¹ منين تجي لقتيلة و العراك بيناتكم؟ موش من هنا تجي: من الشهوات تاعكم اللي قاعدة تحارب فيكم في اجسادكم؟ ² تحبوا تملكوا و كي ما تقدروش تقتلوا. و تحسدوا وكي ما تنالوش. تتعاركوا و تتقاتلوا, و انتوما محرومين على خاطر ما تطلبوش. ³ و كي تطلبوا ما تنالوش, على خاطر تطلبوا باه تديروا اللي في هواكم انتوما. ⁴ يا واحد الخاينين, ما علابالكمش باللي محبة الدنيا هي عداوة لله؟ و اللي حاب يكون من طلّاب الدنيا, يولي عدو لله. ⁵ و الا حاسبين لكتاب يهدر باطل كي يقول: الروح اللي فاض علينا ولّى يغير؟ ⁶ بالصح هو يجود علينا بنعمة اكبر. على هاذيك يقول: "ربي يرد المتكبرين, بالصح المتواضعين ينعم عليهم". ⁷ طيعوا لله. قاوموا ابليس يهرب منكم. ⁸ قربوا لله يقرب ليكم. نظفوا ايديكم يا لمذنبين, و نقيوْ قلوبكم يا لمنافقين. ⁹ احزنوا و نوحوا و ابكيو. بدّلوا الضحكة بالدموع, و بدّلوا الفرحة بالحزن. ¹⁰ تواضعوا قدام ربي يرفعكم. ¹¹ ما تهدروش على بعضاكم بالشر يا خاوتي. اللي يهدر في خوه بالشر يسمى هدر في شرْع الله و اللي يطّيَح في خوه يسمى طيّح في شرع الله, و اللي يطّح في شرع الله, ما يسماش يمشي بيه, بالصح يسمى حاكم عليه. ¹² كاين واحد برك اللي حط الشرع, و هو اللي يحكم بيه, و هو اللي يقدر يهلك و قادر يمنّع. شكون تكون انت باه تحاسب غيرك؟ ما تفخروش بغدوة ¹³ و ضرك الناس اللي يقولوا: "اليوم والا غدوا نروحوا لمدينة هاذيك و الا للمدينة الاخرى و ثمة نقعدوا عام واحد برك نخدموا على ارواحنا و نربحوا". ¹⁴ انتوما ما علابالكمش غدوة واش يكون! على خاطر واش هي حياتكم؟ راهي بخار, يظهر شوية و من بعد يفنى. ¹⁵ خير لو كان قلتوا: "نشالله كان عشنا ندير هكا و هكا". ¹⁶ بالصح راكم تفخروا بالتكبر تاعكم. و كل هاذا الزوخ و الفوخ شر. ¹⁷ اللي يعرف يعمل الصلاح و ما يعملوش, يتحسب عليه معصية.