¹ و في هاذاك الوقت تلموا الوف الناس, و كان الغاشي فوق بعضاه, و بدى يسوع يهدر مع التلامذة و يقول لهم: "ردوا بالكم من لخميرة تاع علماء الشرع اللي هو النفاق, ² ما كانش مستور غير و يتكشف, و ما كانش مخبي غير و يبان. ³ كل شيء قلت لكم عليه في الظلمة يتسمع في النور, و كل ما كلمتكم بيه في الستر راح يناديو بيه جهار. ⁴ بالصح يا حبابي نقول لكم: ما تخافوش من اللي يقتلوا لبدن, و من بعد ما يقدروا يزيدوا يديروا والو. ⁵ نقول لكم من شكون تخافوا: خافوا من اللي بعدما يقتل, يقدر يرمي في جاهنّامة, نعم, نقول لكم: هاذا اللي لازم تخافوا منو! ⁶ ياخي خمسة فراخ يتباعو بزوز دورو, و واحد منهم ما راه منسي عند الله؟ ⁷ انتم حتى الشعر اللي في روسكم محسوب شعرة بشعرة. مالا ما تخافوش! انتم خير من الفراخ الكل! ⁸ و نقول لكم: اللي يستعرف بيّا قدام الناس, ابن الانسان يستعرف بيه قدام الملائكة تاع الله. ⁹ و اللي ينكرني قدام الناس, ننكرو قدام الملايكة تاع الله. ¹⁰ و كل من قال كلمة على ابن الانسان تتغفر ليه, اما اللي يكفر بالروح القدس هاذاك ما تتغفرش ليه. ¹¹ و كي يحكموا عليكم في لمجامع و قدام الرياس و السلاطين ما تخموش واش تجاوبوا و الا واش تقولوا, ¹² على خاطر الروح القدس يعلمكم في هاذيك الساعة واش لازم تقولوا". لمثل تاع الغني الغبي ¹³ نطق واحد من الناس و قال: " يا معلم, قول لخويا يقسم معايا الورث". ¹⁴ قال لو يسوع: "يا راجل, شكون حطني قاضي و لا مفتي عليكم؟". ¹⁵ و قال لهم: "شوفوا ردوا بالكم من الطمع, على خاطر اللي يملك مال ياسر حياتو ماهيش من مالو". ¹⁶ و عطاهم هاذا لمثل و قال: "واحد الراجل غني عندو اراضي جاه العام صابة, ¹⁷ خمم بينو وبين روحو وقال: واش نعمل, ما عنديش وين نحط الغلة؟ ¹⁸ و من بعد قال هكّا: نريب المخازن لقديمة و نبني واحد اخرين اكبر, و نلم فيها الغلة و الخيرات تاعي الكل, ¹⁹ و نقول اروحي: عندك خيرات كبيرة, مخبية تاع سنين طويلة. ارتاحي كولي واشربي و افرحي! ²⁰ ياخي الله قالو: "يا جاهل! هاذي الليلة تطلع منك روحك, و هاذي الخيرات اللي لميتها لشكون تخلاها؟ ²¹ هكا يكون حال اللي يكنز لروحو في لرض و هو فقير عند الله". الله يعتني بينا ²² و قال للتلامذة تاعو: "على جال هاذا الشيء نقول لكم: ما تتقلقوش على معيشتكم واش تاكلوا, و لا على واش تلبسوا. ²³ لحياة اهم من الطعام, و لبدن اهم من اللبسة. ²⁴ شوفوا لغراب: لا يزرع لا يحصد, لا عندو دار و لا مخزن, بالصح الله يرزقو بالقوت تاعو. ياخي انتم خير من الطيور! ²⁵ شكون منكم اذا كان تقلق يقدر يزيد في الطول تاعو و لو كان ذراع؟ ²⁶ اذا كنتوا ماكمش قادرين على الامور الصغيرة, كيفاه مالا تتقلقوا على الامور لخرى؟ ²⁷ شوفو النوار تاع المرجة كيف ينبت: لا يتعب لا يغزل, بالصح نقول لكم: حتى سليمان في الجاه تاعو كامل ما لبسش كيما نوارة منهم. ²⁸ اذا كان لحشيش اللي يكون ليوم في الجنان و غدوة يقدِيو بيه النار يلَبسو الله كيما هكا, كيفاه مالا يلَبسكم انتوما يا ضعاف ليمان؟ ²⁹ انتم ما تطلبوش واش تاكلوا و الا واش تشربو و ما تتقلقوش, ³⁰ هاذي لحوايج الكل يطلبوها اهل الدنيا. اما انتم باباكم يعلم باللي تحتاجو لهاذي الامور. ³¹ اطلبوا قبل كل شيء الملكوت تاع الله, و هاذي الكل تتزاد لكم. ³² "ما تخافش يا القطيع الصغير, على خاطر باباكم رضى باه يعطيكم الملكوت. ³³ بيعوا ما عندكم و صدقوا. ديروا رصيد ما يفناش و كنز ما يخلاص في السماوات, وين لا سارق يسرق و لا سوس يفسد, ³⁴ على خاطر وين يكون الكنز تاعكم ثمة يكون قلبكم ثاني. لمثل تاع العبيد اللي واجدين ³⁵ كونوا واجدين اتحزموا و شعلوا المصباح تاعكم. ³⁶ و كونوا كيما ناس يستناو في سيدهم يرجع من العرس, باه كي يجي و يطبطب في ساع يحلوا عليه. ³⁷ يا سعد هاذوك العبيد اللي يجي سيدهم و يلقاهم ساهرين. نقول لكم الحق: راح يوقف يتحزم هو و يقعدهم و يبدى يخدم فيهم. ³⁸ اذا كان جا في النص الثاني تاع الليل و الا النص الثالث, و لقاهم يستناو فيه. يا سعدهم هاذوك العبيد. ³⁹ يكون في علمكم: لوكان جا مولى الدار عارف واش من ساعة يجي فيها السارق راه سهر, و ما خلاش دارو تتسرق. ⁴⁰ مالا كونوا انتم واجدين, على خاطر ابن الانسان يجي في ساعة ما تتوقعوهاش". لمثل تاع لوكيل الامين ⁴¹ قال لو بطرس: "يا رب, تقول في هاذا لمثل لينا احنا برك و الا حتى للناس الكل؟ ⁴² قال الرب: "شكون هو الوكيل الامين الحكيم اللي يجعلو سيدو مسؤول على الخدامة الكل باه يعطيهم قسمتهم تاع الماكلة في وقتها؟ ⁴³ يا سعد هاذاك العبد اللي كي يرجع سيدو و يلقاه يدير في الواجب! ⁴⁴ نقول لكم الحق: راح يجعلو مسؤول على مالو كامل. ⁴⁵ بالصح اذا هاذاك العبد قال في قلبو: سيدي يبطى باه يرجع, و يبدى يضرب في الخدامة و الخديمات, و ياكل و يشرب و يسكر. ⁴⁶ و يجي سيد هاذاك العبد في نهار ما يتوقعوش و في ساعة ما يتوقعهاش, يخرجو و يحطو مع الخاينين. ⁴⁷ اما هاذاك العبد اللي يعرف مليح واش يحب سيدو و ما يوجدش روحو و ما يديرش على حساب واش يحب سيدو, راح يخلصها غالية. ⁴⁸ بالصح اللي ما يعرفش, و يدير الحاجة اللي تستاهل الضرب, يخلصها اقل. و كل اللي دا بالزايد, يطلبوا منوا يرجع بالزايد, و اللي متوكل على لكثير يرَجع لكثير. انقسام مش سلام ⁴⁹ جيت باه نشعل النار ف لرض, وقداه نتمنى تشعل؟ ⁵⁰ عندي صبغة لازم نصبغ روحي بيها, و ما نتهنى غير كي تتم؟ ⁵¹ راكم حاسبين باللي انا جيت باه يكون لهنى ف لرض؟ نقول لكم: جيت باه تكون التفرقة. ⁵² على خاطر من اليوم يكونوا خمسة في دار واحدة يتقسموا: ثلاثة على زوز, و زوز على ثلاثة. ⁵³ يدور الاب على ولدو, و الولد على باباه, و الام على بنتها, و الطفلة على امها, العجوزة على كنتها, و الكنة على عجوزتها". كيفاه نعرفو الاوقات تاع الله ⁵⁴ و من بعد زاد قال للناس: "كي تشوفوا السحاب طالع مع لمغارب ثم ثم تقولوا: راح تصب النو, و هكا يصير. ⁵⁵ و كي تهب عليكم الريح من الجنوب تقولوا: راح يجي شهيلي, و هكا يصير. ⁵⁶ يا منافقين! تعرفوا تميزوا وجه لرض و السماء, و هاذا الزمان ما تقدروش تميزوه؟ ⁵⁷ علاه ما تحكموش بالحق على ارواحكم قبل؟ ⁵⁸ كي تروح مع الخصم تاعك للحاكم, دير الشيء اللي تقدر عليه و افراها و انت معاه في الطريق باه تتفك منو, لا بوصل للقاضي, و القاضي يوصلك للحاكم, و الحاكم يرميك في الحبس. ⁵⁹ نقول لك: ما تجي تخرج من ثمة حتى تصرف صواردك الكل على اخر دورو".