¹ و كان يصلي في واحد المضرب, و كي كمّل, سقساه واحد من التلامذة: "يا رب علمنا نصليو احنا ثاني كيما علم يوحنا التلامذة تاعو". ² قال لهم: "كي تصليو قولوا: بابانا اللي في السماوات, يتقدس اسمك, يجي ملكوتك, تتحقق الرغبة تاعك في لرض كيما راهي في السماء. ³ ارزقنا خبزنا اللي يكفينا تاع كل نهار, و اغفر لنا ذنوبنا كيما نغفروا احنا للناس اللي يظلمونا, ⁴ و ما دخلناش في محنة و نجبنا من الشيطان". ⁵ و زاد قال لهم: "شكون فيكم اللي عندو صاحب, و يجيه نص ليل, و يقولو يا صاحيبي, سلفني ثلاثة خبزات, ⁶ على خاطر جاني واحد صاحبي كان مسافر, و ما عنديش واش نحطلو. ⁷ يرد هاذاك اللي لداخل و يقول: ما تقلقنيش! اني قفلت الباب و انا راقد مع اولادي في لفراش. ما نقدرش نوقف و نمدلك. ⁸ نقول لكم: اذا كان ما يونضش و يعطيه على خاطر هو صحيبو, ينوض و يعطيه واش يستحق على خاطر بقى يطبطب عليه. ⁹ و نقول لكم: ادعِيو تنالوا, اطلبوا تلقاو, طبطبوا يفتح عليكم. ¹⁰ على خاطر كل من يدعي ينال, و كل من يطلب يلقى, و كل من يطبطب يفتح عليه. ¹¹ شكون منكم كي يكون عندو ولدو, يطلب منو خبز, يعطيه حجرة؟ والا يطلب منو حوتة, يعطيه افعى؟ ¹² و اذا طلبوا في حبة بيض, يعطيه عقرب؟ ¹³ اذا كنتوا انتم الاشرار تعرفوا تمدوا لاولادكم الحاجة لمليحة, كيفاه مالا الاب اللي في السماء, مش راح يمد الروح القدس للناس اللي يطلبوه منو؟". يسوع و رايس الشواطن بعلزبول ¹⁴ و كان يسوع يخرج في جن من واحد بكوش, و كي خرج الجن تكلم البكوش, و تعجبت الناس من هاذا الشيء. ¹⁵ بالصح كاين جماعة اللي قالوا: "او يسوع يخرج فالجنون بالملك تاع الجنون بعلزبول". ¹⁶ و اخرين كي حبوا يجربوه طلبوا منو يدير لهم اية من السماء. ¹⁷ عرف واش قاعدين يخمموا, و قال لهم: "كل مملكة تتقسم على ذاتها تكون اخرتها لخراب, و تطيح دار بدار. ¹⁸ اذا كان الشيطان يتقسم على ذاتو, كيفاه تثبت المملكة تاعو؟ على خاطر تقولوا: اني نخرج فالجنون ببعزبزل. ¹⁹ اذا كنت انا نخرج في الجنون بالملك تاع الجنون, اولادكم بشكون يخرجوهم؟ على هاذيك همّا اللي راح يحكموا عليكم! ²⁰ بالصح اذا كنت انا نخرج فالجنون بإذن الله, يسمى دهم عليكم الملكوت تاع الله. ²¹ وقت اللي القاوي يحامي على دارو و هو مسلح, كانت اموالو في امان. ²² بالصح كي جا اللي اقوى منو و غلبو, و نحالو سلاحو كامل اللي كان معول عليه, و فرقلو الاموال تاعو. ²³ اللي ما هوش معايا راه عليّا, و اللي ما يلمش معايا راه يفرق. ²⁴ و كي يخرج الروح المنجوس من الانسان, يروح يهوم في القفار يحوس على الراحة, و كي ما يلقاش يقول: نرجع لداري اللي خرجت منها. ²⁵ يجي يلقاها مكنوسة و مزينة. ²⁶ يروح يجيب سبعة ارواح اخرى اشر منو, و يدخل و يسكن لثم, و تولي لاخرة تاع هاذاك الانسان اشر من اللي كانت المرة لولى!". ²⁷ و كي كان يهدر في هاذا لكلام, واحدة لمرى رفعت صوتها من وسط الغاشي وقالت لو: "يا سعد الكرش اللي هزاتك, و الصدر اللي رضّعك". ²⁸ اما هو قال لها: "يا سعد الناس اللي يسمعوا لكلام تاع الله و يطيعوه". الاية تاع يونان ²⁹ و كي كان الغاشي يدز في بعضاه, قال لهم: "هاذا الجيل الفاسد, يطلب في اية, بالصح ما يشوف حتى اية غير الاية تاع يونان النبي. ³⁰ على خاطر كيما كان يونان اية لناس نينوى, هكا يكون ابن الانسان اية ثاني للجيل هاذا. ³¹ و الملكة تاع التيمن راح توقف نهار القيامة مع رجال هاذا الجيل و تحكم عليكم, على خاطر جات من اخر الدنيا باه تسمع الحكمة تاع سليمان, وهنا اليوم قدامكم اللي هو اعظم من سليمان! ³² و الرجال تاع نينوى يوقفوا نهار القيامة مع هاذا الجيل و يحكموا عليه, على خاطر كي حذرهم يونان تابوا, و هنا اليوم قدامكم اللي هو اعظم من يونان! العين هي الضوء تاع لبدن ³³ ما كانش واحد يشعل كانكي و يخبيه, و الا يحطو تحت السرير, بالصح يحطو الفوق وين لمنارة, باه اللي يدخل يشوف الضوء. ³⁴ الضوء تاع لبدن هو العين, اذا كانت عينك بسيطة يكون جسمك كامل منور, ³⁵ و اذا كانت عينك مشرارة يكون بدنك كامل اظلم. اتوله باه ما يكونش الضوء اللي فيك ظلام. ³⁶ اذا كان لبدن تاعك كامل منور ما يكونش فيه طرف اظلم, يكون كلو منور, كيما كي يضوي الكانكي بالضوء اللي فيه". يسوع يبخس الكهنة و الفريسيين ³⁷ و هو مازال يهدر جاء واحد فريسي و عرضو باه يتغدى عندو, راح معاه و كي دخل و قعد. ³⁸ تعجب منو الفريسي كي شافو بالي ما غسلش قبل ما يتغدى. ³⁹ قال لو الرب: "انتم الفريسيين تنظفوا الكاس و القصعة من برى و اما قلوبكم معمرة بالسرقة و لخبث. ⁴⁰ يا جهّال, هاذا اللي صنع من برى مش هو اللي صنع الداخل ثاني؟ ⁴¹ صدقوا الشيء اللي عندكم, و هكا يكون كل شيء نظيف. ⁴² بالصح يا ويلكم يا الفرسيين! على خاطر تمدوا لعشور تاع النعناع و الثبش و لحبوب الكل, و تتعداو على الحق و محبة الله. لو كان عملتوا هاذي و ما خليتوش هاذيك. ⁴³ يا ويلكم يا الفريسيين! على خاطر تحبوا تقعدوا انتوما لوالى في المجامع, و تحبوا التسلام ف لسواق. ⁴⁴ يا ويلكم يا الكتبة و الفريسيين المنافقين! على خاطر انتما كيما لقبورة لمخبية. و اللي يمشيو فوقها ما علابهمش باللي قبر!". ⁴⁵ رد عليه واحد من علماء الشريعة وقالو: "يا معلم, كي قلت هكا راك طيحت فينا احنا ثاني!". ⁴⁶ قال يسوع: "يا ويلكم يا علماء الشريعة! على خاطر تحطوا احمال ثقيلة على ظهور الناس اما انتم ما تمسوهاش حتى لو كان بطرف صوابعكم". ⁴⁷ يا ويلكم على خاطر تبنيو لقبورة تاع الانبياء, و جدودكم همّا اللي قتلوهم. ⁴⁸ و تشهدوا و راضيين على الشيء اللي داروه جدودكم و تزيدوا تبنيو لهم لقبورة تاعهم. ⁴⁹ على هاذا الشيء قالت الحكمة تاع الله: انا نبعث لهم الانبياء و الرسل, اللي يقتلوه يقتلوه و اللي يسحتوه يسحتوه, ⁵⁰ باه يتحاسب هاذا الجيل على لانبياء الكل اللي ساح دمهم من اللي بدات الدنيا, ⁵¹ من دم هابيل لدم زكريا اللي تقتل بين المذبح و البيت. نعم, نقول لكم: هاذا الجيل هو اللي يتحاسب عليهم! ⁵² يا ويلكم يا علماء الشريعة! عندكم المفتاح تاع العلم. لا انتم دخلتوا, و لا خليتوا غيركم يدخل". ⁵³ و كي عاد يهدر معاهم كيما هكّا, الكتبة و علماء الشريعة زادوا ولاو يحقدوا عليه اكثر من قبل, و بداو يستفزوا فيه في امور اخرى ياسر, ⁵⁴ و يعسوا عليه يستناو يصيدوه ينطق بحاجة باه يشكيو بيه.