¹ كان واحد الراجل من علماء الشريعة اسمو نيقوديموس, واحد من الرياس تاع ليهود. ² جا ليسوع ف الليل و قالو: "يا معلم, علابالنا باللي جيت من عند الله معلم, على خاطر واحد ما يقدر يدير المعجزات اللي تديرها انت غير اذا كان الله معاه". ³ رد عليه يسوع و قال: "نقول لك الحق الحق: لو كان الواحد ما يتولدش من فوق ما يقدرش يشوف الملكوت تاع الله". ⁴ قالو نيقوديموس: "كيفاه يقدر الواحد يولد و هو شيخ كبير ف لعمر؟ بلاك يقدر يرجع لكرش امو و يعاود يتولد؟". ⁵ جاوبوا يسوع: "نقول لك الحق الحق: اذا كان الواحد ما يولدش من الماء و الروح ما يقدرش يدخل للملكوت تاع الله. ⁶ اللي يولد من لبدن يكون بدن, و اللي يولد من الروح يكون روح. ⁷ ما تستغربش كي نقولك: لازم تولدوا من فوق. ⁸ الريح تهب وين تحب, و تسمع صوتها, بالصح ما تعرفش لا منين تجي و لا وين تروح. هكا يكون كل من يتولد من الروح". ⁹ رد عليه نيقوديموس و قال: "كيفاه يقدر هاذا الشيء يصير؟". ¹⁰ قالو يسوع: "انت المعلم تاع اسرائيل و ما تعرفش كيفاه! ¹¹ نقول لك الحق الحق: احنا نقولوا الشيء اللي علابالنا بيه و نشهدوا بالشيء اللي شفناه, وما تقبلوش الشهادة تاعنا. ¹² اذا كان هدرت معاكم بالامور تاع لرض و امنتوش, كيفاه مالا تامنوا كان هدرت معاكم بالامور تاع السماء؟ ¹³ ماكان حتى واحد طلع للسماء غير اللي هبط منها, ابن الانسان اللي ف السماء. ¹⁴ " و كيما علق موسى الحية ف الصحراء هكذاك ثاني لازم يتعلق ابن الانسان, ¹⁵ باه كل من يامن ما يموتش بالصح ينال لحياة الدايمة. ¹⁶ على خاطر هكا حب الله العالم حتى بذل ابنو لفريد, باه كل من يامن ما يموتش, بالصح ينال لحياة الدايمة. ¹⁷ على خاطر الله ما بعثش ابنو للعالم باه يحكم على العالم, بالصح باه يمّنع بيه العالم. ¹⁸ اللي يامن بيه ما يتحكمش عليه, و اللي ما يامنش بيه يتحكم عليه, على خاطر ما امنش باسم ابن الله لفريد. ¹⁹ و هاذا هو الحكم: النور جا للدنيا, بالصح الناس حبوا الظلمة اكثر من النور, على خاطر اعمالهم كانت اعمال شر. ²⁰ على خاطر كل من يعمل المعاصي يكره النور, و ما يحبش يجي للنور باه ما تتكشفش عمايلو. ²¹ بالصح اللي يعيش حساب الحق يجي للنور, باه تبان باللي افعالهم كانت ترضي الله". الشهادة تاع يوحنا المعمدان للمسيح ²² و من بعد راح يسوع و التلامذة تاعو لبلاد اليهودية, و قعد معاهم ثمة, و كان يعمد. ²³ و حتى يوحنا ثاني كان يعمد ف عين نون بحذى ساليم, على خاطر كان الماء ياسر ف هاذاك المضرب. ²⁴ و كانوا الناس يروحوا يتعمدوا. و يوحنا وقتها مازال مادخلش للحبس. ²⁵ و صرات مناقشة بين تلامذة يوحنا و جماعة من اليهود على جال التطهير. ²⁶ و جاو ليوحنا و قالولو: "يا معلم, هاذاك اللي جا ليك من ورى نهر الاردن, اللي شهدت ليه انت, راه يعمد, و الناس الكل يروحوا عندو". ²⁷ رد عليهم يوحنا و قال: "ما يقدر حتى واحد يدي حاجة لو كان ما جاتوش من السماء. ²⁸ انتم بذاتكم تشهدوا علّيا باللي قلت: مانيش انا هو المسيح انا المرسول اللي يجي قبلو. ²⁹ اللي يدي لعروسة يكون هو لعريس, اما صاحب لعريس يوقف و يسمعو و يفرح بصوت لعريس. مالا انا الفرحة تاعي كملت. ³⁰ لابد هاذاك يزيد و انا ننقص. ³¹ اللي يجي من فوق هو فوق الناس الكل, و اللي ف لرض هو من لرض, و يهدر بالكلام تاع لرض. اللي يجي من السماء هو فوق الناس الكل, ³² و يشهد بالشيء اللي سمعو و شافو, و واحد ما يقبلش واش يقول. ³³ بالصح اللي يقبل واش يقول يشهد باللي الله صادق, ³⁴ على خاطر اللي بعثو الله يتكلم بكلام الله. على خاطر يمد الروح بلا قياس. ³⁵ الاب يحب الابن و دفع كل شيء بين يديه. ³⁶ اللي يامن بالابن تكون ليه حياة دايمة, و اللي ما يامنش بالابن ما يشوفش لحياة و يغضب عليه الله".