¹ و من بعد راح يسوع للجوايه اللي ورى بحر الجليل, ل بحر طبرية. ² و راحوا ناس ياسر يتبعوا فيه على خاطر شافوا المعجزات اللي كان يديرها مع المرضى. ³ و طلع يسوع للجبل و قعد ثمة هو التلامذة تاعو. ⁴ و كان عيد الفصح تاع ليهود قريب. ⁵ هز يسوع عينيه و شاف ناس ياسر جايين عندو, قال لفيليبس: "منين نشريو الخبز باه نوكلوا هادوا الكل؟". ⁶ و هو قال كيما هكا باه يجربو, على خاطر علابالو واش راح يدير. ⁷ رد عليه فيليبس وقال: "حتى لو كان نشريو الخبز بميتين دينار ما يكفيش حتى باه يدي كل واحد منهم طرف صغير". ⁸ قال واحد من التلامذة, و هو اندراوس خو سمعان بطرس: ⁹ "كاين طفل معانا هنا عندو خمسة خبزات شعير و زوز حوتات, بالصح هاذا الغاشي الكل واش يكفيه؟". ¹⁰ قال لهم يسوع: "قعدوا الناس". و كان لحشيش مغطي لرض, قعدوا الرجال و كانوا قريب خمسة الاف راجل. ¹¹ و هز يسوع الخبزات و شكر, و فرقهم على التلامذة, و التلامذة فرقوا على الناس القاعدين. و زادوا فرقوا من هاذوك الزوز حوتات على قد ما حبوا. ¹² و كي شبعوا الناس الكل, قال للتلامذة: "لموا الخبز اللي فضال باه ما نضيعوا حتى شيء". ¹³ و لموا الخبز اللي فضال و كان ثناش ن قفة تاع خبز, فضالت على الناس, من خمسة خبزات شعير. ¹⁴ و كي شافوا الناس المعجزة اللي دارها يسوع قالوا: "هاذا صح هو النبي اللي راح يجي للدنيا!". ¹⁵ بالصح يسوع كان يعلم باللي راح يخطفوه باه يجعلوه ملك, زاد راح للجبل و قعد وحدو. المعجزة تاع المشي فوق الماء ¹⁶ و كي عشات لعشية هبطوا التلامذة للبحر, ¹⁷ و ركبوا ف لفلوكة و كانوا رايحين ف لبحر لكفرناحوم. و طاح الليل, بالصح يسوع ما راحش معاهم. ¹⁸ و هبت ريح قاوية وهاج عليهم لبحر. ¹⁹ و كانوا مشاو قريب ثلاثة و الا ربعة ميال, شافوا يسوع ماشي على لبحر و قريب يوصل للفلوكة, خافوا. ²⁰ قال لهم يسوع: "اني انا هو ما تخافوش!". ²¹ و كي حبوا يطّلعوه للفلوكة. ثم ثم لقاو ارواحهم وصلوا للمضرب اللي كانوا رايحين ليه. ²² و اليوم و غدوة كي شافوا الناس اللي كانوا واقفين على شط لبحر باللي ما كانش فلوكة اخرى غير واحدة برك’ هاذيك اللي ركبوا فيها التلامذة, و باللي يسوع ما ركبش مع التلامذة ف الفلوكة بالصح التلامذة راحوا وحدهم. ²³ و كي جات فلايك من طبرية للمضرب اللي كلاو فيه الخبز, وين شكر الرب. ²⁴ و كي شافوا الناس باللي يسوع ما هوش ثمة لا هو ولا التلامذة تاعو, ولاو ركبوا همّا ثاني ف الفلايك و راحوا لكفرناحوم يفركتوا على يسوع. انا هو خبز لحياة ²⁵ و كي لقاوه على شط لبحر, قالوا لو: "يا معلم, وقتاه جيت هنا؟". ²⁶ رد عليهم يسوع و قال: "نقول لكم الحق الحق: انتم تحوسوا عليّا مش كي شفتوا المعجزات, بالصح على خاطر كليتوا و شبعتوا. ²⁷ ما تعملوش للطعام الفاني, اعملوا للطعام الدايم للحياة الدايمة اللي يمدها لكم ابن الانسان, على خاطر هاذا هو اللي الله الاب ختم عليه". ²⁸ قالوا: "واش هي لعمال اللي نديروها باه يرضى علينا الله؟". ²⁹ رد عليهم يسوع و قال: "هاذا هو لعمل تاع الله: كي تامنوا باللي بعثو". ³⁰ قالوا: "واش من معجزة تدير لنا نشوفوها و نامنوا بيك؟ واش تدير انت؟ ³¹ جدودنا كلاو المن ف الصحراء, كيما مكتوب: اعطاهم خبز من السماء باه ياكلوا". ³² قال لهم يسوع: "نقول لكم الحق الحق: ماهوش موسى اللي اعطاكم الخبز من السماء, بالصح بابا هو اللي يعطيكم الخبز تاع الصح من السماء. ³³ على خاطر خبز الله هو اللي هابط من السماء و هو اللي يوهب حياة للعالم". ³⁴ قالوا: "يا سيدي, اعطينا دايما هاذا الخبز". ³⁵ قال لهم يسوع: "انا هو خبز لحياة. اللي يجي عندي ما يجوعش, و اللي يامن بيّا عمرو ما يعطش حلاص. ³⁶ بالصح انا قلت لكم: راكم شفتوني, و ما امنتوش. ³⁷ كل واحد يمدهولي الاب يجي عندي, و اللي يجي عندي ما نخرجوش لبرى. ³⁸ انا هبطت من السماء, مش باه ندير رضايتي, بالصح باه ندير رضاية اللي بعثني. ³⁹ و هاذي هي رضاية الاب اللي بعثني: باللي كل من مدهولي ما يضيع منو حتى شيء, بالصح نحييه ف نهار لاخرة. ⁴⁰ على خاطر هاذي هي رضاية اللي بعثني: باللي كل من يشوف الابن و يامن بيه ينال لحياة الابدية, و انا نحييه نهار لاخرة". ⁴¹ و ليهود ما عجبهمش الحال كي قال: "اانا هو الخبز اللي نزل من السماء". ⁴² و قالوا: "ياخي هاذا هو يسوع بن يوسف, اللي نعرفو امو وباباه؟ كيفاه يقول مالا: اني نزلت من السماء؟". ⁴³ رد عليهم يسوع و قال لهم: "علاه ما عجبكمش الحال. ⁴⁴ واحد ما يقدر يجي عندي لو كان ما يجبدوش الاب اللي بعثني, و انا نحييه نهار لاخرة. ⁴⁵ على خاطر مكتوب ف كتب الانبياء: و يكونوا كلهم عارفين تعليم الله. و كل من سمع من عند الاب وتعلّم يجي عندي. ⁴⁶ واحد ما شاف الاب غير اللي من الاب. هاذا شاف الاب. ⁴⁷ نقول لكم الحق الحق: كل من يامن بيّا تكون ليه لحياة الدايمة. ⁴⁸ انا هو الخبز تاع لحياة. ⁴⁹ جدودكم كلاو المن ف الصحراء و ماتوا. ⁵⁰ هاذا هو الخبز اللي هبط من السماء, باه كل من ياكل منو ما يموتش. ⁵¹ انا هو الخبز الحي اللي نزل من السماء. اللي ياكل من هاذا الخبز يحيا على الدوام. و الخبز اللي نمدو انا هو لبدن تاعي اللي نضحي بيه على جال حياة البشرية". ⁵² و تجادلوا ليهود مع بعضاهم و قااوا: "كيفاه يقدر هاذا يعطينا لبدن تاعو ناكلوه؟". ⁵³ قال لهم يسوع: "نقول لكم الحق الحق: اذا ما كليتوش البدن تاع ابن الانسان و ما شربتوش الدم تاعو, ما تكونش فيكم لحياة. ⁵⁴ اللي ياكل الجسد تاعي و يشرب الدم تاعي تكون ليه حياة دايمة, و انا نحييه ف نهار لاخرة, ⁵⁵ على خاطر الجسد تاعي هو القوت تاع الصح و الدم تاعي هو الشراب تاع الصح. ⁵⁶ اللي ياكل الجسد تاعي و يشرب الدم تاعي يثبت فيّا و انا فيه. ⁵⁷ كيما بعثني الاب الحي, و انا حي بالاب, اللي ياكلني يحيا بيّا. ⁵⁸ هاذا هو الخبز اللي نزل من السماء. ماهوش كيما المن اللي كلاوه جدودكم و ماتوا. اللي ياكل هاذا الخبز يحيا بيه على الدوام". ⁵⁹ قال هاذا لكلام ف المجمع و هو يعلم ف كفرناحوم. تلامذة ياسر يتخلاو على يسوع ⁶⁰ و كاين ياسر من التلامذة كي سمعوا هاذا لكلام قالوا: "هاذا لكلام صعيب! شكون يقدر يسمعو؟". ⁶¹ و عرف يسوع باللي التلامذة تاعو ما عجبهمش الحال على هاذا لكلام, و قاللهم: "قاسكم كلامي اللي قلتو؟ ⁶² مالا كي تشوفوا ابن الانسان طالع وين كان من قبل! ⁶³ الروح هو اللي يحيي. اما لبدن ما عندو ما يفيد. لكلام اللي نكلمكم بيه روح و حياة. ⁶⁴ بالصح كاين بينكم جماعة ما يامنوش". على خاطر يسوع من لول كان عارف شكون همّ اللي ما يامنوش, و عارف شكون هو اللي راح يبيعو. ⁶⁵ و قال: "على هاذا قلت لكم: واحد ما يقدر يجي ليّا لو كان مش النعمة تاع الاب". ⁶⁶ من هاذا الوقت تلامذة ياسر اللي رجعوا لورى, و ما بقاوش يمشيو مع يسوع. ⁶⁷ زاد قال يسوع للتلامذة ف ثناش: "بلاك انتم ثاني تحبوا تروحوا؟". ⁶⁸ رد عليه سمعان و قال: "يا ربي, وين راح نروحوا؟ و لكلام تاع لحياه الدايمة عندك انت, ⁶⁹ و احنّا امّنا و تيقنا باللي انت هو المسيح ابن الله الحي". ⁷⁰ رد عليهم يسوع و قال: "ياخي انا اللي خايرتكم, انتم ف ثناش؟ بالصح واحد منكم شيطان!" ⁷¹ قال هاذا لكلام على يهوذا سمعان الاسخريوطي, على خاطر هاذا هو اللي راح يبيع بيه, و هو واحد م التلامذة ف ثناش.