¹ و في هاذاك الوقت جاوه جماعة و قالولوا على هاذوك الناس تاع الجليل اللي قتلهم بيلاطس و تخلط الدم تاعهم مع دم الذبايح اللي قدموها. ² رد عليهم يسوع و قال لهم: "راكم حاسبين باللي هاذوك الناس اللي من الجليل كانوا مذنبين اكثر من غيرهم على خاطر صرالهم هاذا الشيء؟ ³ لا! نقول لكم: لو كان ما توبوش انتم ثاني كلكم تموتوا. ⁴ و الا هاذوك في ثمنطاش اللي طاح عليهم السور في سلوام و قتلهم, تحسبوا باللي كانوا مذنبين اكثر من الناس اللي ساكنين في اورشليم الكل؟ ⁵ لا! نقول لكم: لو كان ما توبوش انتم ثاني كلكم تموتوا. لمثل تاع شجرة الكرطوس اللي بلا غلة ⁶ و قال لهم هاذا لمثل: "كان واحد الراجل عندو شجرة مغروسة في و سط الجنان, جا و ما لقى فيها حتى غلة. ⁷ قال للجنايني: هاذي ضرك ثلاثة سنين و انا نجي لهاذي الشجرة و ما نلقاش فيها غلة. قصها! علاش معطلة لرض باطل؟ ⁸ رد عليه و قال: "يا سيدي, زيد خليها هاذا العام ثاني, ضرك نهَواها و نحطلها تربة مليحة. ⁹ كان جابت غلة جابت والا ماكنش نقصها". مرى ظهرها اعوج ترتاح ¹⁰ و كان قاعد يعلم نهار سبت في واحد المجمع, ¹¹ و كانت لثم واحدة لمرى كان عندها روح الفشلة ثمنطاش ن سنة, و كانت مكهبة و ما تقدرش توقف على طولها خلاص. ¹² كي شافها يسوع عيط لها و قال لها: "يا مرى, راكي محلولة من الضعف تاعك!" ¹³ و حط عليها يدو, و في هاذاك الوقت بالذات وقفت على طولها و حمدت الله. ¹⁴ جا الرايس تاع المجمع, و هو متغشش على خاطر يسوع رتّح نهار السبت, و قال للناس اللي كانوا حاضرين: "عندكم ستة ايام الخدمة فيها حلال, في هاذي ليام ارواحوا و ابراو على ارواحكم, بالصح مش ف نهار السبت!". ¹⁵ رد عليه الرب و قال: "يا واحد المنافق! كيفاه ما كنش فيكم اللي في نهار السبت يحل الرباط تاع الثور و الا لحمار تاعو و يخرجو من لمراح و يديه يشّربو؟ ¹⁶ و هاذي لمرى راهي بنت ابراهيم, ربطها الشيطان ثمنطاش ن سنة, ما كانش لازم تتحل من الرباط تاعها حتى لو كان نهار سبت؟". ¹⁷ و كي قال هاذا لكلام حشّم الناس اللي كانوا يعاندوا فيه, اما الناس الحاضرين فرحوا بالاعمال العظيمة الكل اللي كان يدير فيها. لمثل تاع حبة الخردل و لمثل تاع لخميرة ¹⁸ و قال: "لواه يشابه الملكوت تاع السماء؟ و باه نشّبهوا؟ ¹⁹ يشابه زريعة تاع خردل هزها واحد الراجل و رماها في الجنان تاعو, و كي نبتت كبرت حتى ولات شجرة كبيرة, و كانت لفراخ تبات بين لعراف تاعها". ²⁰ و زاد قال لهم: "باه نشّبه الملكوت تاع السماء؟ ²¹ يشابه لطرف خميرة هزتها مرى و حطتها في ثلاثة كيلات تاع عجينة حتى تخمرت لعجينة الكل". الباب الضيق ²² و هو رايح لاورشليم كان يعدي على المدن و القرى و هو يعلم, ²³ جاه واحد و قال لو: "يا معلم, راح يكونوا غير شوية من الناس اللي يمنعوا؟. قال لهم: ²⁴ "ديروا مجهودكم باه تدخلوا من الباب الضيق, نقول لكم: كاين ياسر اللي يحبوا يدخلوا بالصح ما يقدروش ²⁵ بعد ما يكون مولى الدار قام و قفل الباب وراه, و بديتوا تتلموا لبرى قدام الباب و تطبطبوا و تقولوا: يا رب! حل علينا الباب ندخلوا, يرد و يقول: ما نعرفكمش شكون انتوما! ²⁶ وقتها تبداو تقولوا: كلينا و شرينا معاك, و علّمت في الاحياء تاعنا! ²⁷ يقول: نقولكم الصح: انا ما نعرفكمش شكون انتوما, بعدوا عليا يا جميع الظالمين! ²⁸ وين يكون غير لبكاء و رعيد السنين, وقت اللي تشوفوا ابراهيم و اسحاق و يعقوب و الانبياء الكل في الملكوت تاع الله, و انتم مطيشين لبرى. ²⁹ و يجيو ناس من الشرق و من الغرب من الشمال و من الجنوب, و يدخلوا للملكوت تاع الله. ³⁰ لخرين يولِيو همّا لوالى, و لوالى يولِيو همّا لخرين". يسوع يبكي على اورشليم ³¹ في هاذاك اليوم جاو عندو جماعة من الفريسيين و قالوا ليه:"روح اخرج من هنا, على خاطر هيرودس حاب يقتلك". ³² قال لهم: "روحوا و قولوا لهاذاك الثعلب: انا نخرّج الجنون, و نشفي نهار اليوم و نهار غدوة, و النهار الثالث نكمّل. ³³ لازم نمشي نهار اليوم و نهار غدوة و النهار اللي وراه, على خاطر ما كانش منها نبي يموت لبرى خارج اورشليم! ³⁴ يا اورشليم! يا اورشليم! يا قتالة لنبياء يا راجمة المرسولين ليها, قداه من مرة حبيت نلّم ولادك كيما تلم الدجاجة ولادها تحت جنحاها, بالصح ما حبيتوش! ³⁵ هاي داركم تقعد لكم خربة! و نقول لكم الحق: ما تزيدوش تشوفوني حتى يجي وقت تقولوا فيه: مبارك اللي جاي باسم الرب!".