¹ و بعد هاذا كان عيد عند ليهود, و طلع يسوع لاورشليم. ² و ف اورشليم كاين واحد البركة ف باب الضان يسموها بالعبرية "بيت حسدا" عندها خمسة ممرات. ³ و كانوا ناس ياسر مرضى وعميان و عياب و معوقين قاعدين ثمة, يستناو وقتاه يتحرك الماء تاع البركة. ⁴ على خاطر كان ملاك يجي ساعة ساعة و يحرك الماء. و اللي يهبط للماء هو لول يرتاح مهما واش كان لمرض تاعو. ⁵ و كان ثمة واحد الراجل عندو ثمنية و ثلاثين سنة و هومريض. ⁶ كي شافو يسوع قاعد, و عرف باللي عندو مدة طويلة و هو يسنى, قال لو: "تحب تبرى؟". ⁷ رد عليه الراجل لمريض و قال: "يا سيدي, ما عندي حتى واحد يهبطني ف البركة كي يتحرك الماء. و كل ما نجي انا نهبط , يهبط واحد اخر قبلي". ⁸ قال لو يسوع: "اوقف. هز فراشك و امشي". ⁹ و ثم ثم برى الراجل و هز فراشو و مشى. و كان هاذاك النهار نهار سبت. ¹⁰ و قالوا ليهود للراجل اللي برى: "اليوم سبت! ما يحلش ليك تهز فراشك". ¹¹ رد عليهم و قال: "الراجل اللي رتحني هو اللي قالي: هز فراشك و امشي". ¹² سقساوه قالولوا: "شكون هو الراجل اللي قالك هز فراشك و امشي؟". ¹³ بالصح هاذاك الراجل اللي ارتاح ما كانش يعرف شكون هو, على خاطر يسوع خرج من ثمة, كي شاف الغاشي ياسر. ¹⁴ و من بعد لقاه يسوع ف الهيكل قال لو: "هاك ارتحت, ما تزيدش ترجع للمعصية, لا يصير فيك اكثر من اللي كان قبل". ¹⁵ و راح الراجل لليهود و قال لهم باللي يسوع هو اللي رتحو. العمل تاع الاب و الابن ¹⁶ و على هاذا الشيء كانوا ليهود يقهروا ف يسوع, و حابين يقتلوه, على خاطر خدَم نهار السبت. ¹⁷ رد عليهم يسوع وقال: "بابا حتى لليوم يخدم و انا نخدم". ¹⁸ هاذا الشيء اللي زاد خلى ليهود يحبوا يقتلوه, مش على خاطر كسر السبت برك بالصح ثاني كي قال باللي الله هو باباه, و حط روحو متساوي مع الله. ¹⁹ جاوبهم يسوع وقال: "نقول لكم الحق: ما يقدرش الابن يعمل حاجة من راسو يخدم برك غير واش يشوف الاب يخدم. على خاطر مهما واش يعمل الاب يعمل الابن ثاني. ²⁰ على خاطر الاب يحب الابن و يوريه كل حاجة يعملها, و مازال يزيد يوريه حوايج اعظم من هاذي تخليكم انتم تستغربوا. ²¹ و كيما الاب يقوّم الموتى و يحييهم, حتى الابن ثاني يحيي اللي يحب. ²² على خاطر الاب ما يحكم على حتى واحد, بالصح مد الحكم الكل للابن, ²³ باه الناس الكل تقدر الابن كيما يقدروا الاب. و اللي ما يقدرش الابن يسمى ما قدّرش الاب اللي بعثوا. ²⁴ "نقول لكم الحق الحق: اللي يسمع كلامي و يامن باللي بعثني تكون ليه لحياة الدايمة ف لاخرة, و ما يحضرش للدينونة, على خاطر عدى من الموت للحياة. ²⁵ نقول لكم الحق الحق: راح تجي ساعة و هاي جات اليوم, الموتى يسمعوا صوت ابن الله, و كي يسمعوه يحياو. ²⁶ على خاطر كيما الاب فيه منبع لحياة ف ذاتو, مد للابن ثاني باه تكون فيه مصدر لحياة ف ذاتو, ²⁷ و اعطاه سلطان ثاني باه يحكم. على خاطر هو ابن الانسان. ²⁸ ما تستغربوش من هاذا, على خاطر تجي الساعة اللي يسمعوا فيها الناس الكل اللي ف لقبورة صوتو, ²⁹ و يخرجوا الناس اللي داروا الصالحات للقيامة تاع لحياة, و الناس اللي عملوا المعاصي للقيامة تاع لحساب. ³⁰ انا ما نجيب حتى حاجة من عندي. كيما نسمع نحكم, و الحكم تاعي قدقد, على خاطر ما نطلبش رضايتي نطلب رضاية اللي بعثني. الشهادة على الابن ³¹ "اذا كنت نشهد لروحي تكون الشهادة تاعي باطلة. ³² بالصح كاين واحد اخر يشهد لي, و انا علابالي باللي الشهادة تاعو اللي يشهد بيها عليّا هي شهادة حق. ³³ كي بعثتوا مرسولين ليوحنا شهد للحق. ³⁴ ما نعولش على الشهادة تاع انسان, بالصح نقول هاذا باه انتم تسلكوا. ³⁵ كان هو المصباح الضاوي المنير, رضيتوا تفرحوا بالنور تاعو مدة قصيرة. ³⁶ بالصح انا عندي شهادة اقوى من الشهادة تاع يوحنا, على خاطر الاعمال اللي اعطاني الاب باه نتممها, هاذي الاعمال هي بالذات اللي تشهد باللي الاب هو اللي بعثني. ³⁷ و الاب بالذات اللي بعثني هو يشهد لي. عمركم ما سمعتوا صوتو, و لا شفتوه كيفاه داير, ³⁸ و لا كانت كلمتو ثابتة فيكم, على خاطر اللي بعثو هو انتم ما امنتوش بيه. ³⁹ فتشوا ف لكتب على خاطر تحسبوا باللي راح تلقاو فيها حياة دايمة. و هي اللي تشهد ليّا. ⁴⁰ بالصح انتم ما تحبوش تجيو عندي باه تكون لكم حياة. ⁴¹ "انا ما نعوّلش على الجاه اللي يجيني من عند الناس, ⁴² على خاطر عرفتكم و عرفت باللي محبة الله ما هيش ف قلوبكم. ⁴³ انا جيت بإسم بابا و ما قبلتونيش. بالصح اللي يجيكم بإسم روحو هاذاك تقبلوه. ⁴⁴ كيفاه تقدروا تامنوا و انتم تقبلوا الجاه من عند بعضاكم, بالصح ما تطلبوش الجاه اللي يجي من عند الاله الواحد؟ ⁴⁵ ما تحسبوش باللي انا نشكي بيكم للاب. كاين شكون شكى بيكم و هو موسى, اللي حاطين عليه رجاكم. ⁴⁶ على خاطر لو كان صدقتوا موسى كنتوا تصدقوني, على خاطر هو كتب عليّا. ⁴⁷ اذا ما قبلتوش واش كتب هو, كيفاه تقبلوا مالا واش نقول انا؟".