¹ "ما تزعزع قلوبكم. انتم تامنوا بالله امنوا بيّا. ² في بيت بابا ديار ياسر, و الا ما كنتش نقول لكم. انا نروح باه نوّجد لكم مكان, ³ و كي نروح و توّجد لكم مكان نزيد نجي و نديكم عندي, باه وين نكون انا تكونوا انتم ثاني. ⁴ و انتم عارفين وين رايح و تعرفوا الطريق". ⁵ قال لو توما: "يا سيدي, احنا ما علابالناش انت وين رايح, كيفاه نقدروا نعرفوا الطريق؟". ⁶ رد عليه يسوع و قال: "انا هو الطريق و الحق و الحياة. واحد ما يجي للاب غير بيّا. ⁷ كان عرفوني تعرفوا بابا ثاني. و من اليوم تعرفوه و شفتوه". ⁸ قال لو فيليبس: "يا سيدي, وريلنا الاب و يكفينا". ⁹ قال لو يسوع: "انا معاكم هاذي المدة الكل و ما تعرفنيش ا فيليبس! اللي شافني شاف الاب, كيفاه مالا تقول لي: وريلنا الاب؟ ¹⁰ تامن باللي انا ف الاب و الاب فيّا؟ الهدرة اللي هدرتها لكم ما قلتاش من عندي, الاعمال اللي نعملها يعملها الاب اللي فيّا. ¹¹ صدقوني اذا قلت انا ف الاب و الاب فيّا, و الا صدقوني على جال هاذيك الاعمال. ¹² نقول لكم الحق الحق: اللي يامن بيّا هو ثاني يعمل الاعمال اللي نديرها انا, و يعمل ما اعظم منها, على خاطر انا رايح عند الاب. ¹³ مهما واش تطلبوا باسمي يكون لكم باه يتمجد الاب بالابن. ¹⁴ كي تطلبوا حاجة باسمي انا نديرها لكم. الوعد بالروح القدس ¹⁵ اذا كنتوا تحبوني اعملوا بالوصايا تاعي, ¹⁶ و انا نطلب من الاب يعطيكم معزي اخر يقعد معاكم على الدوام, ¹⁷ اللي هو روح الحق اللي ما يقدرش العالم يقبلو, على خاطر لا يشوفوا و لا يعرفوا, اما انتم تعرفوه على خاطر قاعد معاكم و يكون فيكم. ¹⁸ ما نخليكمش ايتامى.اني نرجع لكم. ¹⁹ بعد شوية حتى العالم ما يشوفنيش بالصح انتم تشوفوني, على خاطر انا حي انتم ثاني تحياو. ²⁰ ف هذاك النهار تعرفوا اني انا ف بابا, و انتم فيّا, و انا فيكم. ²¹ اللي يعرف لوصايا تاعي و يطبقها هاذاك يحبني, و اللي يحبني يحبوا بابا, و انا نحبو, و نبين لو ذاتي". ²² قال لو يهوذا الاخر مش الاسخريوطي: "يا سيدي, كيفاه تبين ذاتك لينا احنا و ما تبينهاش للعالم؟". ²³ رد عليه يسوع و قال: "اللي يحبني يطبق كلامي, و بابا يحبو, و ليه نجيو, و عندو نديروا دار. ²⁴ اللي ما يحبنيش ما يطبقش كلامي. لكلام اللي تسمعوا فيه ماهوش من عندي بالصح من عند الاب اللي يعثني. ²⁵ هاذا لكلام اللي قلتوا كي كنت عندكم. ²⁶ اما المعزي. الروح القدس, اللي راح يبعثوا الاب باسمي, هو اللي راح يعلمكم كل شيء, و يفكركم بالكلام الكل اللي قلت لكم عليه. ²⁷ "نخليلكم لهناء و السلام. نوهبكم لهناء تاعي. مش كيما يمد العالم انا نمدلكم. لا تخافوا لا تتزعزع قلوبكم. ²⁸ سمعتوني كي قلت لكم: انا رايح و راح نرجع لكم. لو كان جيتوا تحبوني كنتوا تفرحوا على خاطر قلت لكم اني رايح للاب, على خاطر بابا اعظم مني. ²⁹ قلت لكم هاذا لكلام اليوم قبل ما يصرى, باه نهار اللي يصرى تامنوا. ³⁰ ما بقيتش نهدر معاكم ياسر, على خاطر رايس هاذي الدنيا راح يجي و ما عندو حتى قدرة عليًا. ³¹ بالضح باه يفهم العالم باللي انا نحب الآب, و الشيء اللي وصاني عليه نديروا. نوضوا هيا نروحوا من هنا.