¹ نهدر ضرك مع الناس الاغنياء, ابكوا و نوحوا على المصايب الي راح تصيبكم. ² مالكم فنى, وقشكم كلاتو العثة. ³ و الذهب و الفضة تاعكم صددوا, وهاذاك الصديد يشهد عليكم, و ياكل لحومكم كي النار! هاذا واش تخزنوا للاخرة تاعكم. ⁴ و لعرق تاع الخدامين اللي حصدولكم لراضي تاعكم, سلبتوه, حقهم يطلب فيكم عند ربي و سمعهم الله رب الجنود. ⁵ تنعمتوا في الدنيا, ترفهتوا شبّعتوا قلوبكم, كي اللي راكم توجدوا في ارواحكم للذبيحة. ⁶ حكُمتوا على اللي يتقي الله. و قتلتوه. و هو ما دافعش على روحو! الصبر وقت الضيقات ⁷ اصبروا يا خاوتي حتى لنهار اللي يجي فيه الرب. شوفوا كيفاه الفلاح يخدم لرض و يقعد يسنى في الثمار الغالية. صابر يسنى في لمطر تاع لخريف و لمطر تاع الربيع. ⁸ اصبروا انتم ثاني و ثبتوا قلوبكم, على خاطر قرّب النهار اللي راح يجي فيه الرب. ⁹ ما تتذمروش على بعضاكم يا خاوتي باه ما يحاسبكمش ربي. هاو الديّان واقف قدام الباب. ¹⁰ اصبروا كيما صبروا الانبياء اللي تكلموا باسم الرب اللي تعذبوا بالصح صبروا. ¹¹ يا سعد الناس الصابرين. سمعتوا على الصبر تاع ايوب و شفتوا كيفاه جازاه الله في لخر. على خاطر الله رؤوف و رحمتو واسعة. ¹² بالصح قبل كل شيء يا خاوتي, ما تحلفوش, لا بالسماء, و لا بلرض, و لا بأي شيء واحد اخر. اذا كان نعم قولوا نعم, و اذا كان لا قولوا لا, باه ما يحاسبكمش ربي. الصلاة تاع ليمان ¹³ اذا كاين واحد فيكم يعاني في الصعوبات؟ ما عليه كان يصلي. اذا كان واحد فيكم فرحان؟ ما عليه غير يحمد ربي و يسبحو. ¹⁴ كان فيكم واحد مريض؟ يعيط على الشيوخة تاع لكنيسية يصليو عليه و يدهنوه بالزيت باسم الرب, ¹⁵ و صلاة الايمان تشفي لمريض, وربي يعافيه ويشفيه, واذا كان دار ذنوب يغفرها لو. ¹⁶ استعرفوا لبعضاكم بذنوبكم, و صلوا لبعضاكم, باه تبراو. على خاطر صلاة الانسان الصالح عندها مفعول كبير. ¹⁷ كان ايليا بشر كيفنا في كل شيء, و صلى صلاة باه ما تصبش لمطر, قعدت ثلاث سنين وستة شهر ما صبتش لمطر. ¹⁸ و من بعد زاد صلى ثاني, صبت لمطر و خرجت لرض خيراتها. ¹⁹ يا خاوتي, كان واحد منكم بعَدْ على الحق و ردو واحد اخر, ²⁰ يكون في علمكم باللي اللي يرد مذنب للطريق الصواب, يمنّع نفس من الموت , ويستر ياسر معاصي.