¹ و ف ثالث يوم كان عرس ف قانا ف الجليل, و كانت ام يسوع معروضة ثمة. ² و كان يسوع و التلامذة تاعو همّا ثاني معروضين للعرس. ³ و كي فض عليهم الشراب, قالت ام يسوع ليسوع: "ما عندهمش شراب". ⁴ قال لها يسوع: "واش تستحقي فيّا يا مرى؟ مازالت ما جاتش ساعتي". ⁵ قالت امو للخدامين: "اللي يقول لكم عليه اعملوه". ⁶ و كانت ستة جرات تاع حجر محطوطة ثمة, يستعملوها ليهود للوضوء, كل واحدة فيهم تهز زوز كيلات و الا ثلاثة. ⁷ قال لهم يسوع: "عمروها بالماء". عمروها حتى للغطاء. ⁸ و من بعد قال لهم: "هزوا منها ضرك و مدوا للرايس تاع الوليمة". راحوا مدولوا. ⁹ و كي ذاق الرايس تاع الوليمة الماء اللي ولى شراب, و ماكانش علابالو منين جابوها, بالصح الخدامين اللي غرفوها من الجرة علابالهم, عيط على العريس ¹⁰ و قالو: "الناس الكل تحط الشراب لمخير هو لول, و من بعد كي يسكروا الناس يحطولهم الشراب العادي, اما انت خليت الشراب لمخير حتى لضرك!". ¹¹ هاذي هي اول اية عملها يسوع ف قانا الجليل, و بيّن الجاه تاعو, و امنوا بيه التلامذة. تطهير الهيكل ¹² و من بعدها هبط ل كفرناحوم, هو و امو و خاوتو و التلامذة تاعو, و قعدوا ثمة شوية ايامات. ¹³ و كي قرّب الفصح تاع ليهود, طلع يسوع لاورشليم, ¹⁴ و لقى ف الهيكل الناس اللي كانوا يبيعوا ف لبقر و لغنم و لحمام, و شاف التجار اللي يصرفوا الدراهم قاعدين. ¹⁵ دار شطرب من لحبال و خرجهم الكل من الهيكل, لغنم و لبقر, و سيح دراهم الصرّافة و قلب لهم الطاولات تاعهم. ¹⁶ و قال للتجار تاع لحمام: "هزوا هاذي من هنا ما تجعلوش بيت بابا بيت تاع تجارة!". ¹⁷ و تفكروا التلامذة باللي مكتوب: "كلاتني الغيرة على دارك". ¹⁸ جاوه ليهود و قالوا: "واش من معجزة تديرها تبرر الفعل تاعك هاذا؟". ¹⁹ قال لهم يسوع: "ريّبوا هاذا الهيكل و انا ف ثلاثة ايام نبنيه". ²⁰ ردوا عليه ليهود و قالوا: "تبنى هاذا الهيكل ف ستة و اربعين سنة, و انت تقول تبنيه ف ثلاثة ايام؟". ²¹ بالصح هو كان يهدر على الجسد تاعو. ²² و كي قام من بين الموتى تفكروا التلامذة تاعو باللي قال هاذا لكلام, وامنوا بالكتاب و بالكلام اللي قالو يسوع. ²³ و كي كان ف اورشليم ف عيد الفصح, امنوا بيه ناس ياسر, كي شافوا المعجزات الكل اللي دارها. ²⁴ بالصح يسوع ما عطاهمش لمان على روحو, على خاطر كان يعرفهم الكل. ²⁵ و ما كانش محتاج لشكون يخبرو على حتى واحد, على خاطر كان عارف واش ف لقلوب.