1 و كي كمّل يسوع كلامو حتى للخر قال لتلامذة تاعو: 2 "علابالكم باللي بعد نهارين يجي عيد الفصح, و فيه يسلموا ابن الانسان باه يصلبوه". 3 في هاذاك الوقت تلموا ريّاس الكهنة و الكتبة و الشيوخة تاع الشعب و راحوا لدار قيافا رايس الكهنة, 4 و تشاوروا بيناتهم باه يديروا حيلة و يحكموا يسوع و يقتلوه. 5 بالصح قالوا: "ما نديروهاش نهار العيد باه تنوضش الفوضى في وسط الشعب". يسوع يدهنوه بالطيب 6 و كي كان يسوع في بيت عنيا في دار سمعان الابرص, 7 جات ليه واحدة لمرى و كانت هازة في يدها قرعة تاع ريحة سومتها غالية, و سيحتها على راسو كي كان قاعد. 8 و كي شافوا التلامذة الشيء اللي صار غاظهم الحال و قالوا: "علاش هذا التبذير؟ 9 كنّا قادرين نبيعوا هاذي الريحة بالغلى و نفرقوا دراهمها على الفقراء". 10 و كي سمعهم يسوع قال لهم: "علاش تبخصوا في لمرى؟ هي دارت لي حاجة مليحة! 11 الفقراء ام معاكم ديما, اما انا ما نيش معاكم ديما. 12 و هي كي سيحت هاذي الريحة عليا اي دارت هكا توجد فيّا باه تكفنوني. 13 نقول لكم الحق: وين ما يبشروا بهاذا الانجيل في الدنيا كاملة, يهدروا ثاني على الشيء اللي عملاتو هاذي لمرى و يبقاو متفكرينها". لخيانة تاع يهوذا 14 في هاذيك الساعة راح واحد من التلامذة الثناش, اللي اسمو يهوذا الاسخريوطي, للريّاس الكهنة 15 و قال لهم: "قداه تمدولي كي نبيع لكم يسوع؟". و همّا خلصوه ثلاثين قطعة تاع فضة. 16 و من هاذاك الوقت بدى يحوس على فرصة باه يبيّع بيه. عشاء الفصح مع التلامذة 17 و في اول يوم من ايام لفطير جاو التلامذة ليسوع و سقساوه: "وين تحب نوَّجدولك لعشاء تاع الفصح؟". 18 قال لهم: "روحوا للمدينة عند فلان و قولولوا: قالك المعلم: ساعتي قربت. و في دارك انت نتعشى لعشاء تاع الفصح انا و التلامذة تاعي". 19 وراحوا التلامذة داروا كيما قالهم يسوع و وجدوا لعشاء تاع الفصح. 20 و في الليل و هو قاعد مع التلامذة في ثناش. 21 و كي كانوا يتعشاو قال: "نقول لكم الحق: واحد منكم راح يخدعني". 22 و كي قالهم هاذي الكلمة حزنوا خلاص, و بداو يسقسِيوْ فيه بالواحد: " تهدر عليا انا يا رب؟". 23 اما هو رد عليهم و قال: "اللي يدَّخل يدو معايا في المعجنة هو اللي يخدعني! 24 ابن الانسان راح يموت كيما مكتوب عليه, بالصح يا ويل هاذاك الراجل اللي يبيع ابن الانسان. كان خير لو كان ما خرجش من كرش امو!". 25 نطق يهوذا اللي باعو و قالو: "تهدر عليا انا يا سيدي؟". قال يسوع: "انت قلت". عشاء الرب 26 و كي بداو ياكلوا هز يسوع الخبز, و بارك و قسم و فرق على التلامذة و قال: "هاكم كولوا. هاذا هو البدن تاعي". 27 و هز الكاس و شكر و مدلهم و قال: "اشربوا منها كلكم, 28 على خاطر هاذا هو دم العاهد اللي يسيل على جال ناس ياسر باه تتغفر ذنوبهم. 29 و نقول لكم: انا من نهار اليوم ما نزيدش نشرب من منتوج الدالية هاذا حتى لنهار اللي نشربوا معاكم جديد في الملكوت تاع بابا". 30 و من بعد سبحوا الله كلهم مع بعضاهم و خرجوا راحوا لجبل الزيتون. يسوع يقول على بطرس كيفاه راح ينكروا 31 و قال لهم يسوع: "الليلة هاذي رايحين تشكوا فيا كلكم, على خاطر مكتوب: اضرب الراعي تتفرق لغنم. 32 بالصح من بعد ما نقوم من بين الموتى نسبقكم ل الجليل". 33 نطقلو بطرس و قالو: "لو كان يشكوا فيك الكل لنا عمري ما نشك فيك". 34 قالو يسوع: "نقول لك الحق: في هاذي الليلة و قبل ما يعوعش السردوك تنكرني ثلاثة مرات". 35 قال بطرس: "لو كان يقتلوني معاك ما ننكرش!". و حتى التلامذة لخرين الكل قالوا نفس لكلام. في جثسيماني 36 و من بعد راحوا لواحد الجنان يسموه جثسيماني, و قال للتلامذة:" اقعدوا هنا اني رايح لهيه نصلي و نجي". 37 و دى معاه بطرس و اولاد زبدي في زوز, و بدى الحزن يعصر فيه. 38 و قال لهم: "راني حزين راح يقتلني الحزن. اسناو هنا و اسهروا معايا". 39 و بعد عليهم شوية و سجد على وجهو للرض, و كان يصلي ويقول: "يا بابا, لو كان غير يتهز عليا هاذا الكاس, بالصح مش كيما نحب انا دير انت واش تحب". 40 و من بعد جا للتلامذة و لقاهم راقدين, قال لبطرس: "هكا ما قدرتوش تزيدوا تسهروا معايا حتى ساعة واحدة؟". 41 اسهروا و صلوا باه ما تدخلوش في محنة, الروح او ناشط بالصح البدن هو اللي ضعيف". 42 و خلاهم و زاد راح يصلي وكان يقول:"يا بابا, لو كان غير تبعد عليا هاذا الكاس باه ما نشربوش بالصح دير واش تحب انت". 43 و من بعد كي جا زاد لقاهم راقدين, و النوم مثقل عليهم. 44 خلاهم و زاد راح يصلي مرة اخرى و قال هاذاك لكلام بالذات. 45 و من بعد جا للتلامذة و قال لهم: "ارقدوا ضرك و ارتاحوا! هاي قربت الساعة, ضرك يتسلم ابن الانسان ليد المذنبين. 46 نوضوا هيا نروحوا! او وصل اللي خدعني!". القبض على يسوع 47 و هو مازال يهدر, وصل يهوذا اللي كان واحد من الثناش و معاه غاشي كبير من جماعة رياس الكهنة و شيوخة الشعب هازين سيوفة و قرم. 48 واللي خدعو اعطاهم امارة و قال لهم: "اللي نبوسو او هاذاك هو. احكموه". 49 و في ساع قدم ليسوع و قال: "عسلامة سيدي!" و سلم عليه و باسو. 50 قال لو يسوع: "يا صاحبي, علاه جيت؟". وقتها قدموا اللي معاه و حكموا يسوع قبضوا عليه. 51 و كان واحد من اللي مع يسوع سل السيف و ضرب بيه لخديم تاع رايس الكهنة, نحالو وذنو. 52 قال لو يسوع: "رد السيف وين كان. على خاطر اللي جاو بالسيف بالسيف يموتوا! 53 علاه تحساب باللي مانيش قادر نطلب من عند بابا يبعثلي اكثر من اثناش جيش تاع ملايكة؟ 54 كيفاه مالا نكملوا المكتوب: باللي لازم يصرى هاذا الشيء كامل؟". 55 و في هاذيك الساعة قال يسوع للغاشي: "تقول عليكم خرجتوا باه تحكموا سارق جايين بالسيوفة و القرم باه تقبضوا عليا! و انا نهار كامل و انا قاعد معاكم نعلم في وسط الهيكل و ما حكمتونيش. 56 بالصح هاذا كامل صرى باه يتم المكتوب اللي قالوا عليه الانبياء". و في هاذيك الساعة خلاوه التلامذة الكل و هربوا. يسوع قدام المجلس تاع ليهود 57 و الناس اللي حكموا يسوع داوْه لقيافا رايس الكهنة, و كانوا الكتبة و الشيوخة كلهم متلميين لثمة. 58 اما بطرس بقى يتبع فيهم من بعيد حتى ن وصلوا لدار قيافا, و دخل معاه لداخل و قعد في وسط الخدامين يسنى يشوف واش راح يصرى. 59 و كانوا رياس الكهنة و الشيوخة و المجلس تاعهم كامل يحوسوا على تهمة باطلة يتهموا بيها يسوع باه يقتلوه, 60 بالصح ما لقاو باه يتهموه. و كانوا شهود باطل ياسر واقفين بالصح ما لقاوش ضده حتى حاجة. و في لخّر وقفوا زوز منهم و همّا شهود بالباطل 61 و قالوا: "هاذا الراجل قال نقدر نريَّب الهيكل تاع الله, و نبنيه في ثلاثة ايام". 62 وقف لو رايس الكهنة و قال: "كاش ما عندك حاجة تقولها؟ شوف باه شهدوا عليك هاذو في زوز؟". 63 اما يسوع بقى ساكت. وزاد قالو رايس الكهنة: "حلفتك بالله الحي تقول لنا: انت هو المسيح ابن الله؟". 64 قال لو يسوع: "راك قلتها! و نزيد نقول لكم: من اليوم راح تشوفوا ابن الانسان قاعد على يمين الله القدير, و جاي على السحاب من السماء". 65 شرّق رايس الكهنة قشو و قال: "او كفر! واش نديروا بيهم الشهود؟ انتم سمعتوه واش قال! 66 واش رايكم؟". جاوبوا الكل و قالوا: "يستاهل الموت". 67 و بصقوا على وجهو و ضربوه بالكف, واخرين ضربوه بالدبز 68 و كانوا يقولوا: "قول لنا طراه شكون ضربك يا واحد المسيح؟". بطرس ينكر 69 و بطرس كان قاعد لبرى في وسط الدار, جات واحدة لخديمة و قالت: "انت ثاني كنت مع يسوع تاع الجليل!". 70 نكر قدام الناس الكل و قال: "ما علاباليش واش قاعدة تهدري!". 71 و خرج لبرى للحوش زادت شافاتو خديمة اخرى, و قالت للناس اللي لثمة: "حتى هاذا كان مع يسوع الناصري!". 72 زاد نكر مرة اخرى و حلف: "نحلف بربي باللي ما نعرفش هاذا الرجل!". 73 و من بعد جاو الناس تلموا على بطرس و قالوا: "صح انت ثاني واحد منهم, من هدرتك باين!" 74 و بدى وقتها يسب و يحلف: "والله ما نعرف هاذا الراجل!". و في هاذيك الساعة بالذات عوعش السردوك. 75 و تفكر بطرس الهدرة اللي قالها يسوع: "قبل ما يعوعش السردوك تنكرني ثلاثة مرات". ولى خرج لبرى و بكى بالحريقة.