¹ و قال للتلامذة تاعو: "كان واحد الراجل غني عندو واحد موكلو على مالو, راحت بيه بيعة باللي قاعد يبذر و يفسد لو في رزقو. ² عيطلو و قال: وش هاذا اللي سمعت عليك؟ حاسبني على كل شيء و نفضوها ما تزيدش تتوكل عليّا. ³ خمم لوكيل بينو وبين روحو و قال: وش ندير؟ سيدي راح ينحي لي لوكالة. و انا ما نقدرش نفلّح, و نحشم نمد يدي. ⁴ بالصح على بالي وش ندير, حتى كان نحالي لوكالة يقبلوني الناس في ديارهم. ⁵ عيط على كل واحد من الناس اللي يسالهم سيدو, و قال للاول :قداه يسالك سيدي؟ ⁶ قال: مياة كيلة تاع زيت. رد عليه: اجبد الفاتورة تاعك و اقعد في ساع و اكتب خمسين. ⁷ و زاد قال للاخر: و انت قداه يسالك؟ قال: مياة كيلة تاع قمح. قالو: اجبد الفاتورة و اكتب ثمانين. ⁸ و شكر السيد لوكيل تاعو الخاين على الحكمة تاعو, على خاطر اولاد هاذا الزمان افيق من اولاد النور في جيلهم. ⁹ و انا نقول لكم: اربحوا صحاب بالمال تاع الباطل, نهار اللي يفض المال يقبلوكم في ديار دايمة. ¹⁰ اللي امين ف لقليل امين ثاني ف لكثير, و الظالم ف لقليل ظالم ثاني ف لكثير. ¹¹ اذا ما كنتوش امناء في مال الباطل, شكون يامنكم على الحق؟ ¹² و اذا ما كنتوش امناء في تاع الغير, شكون يعطيكم تاعكم؟ ¹³ ما يقدرش الواحد يخدم زوز اسياد, على خاطر يا اما يكره واحد و يحب لاخر, و الا يقعد مع واحد و يحقر لاخر. ما تقدروش تخدموا الله و المال". الطلاق ¹⁴ و كانوا العلماء تاع الشريعة يسمعوا ف هاذا لكلام كامل, و همّا معروف عليهم يحبوا المال, استهزاو بيه. ¹⁵ قال لهم: " انتوما اللي تبرروا في ارواحكم قدام الناس! بالصح الله يعرف قلوبكم. على خاطر المتكبر عند الناس مكروه عند الله. ¹⁶ "بقات الشريعة و التعاليم تاع الانبياء حتى جا يوحنا. و من بعد بدى التبشير بالملكوت تاع الله, و بدى كل واحد يجاهد باه يدخل ليه. ¹⁷ بالصح حتى لو كان تفنى السماء و لرض ما يبطلش حرف واحد من الشريعة. ¹⁸ كل من يطلق مرتو و يزوج بواحدة اخرى يزني, و كل من تزوج بملطقة من عند راجل يزني. الغني و لعازر ¹⁹ "كان واحد الراجل غني يلبس غير لحرير و القش الغالي و كل يوم يتنعم و يدير في الزرد. ²⁰ و كان واحد الراجل زوالي مسكين اسمو لعازر, مطيش قدام بابو لحمو كامل مغطي بالحب, ²¹ و يتمنى حتى لوكان يشبع غير من الفتات اللي يطيح من المايدة تع الغني, و حتى لكلاب تجي و تلحس الجروح اللي فيه. ²² و مات المسكين و هزوه الملايكة لحضن ابراهيم. و مات الغني ثاني و دفنوه, ²³ و هز عينيه و هو ف الجحيم في لعذاب, و شاف ابراهيم من بعيد و لعازر في الحضن تاعو. ²⁴ نادي و قال: يا بابا ابراهيم, ارحمني, و ابعث لعازر يجي يبل صبعو بالماء و يبرد لساني, اني تعذبت ف هاذا اللهيب. ²⁵ قال ابراهيم يا ولدي, اتفكر راك نلت حقك من الخيرات في حياتك و لعازر نال حقو من المحاين. هو اليوم يتعزى هنا و انت تتعذب ثمة. ²⁶ و زيد على هاذا الكل, بيننا و بينكم هوة كبيرة واحد ما يقدر يعدي من عندنا و يجيكم, و واحد ما يقدر يعدي من عندكم و يجينا. ²⁷ قال: مالا نطلب منك حاجة, يا بابا, تبعث لعازر لبيت بابا, ²⁸ على خاطر عندي خمسة خاوة, يقول لهم على الشيء اللي شافو باه يمنعو و ما يجيوش للعذاب هاذا. ²⁹ قالو ابراهيم: عندهم موسى و الانبياء, يسمعوا منهم. ³⁰ قال: لا, يا بابا ابراهيم, كون يروح لهم واحد من الموتى يتوبوا. ³¹ قالو: اذا كان ما سمعوش من موسى و الانبياء, حتى لو كان يقوم واحد من الموتى ما يقبلوش".