¹ و كانوا المذنبين الكل و العشارين يقربوا ليسوع باه يسمعوه. ² العلماء تاع الشريعة و الكتبة ما عجبهمش الحال و قالوا: "هاذا يقبل المذنبين و ياكل معاهم!". ³ ولى يسوع هدر معاهم بالمثل هاذا و قال لهم: ⁴ "شكون منكم اذا كان يكسب مياة خروف, و راح توَدر واحد منهم, مش يخلي التسعة و التسعين خروف وحدهم في الخلى, و يروح يفركت على هاذاك اللي توَدر حتى يلقاه؟ ⁵ و كي يلقاه يحطو على كتافو و يفرح بيه. ⁶ و يروح لدارو و يعرض صحابو و جيرانو و يقول لهم: "افرحوا معايا, لقيت لخروف تاعي اللي توَدر! ⁷ نقول لكم: كيما هكا تكون الفرحة في السماء بمذنب واحد يتوب اكثر من تسعة و تسعين بار ما يحتاجوش للتوبة. لمثل تاع الدرهم اللي راح ⁸ "نقولوا مرى عندها عشرة دراهم, و ريّحت واحد منهم, مشها تشعل الشمعة م تكنس الدار كاملة و تفركت مليح حتى تلقاه؟ ⁹ و كي تلقاه تعرض صحاباتها و جاراتها و تقول لهم: افرحو معايا لقيت الدرهم اللي ريّحتو. ¹⁰ نقول لكم: هكا ثاني تكون الفرحة قدام ملايكة الله بمذنب واحد يتوب. لمثل تاع الابن الضال ¹¹ و قال: " كان واحد الراجل عندو زوز ولاد. ¹² قال الصغيرفيهم لباباه: يا بابا اعطيني قسمتي من الورث. ولى قسم لهم كل ما يكسب. ¹³ و بعد مدة قليلة لم ولدو الصغير حوايجو الكل و سافر لارض بعيدة, و لثم بذر مالو و فسدو. ¹⁴ و بعدما صرف كل شيء, صرات مجاعة في هاذيك لبلاد, و بدا يحتاج. ¹⁵ ولى راح و لصق ف واحد من هاذيك لبلاد, و بعثو يسرح بالحلالف ف الجنانات تاعو. ¹⁶ و كان يسَخف حتى على الخروب اللي تاكل منو لحلالف, و واحد ما يمدلو. ¹⁷ و كي فاق مع روحو قال: قداه من خديم عند بابا يفضال عليه الخبز و انا هنا ميت بالجوع! ¹⁸ ايا نوقف و نرجع عند بابا و نقول لو: يا بابا, غلطت للسماء و غلطت في حقك, ¹⁹ ما نستاهلش حتى نكون ولدك. احسبني كيما واحد من الخدّامة تاعك. ²⁰ وقف و راح رجع عند باباه, و هو مازال ما وصلش شافو باباه من بعيد, حن عليه و راح يجري و نقز عليه و عنقو و باسو. ²¹ قالو ولدو: يا بابا, غلطت للسماء و غلطت في حقك, و ما نستاهلش خلاص نكون ولدك. ²² قال باباه للخدّامة: اجبدوا الكسوة لمخيرة و لبسوه, و حطولو خاتم في يدو, و لبسوه سباط في رجليه, ²³ و جيبوا لعجل المخزون و اذبحوه خلونا ناكلوا و نفرحوا, ²⁴ على خاطر ولدي هاذا كان ميت و اليوم حيا, و كان موّدر و اليوم لقيناه. ولاو فرحوا الكل. ²⁵ و كان ولدو لكبير ف الجنان. و هو راجع كي قرّب من الدار, سمع صوت لغناء و الطرب و الشطيح. ²⁶ عيط على واحد من الخدامة و سقساه: واش كاين؟ ²⁷ قالو: خوك رجع و باباك ذبح لعجل السمين, على خاطر رجعلو سالم. ²⁸ غضب و ما حبش يدخل للدار. خرج باباه يحاول فيه. ²⁹ اما هو رد على باباه و قال: انا نخدم فيك قداه و قداه هاذي سنين, و عمري ما خالفتك في حاجة, و حتى جدّي ماعطيتنيش باه نفرح انا و صحابي. ³⁰ بالصح نهار اللي جاء ولدك هاذا اللي كلا رزقك الكل ف الزنى, ذبحتلو العجل المخزون! ³¹ قالو: يا ولدي انت معايا دايما, و مالي الكل او ليك. ³² بالصح كان لازم نفرحوا و نزهاو, على خاطر خوك هاذا كان ميت و اليوم حيى, و وكان موّدر و اليوم لقيناه".