¹ و كي تمت المفاهمة باللي يديونا لايطاليا في البابور, سلموا بولس و محابسية اخرين كانوا معاه لواحد الضابط من كتيبة اوغسطس اسمو يوليوس. ² و ركبنا في بابور من ادراميت, و قلعنا و كنا معولين نعديو على كل الشواطي تاع اسيا. و كان معانا واحد الراجل مقدوني من تسالونيكي اسمو ارسترخس. ³ و النهار اللي من وراه وصلنا ل صيداء, كان يوليوس يحن على بولس, و خلاه يروح يشوف اصحابو باه يعاونوه و يتهلاو فيه. ⁴ و من بعد خرجنا في البابور وسافرنا وعدينا بحذى قبرس, على خاطر الريح كانت معاكستنا. ⁵ و من بعد عدينا في لبحر بحذى كليكية و بمفيلية, و هبطنا في ميراليكية. ⁶ و كي لقى الضابط بابورمن الاسكندرية رايح لايطاليا طلّعنا فيه. ⁷ و مشا بينا البابور وحدة وحدة لمدة ايامات ياسر, وبالسيف ما وصلنا لمدينة كنيدس, بالصح الريح كان قاوي و ما قدرناش ندخلوا لها, ولينا مشينا بحذى جزيرة كريت قريب لسلموني. ⁸ و بالسيف ثاني ما عديناها حتى ن وصلنا لواحد البقعة اسمها "المواني الصالحة" اللي قريبة من مدينة لسائية. ⁹ و هكا عدى علينا وقت طويل, حتى ن فات الصيام تاع الكفارة, و ولى لبحر هايج و السفر صعيب, قعد بولس يحذر فيهم و يقول لهم: ¹⁰ "يا جماعة او السفر خطير علينا في هاذا الوقت و راح نتضرروا و نخسروا ياسر, مش غير في السلعة والبابور برك, بلاك نخسروا حتى حياتنا ثاني". ¹¹ بالصح الضابط كان مقنع بهدرة القبطان و مولى البابور اكثر من الهدرة تاع بولس. ¹² و على خاطر حتى المرسى ما كانش صالح باه يفتوا فيه الشتاء, الاغلبية تاعهم شافوا باللي لازم يقلعوا من لثمة, بلاك يقدروا يوصلوا ل فينكس و يشتِيوْ فيها. وهي مرسى متلفتة للجنوب الغربي و الشمال الغربي. ¹³ و كي نسْمت ريح الجنوب حسبوا باللي نالوا مقصودهم, طلعوا المرساة وبقاو يسيروا بحذى الشط تاع كريت مش بعاد ياسر. العاصفة ¹⁴ بالصح من بعد غير شوية ثار عليهم ريح شمالي شرقي في عاصفة يقولوا لها "اوروكليدون". ¹⁵ وضربت البابور وما قدرناش نقاوموا الريح, ستسلمنا, وخلينا لبحر هازنا. ¹⁶ و عدينا تحت واحد الجزيرة يقولولها "كلودي" و بالسيف ما قدرنا نمّنعوا لفلوكة تاع النجاة. ¹⁷ و كي دخلوها للبابور ولاو يستعملوا في الالواح و ربطوها مليح, على خاطر خافوا لا يطيح البابور في الرمال المتحركة, و هبطوا القلوع, و خلاو البابور تهز فيه لمواج. ¹⁸ و قوات الريح خلاص, واليوم و غدوة بداو يفرغوا السلعة في لبحر. ¹⁹ و النهار اللي من وراه رمينا الادوات تاع البابور. ²⁰ و عدّات علينا ايامات ياسر ما شفنا لا الشمس و لا النجوم, و بقات الريح تهب بقوة, حتى قطعنا الامل خلاص في لحياة. ²¹ و كانوا الرجال لا ياكلو ولا يشربوا من مدة طويلة, وقتها وقف بولس في وسطهم وقال: " كون سمعتوا لي من النهار لول, و ما خرجتوش خلاص من كريت, كنا نمنعوا من هاذي المضرة ولخساير. ²² و ضرك نطلب منكم تتشجعوا و تفرحوا, على خاطر واحد منا ما راح يموت نمنعوا الكل , غير البابور. ²³ على خاطر البارح جاني ملاك من عند ربي اللي انا ليه و نعبد فيه, و قالي: ²⁴ ما تخافش يا بولس. لازم توقف قدام قيصر. و هاو الله وهبلك لحياة انت و جميع اللي مسافرين معاك. ²⁵ افرحوا يا جماعة, على خاطر عندي ثقة في الله انو يكون كيما قال لي. ²⁶ بالصح لمواج تدينا و ترمينا على جزيرة". البابور يغرق ²⁷ و في الليلة الربعطاش, كنا تايهين في لبحر تاع ادريا و لمواج هازة البابور, و عند نص الليل, لبحاّرة حسبوا بلي وصلنا على الشط, ²⁸ قاسوا الماء لقاوه عشرين وحدة . و زادوا قدموا شوية وقاسوه لقاوه خمستاش وحدة. ²⁹ و كي خافوا لا يدخل البابور في لوعر, رماو من لوراء المراسي في اربعة, و بقاو يسناو في النهار وقتاه يطلع. ³⁰ و حبوا البحارة يهربوا وحدهم و يخليونا في البابور, هبّطوا لفلوكة للبحر و داروا رواحهم راح يمدوا المرساة من لقدام, ³¹ شوية بولس قال للضابط و العسكر تاعو: "لو كان تخليوْهم يهبطوا من لبابور واحد فينا ما يمنع". ³² وقتها ولاو العسكرقطعوا لحبال تاع لفلوكة و خلاوها طاحت في الماء. ³³ و كان بولس يحاول في الجماعة الكل ياكلوا شوية حتى ن قريب يطلع النهار, قال لهم: "هاذا النهار الرابعطاش وانتوما تستناو صايمين على رياقكم ما كليتوا حتى شيء. ³⁴ كولوا حتى شوية, باه يكون عندكم الجهد و تقدروا حتى نمنّعوا ارواحكم, و ما تخافوش شعرة منكم ما تتقاس". ³⁵ و كي قالهم هاذا لكلام هز الخبز وشكر ربي و قسم قدامهم و بدا ياكل. ³⁶ ولاو الكل فرحوا و كلاو هما ثاني. ³⁷ و كانوا كلهم اللي في البابور ميتين و ستة و سبعين واحد. ³⁸ و من بعد ما كلاو رماو القمح في لبحر باه يخففوا على البابور. ³⁹ و كي طلع النهار ما شافوا حتى بر, بالصح شافوا واحد الشط صغير, و تفاهموا باه يجبدوا البابور و يوصلوه لثمة اذا كان قدروا. ⁴⁰ قطّعوا المراسي خلاوها تطيح في لبحر, و زادوا حلوا لحبال اللي في الدفة ثاني, و حلوا الشراع للريح اللي تهب, و توجهوا للشط. ⁴¹ بالصح البابور حصُل في الرمل اللي في القاع, من لقدام ما يقدرش يتحرك. و من لورى تكسر من قوة لمواج. ⁴² و العسكر كانوا حابين يقتلوا المحابسية على خاطر خافوا لا يعوموا حتى للشط و يهربولهم.ْ ⁴³ بالصح الضابط, كان حاب يمنع بولس, قال للي قادرين يعوموا يرميو ارواحهم و يعوموا حتى يوصلوا للشط, ⁴⁴ و لخرين اللي يحكم في لوحة و الا اي حاجة من الطروفة تاع البابور, و هكا منعوا الكل و وصلوا للشط سالمين.