب و يوحنا و اندراوس وحدهم سقساوه : " ⁴ قول لنا وقتاه يصرى هاذا الشيء ؟" و واش هي لمارة تاع الزمان الي يصرى فيه هاذا كامل ؟". ⁵ جاوبهم و قال لهم :" شوفوا! ما يضللكم حتى واحد. ⁶ راح يجيو باسمي ناس ياسرو يقولوا : اني انا هو! وياسر اللي راح يصدقوهم . ⁷ و اذاكان سمعتوا بالحروب و اخبارها ما تخافوش, على خاطر هاذا كامل لازم يصرى . بالصح مازال ماهيش لاخرة . ⁸ على خاطر تقوم امة على امة . و مملكة على مملكة , وتكون زلازل ياسر في بلدان , و يكون الجوع و الاهوال. و هاذي ماهي غير اول لوجاع . ⁹ شوفوا لرواحكم انتوما , على خاطر راح يسلموكم للمحاكم , و يضربوكم في الجوامع , وتوقفوا قدام رياس و سلاطين , على جالي, باه تشهدوا عليهم. ¹⁰ بالصح قبل لازم يتنشر الانجيل بين جميع الامم . ¹¹ و كي يديوكم باه يسلموكم , ما تخموش من قبل واش راح تقولوا و ما تقلقوش , بالصح الشيء اللي يتمد لكم في هاذيك الساعة بيه اهدروا. على خاطر الروح القدس هو اللي يهدر فيكم و موش انتوما. ¹² و يولي الخو يسلم خوه للموت , و الاب يسلم وليدو, و يوقفوا لولاد لوالديهم و يقتلوهم . ¹³ و تكونوا مكروهين عند الناس الكل على جال اسمي . بالصح اللي يصبر حتى للاخر هاذاك يمنع. ¹⁴ و نهار اللي تشوفوا " النجاسة تاع لخراب" اللي قال عليها النبي دانيال, قايمة وين ما لازمش تكون -باه اللي يقرى يفهم- وقتها الناس اللي في بلاد ليهودية يهربوا للجبال, ¹⁵ و اللي فوق السطح ما يهبطش و ما يدخلش لداروا باه كاش ما يدي, ¹⁶ واللي في الجنان ما يرجعش باه يدي لباسو. ¹⁷ يا ويلهم النساء اللي بلكرش و اللي يرضعوا في هاذيك ليامات! ¹⁸ و ادعيو باه ما يكونش الوقت اللي تهربوا فيه في الشتاء . ¹⁹ على خاطر في هاذيك ليام يكون ضيق كيما عمرو ما صرى من اللي بدات الدنيا حتى لضرك , و موش راح يكون . ²⁰ و لو كان مش ربي قصر في هاذوك ليام , حتى واحد ما يمنع . بالصح قصر فيهم على جال الناس اللي خايرهم . ²¹ في هاذاك الوقت لو كان كاش واحد يقول لكم : اهو المسيح لهنا! ولا او لهيه!ما تقبلوش. ²² على خاطر راح يجيو مسحاء و انبياء كذابين, و يديروا ايات و عجايب, باه يدخلوا الشك لو كان يقدروا حتى في لمخيرين ثاني. ²³ و انتم شوفوا . اني خبرتكم بكل شيء قبل الوقت . ²⁴ "و اما في هاذوك ليام بعد الضيقة , تظلام الشمس, و القمر ما يعودش يضوي, ²⁵ و النجوم تطيح من السماء , و القوات اللي في السماء تتزعزع . ²⁶ وقتها تشوفوا ابن الانسان جاي في السحاب بقوة كبيرة و مجد , ²⁷ و يبعث لملايكات و يلم المختارين تاعو من اطراف الدنيا في اربعة , من لخر تاع لرض حتى للخر تاع السماء ²⁸ تعلموا لمثل من الشجرة تاع الكرطوس : كي يولي العود تاعها طري و يخرج لوراقي , تعلموا بلي الصيف قرب . ²⁹ حتى انتوما كي تشوفوا هاذي لحوايج صايرة, اعرفوا بلي راه قريب على البيبان . ³⁰ نقول لكم الحق: ما يفضش هاذا الجيل حتى يصرى هاذا كامل . ³¹ السماء و لرض يزولوا بالصح كلامي ما يزولش . اسهروا ديما " ³² اما هاذاك اليوم و هاذيك الساعة واحد ما يعلم بيهم , حتى لملايكات اللي في السماء , و حتى الابن , غير الاب برك . ³³ شوفوا! اسهروا و صليو,على خاطر ما تعرفوش وقتاه يجي الوقت . ³⁴ كان واحد الراجل مسافر خلى داروا, و مد للخدامين باه يتصرفوا في كل شيء . كل واحد و الخدمة تاعو, و وصى البواب باه يسهر . ³⁵ امالا اسهروا حتى انتوما , على خاطر ما تعرفوش وقتاه يجي مولى الدار , في لعشية , و الا في نص الليل, والا في الصباح بكري كي يعوعش السردوك و الا كي يطلع النهار . ³⁶ لا يجي على غرادة و يلقاكم راقدين! ³⁷ و الشيء اللي نقول لكم نقولوا للكل : اسهروا " .