¹ "وقتها يكون ملكوت السماوات يشابه لعشرة صبايا, هزت كل وحدة فيهم كانكي يشعل بالزيت و خرجوا يعَرضوا للعريس. ² و كانوا خمسة منهم فايقات, و خمسة حايرات. ³ هاذوك الحايرات هزوا الكانكيات تاعهم و ما هزوش معاهم الزيت, ⁴ اما الفايقات هزوا الكانكيات تاعهم و زادوا هزوا معاهم الزيت. ⁵ شوية لعريس بطى ما جاش ولاو نعسوا كلهم و رقدوا بالنوم. ⁶ ونص الليل سمعوا الحس و لعياط: هاو لعريس جاي, عرضولوا! ⁷ فاقوا هاذوك الصبايا من النوم و قدّوا الكانكيات تاعهم. ⁸ و هاذوك الحايرات قالوا للفايقات: اعطونا شوية زيت معاكم الكانكيات تاعنا راح تطفى. ⁹ قالوا لهم الصبايا لفايقات: بلاك احنا ما و يكفيناش بالصح, روحوا عند البيّاع و اشرِيوْ واش تحتاجوا خير. ¹⁰ و كي راحوا همّا باه يشرِيوْ جاء لعريس, و الصبايا اللي كانوا واجدين دخلوا معاه للعرس, و تقفل الباب وراهم. ¹¹ و من بعد خلاص جاو الصبايا الحايرات و بداو يعيطوا و يقولوا: يا سيدي, يا سيدي, حل علينا الباب! ¹² جاوبهم و قال: الحق انا ما نعرفكمش. ¹³ اسهروا على خاطر ما تعرفوش لا النهار و لا الساعة اللي يجي فيها ابن الانسان. لمثل تاع كيلة الدراهم ¹⁴ "و يشابه ملكوت السماوات ثاني لواحد الراجل كان راح يسافر عيط للخدامين تاعو و كلّفهم بواش يكسب من المال, ¹⁵ مد لواحد فيهم خمسة كيلات, و مد للاخر زوز كيلات, و مد لواحد اخر كيلة. كل واحد على قد جهده. و من بعد سافر. ¹⁶ و راح هاذاك اللي ادى الخمسة كيلات و تاجر بيهم, و ربح خمسة كيلات اخرين. ¹⁷ و حتى اللي ادى زوز كيلات هو ثاني دار كيما لول و ربح زوز كيلات اخرين. ¹⁸ اما هاذاك اللي ادا الكيلة لواحدة راح و حفر حفرة في لرض و خبى دراهم سيدو. ¹⁹ و عدى زمان طويل و روّح الراجل و راح باه يتحاسب مع الخدامين تاعو, ²⁰ جاه مولى الخمسة كيلات و زاد اعطاه خمسة كيلات اخرين معاهم و قال: اعطيتيني خمسة كيلات. هاي فوقهم خمسة كيلات اخرين ربحتهم. ²¹ قالو سيدو: يعطيك الصحة انت خديم صالح و مولى امانة! على خاطر كنت مولى امانة على لقليل راح نكلفك على الكثير. ادخل للنعيم و الفرحة تاع سيدك. ²² و من بعد جاه مولى الزوز كيلات و قال: يا سيدي, اعطيتيني زوز كيلات. هاي فوقهم زوز كيلات اخرين ربحتهم. ²³ قالو سيدو: يعطيك الصحة انت خديم صالح مولى امانة! على خاطر كنت مولى امانة على لقليل راح نكلفك على الكثير. ادخل للنعيم و الفرحة تاع سيدك. ²⁴ و من بعد ثاني جا مولى الكيلة لواحدة و قال: يا سيدي, انا عارف باللي انت راجل صعيب, و تحب تحصد وين ما زرعتش, و تلم حتى وين ما غرستش. ²⁵ وليت خفت و رحت خزنتلك الكيلة تاعك في لرض. و ضرك هاو رزقك. ²⁶ رد عليه السيد و قالو: انت خديم قلبك مش مليح و ماكش خدّام, كي علابالك باللي انا نحصد وين ما زرعتش, و نلم وين ما غرستش, ²⁷ علاه مالا ما حطيتش الدراهم في البانكة, باه كي نجي نرجعهم مع الفايدة. ²⁸ و قال للخدّامين نحِيوْلو الكيلة اللي عندو و مدوها لمولى العشرة كيلات. ²⁹ على خاطر اللي عندو يزيد عليه, و اللي ما عندوش ينَقص ليه. ³⁰ و هاذا لخديم اللي بلا فايدة ارموه لبرى في الظلمة, وين يكون النواح و الرعدة. الخرفان و الجديان ³¹ " و نهار اللي يجي فيه ابن الانسان في الجاه تاعو و معاه الملايكة القديسين الكل, وقتها يتربع على عرشو المجيد. ³² و تتلم قدامو الشعوب الكل, و هو يفرزهم كيما يفرز الراعي الخرفان من الجديان, ³³ يحط الخرفان على ليمين و الجديان على ليسار. ³⁴ و من بعد يقول السلطان للناس اللي واقفين على ليمين: ارواحوا يا اللي جعلكم بابا متباركين, اورثوا الملكوت اللي كان موَّجد لكم من نهار اللي خلقت فيه الدنيا. ³⁵ على خاطر جعت و انتوما وكلتوني. عطشت و انتوما شربتوني. تغربت وانتوما لميتوني. ³⁶ تعريت وانتوما كسيتوني. مرضت و انتوما تفقدتوني. تحبست و انتوما زرتوني. ³⁷ وقتها يقولوا هاذوك الناس الصالحين: ياربي وقتاه شفناك جيعان و وكلناك و الا عطشان و شربناك؟ ³⁸ و وقتاه شفناك غريب و لميناك, و الا عريان و كسيناك؟ ³⁹ و وقتاه شفناك مريض و الا محبوس و زرناك؟ يرد عليهم السلطان و يقول لهم: ⁴⁰ نقول لكم الحق: على خاطر درتوا هاذا الخير في واحد من خاوتي هاذوك الصغار, تسماوْ درتو الخير فيا انا. ⁴¹ "و من بعد يقول لهاذوك اللي واقفين على ليسار: روحوا عليا يا واحد الملعونين للنار اللي ما تطفاش اللي موّجدة لابليس و الشواطن اللي يخدموا فيه, ⁴² على خاطر جعت ما وكلتوني. عطشت ما شربتوني. ⁴³ كنت غريب ما لميتوني. كنت عريان ما كسيتوني. كنت مريض و محبوس و ما زرتوني. ⁴⁴ وقتها همّا ثاني يقولوا: يا ربي, و قتاه شفناك جيعان و الا عطشان و الا غريب و الا عريان و الا مريض و الا محبوس و ما خدمناكش؟ ⁴⁵ يقول لهم: نقول لكم الحق: على خاطر انتوما ما درتوش الخير في واحد من خاوتي هاذوك الصغار, تسماوْ ليا انا اللي ما درتوش الخير. ⁴⁶ و راحوا هاذوك الناس للعذاب الدايم و الناس الصالحين راحوا للحياة الدايمة".