¹ وحتى اذا كان الوعد باه ندخلوا للراحة تاع الله مازال قايم هكذاك و نخافوا لا نلقاو رواحنا تحرمنا منو! ² على خاطر احنا ثاني سمعنا لبشارة كيما سمعوها همّا, بالصح لكلام اللي سمعوه ما نفع فيهم والو. على خاطر ما كانش ايمان في الناس اللي سمعوه. ³ اما احنا المومنين راح ندخلوا في الراحة تاع الله, كيما قال: "حتى حلفت عليهم باليمين وقت الغُش باه ما يدخلوش للراحة تاعي" رغم اللي لعمال الكل كمْلت من الوقت اللي بدات فيه الدنيا. ⁴ و قال هذا لكلام كي تكلم على سابع يوم: "وريَّحْ الله من جميع اعمالو في سابع يوم". ⁵ و ثاني قال: "ما يدخلوش في الراحة تاعي". ⁶ و اذا كان الناس اللي سمعوا لبشارة في لول ما دخلوش على جال العصيان تاعهم, كاين ناس واحد اخرين راح يدخلولها. ⁷ على هاذيك يرجع الله ويعمل يوم كي يقول على لسان داود: "اليوم" بعد هذا الزمان كامل, كيما قال: "اليوم, اذا كان سمعتوا صوتو, ما تقسِيوْش قلوبكم". ⁸ على خاطر لو كان جا يشوع رتحهم ما يزيدش يهدر على نهار واحد اخر. ⁹ مالا ما زالت كاينة راحة لشعب الله! ¹⁰ على خاطر اللي يدخل في الراحة تاع الله يرتاح هو ثاني من اعمالو, كيما ريَّح الله من اعمالو. ¹¹ مالا خلي نديروا مجهودنا باه ندخلوا في هاذيك الراحة, باه واحد ما يطيح في عصيان كيما هاذاك بالذات. ¹² على خاطر كلمة ربي حية و قادرة في فعالها و امضى من كل سيف بجيهتين, و تدخل في لعماق لمفرق النفس والروح ولمفاصل و حتى للمخ تاع لعظام, وتميز افكار القلب و نيتو. ¹³ و ما كاين حتى مخلوق يخفى عليه, كل شيء عريان و مكشوف قدامو اللي امرنا بيديه. يسوع المسيح هو اعظم رايس كهنة ¹⁴ و على خاطر عندنا رايس تاع كهنة عظيم عدى في السماوات, يسوع ابن الله, نبقاو حاكمين في الايمان تاعنا. ¹⁵ على خاطر رايس الكهنة تاعنا ماهوش عاجز باه يحن على ضعفنا, هو تجرب في كل شيء كيما احنا بالذات بالصح هو بلا معصية. ¹⁶ خلونا تقدموا للعرش تاع النعمة بكل ثقة باه ننالوا رحمة و نلقاو نعمة تعاوننا وقت اللي نحتاجولها.