¹ و كي منعنا لقينا باللي الجزيرة اسمها مليطة. ² و اهلها من البربر داروا فينا واحد الخير اللي ماكانش خلاص, فرحوا بينا وشعلوا لنا النار ودفاونا من البرد. ³ و راح بولس يلم في اللوح من لرض ويحط فيه في النار, شوية خرجت افعى من قوة السخانة و لصقت في يد بولس. ⁴ و كي شافوا الناس اللي من البربرالافة لاصقة في يد بولس, ولاو يقولوا: "هاذا الراجل باين عليه قاتل روح, حتى و لو منع من لبحر ما خلاتوش العدالة تاع ربي". ⁵ بالصح بولس نفض لفعى من يدو في النار و ما صرالو والو ⁶ و اما همّا قعدوا يسناو فيه يتنفخ و الا يطيح يموت على غرادة. و قعدوا يستناو و يستناوْ و كي ما صرالو والو , ولاو بدلوا رايهم و قالوا: "هاذا ما يكون غير اله!". ⁷ و كان في هاذيك الجوايه جنانات تاع يوليوس الحاكم تاع الجزيرة. اللي فرح بينا و ضيفنا ثلاثة ايام. ⁸ و كان باباه مريض عندو سخانة وحاكم لفراش. دخل ليه بولس وصلى و حط عليه يديه و شفاه. ⁹ و كي شافوا السكان تاع الجزيرة اللي صرى ولاو همّا ثاني جابوا المرضى اللي عندهم وكانوا ينالوا الشفاء. ¹⁰ و كرمونا اكرام كبير. و كي خرجنا من الجزيرة مدولنا الشيء اللي نحتاجوا ليه. الوصول الى روما ¹¹ و من بعد ثلاثة شهرْ ركبنا في بابور من الاسكندرية كان عقب الشتاء في الجزيرة, عليه الرمز تاع الجوزاء. ¹² و نزلنا في سراكوسا و قعدنا فيها ثلاثة ايام. ¹³ و بعد دُرْنا وحكمنا الطريق ل ريغون. و احنا في لبحر بعد يوم واحد هبت علينا ريح من الجنوب, و وصلنا ثاني نهار ل بوطيولي, ¹⁴ و تلاقينا بالخاوة اللي كانوا لثمة و حكمونا عندهم و ضيفونا سبعة ايام, و من بعدها رحنا لروما. ¹⁵ و كي سمعوا بينا الخاوة لخرين خرجوا عرضولنا في فورن ابيوس و الثلاثة حوانيت. و كي شافهم بولس حمد ربي و تشجع. ¹⁶ و كي وصلنا لروما وصّل الضابط لمحابسية للكزرنة, بالصح بولس سمحلو باه يسكن وحدو هو و العسكري اللي كان يعس عليه. بولس يوعظ في روما و هو تحت العسة ¹⁷ و من بعد ثلاثة ايام عيط بولس الوجهاء تاع ليهود. و كي تلموا قال لهم: "يا جماعة يا خاوتي, انا ما عملت حتى شيء ضد الشعب و الا ضد العادات تاع جدودنا, ورغم هاذا كتفوني وسلموني ليد الرومانيين, ¹⁸ اللي كي داروا التحقيق في الموضوع كانوا حابين يسيبوني, على خاطر ما لقاو فيّا حتى تهمة صحيحة نستاهل عليها حكم الموت. ¹⁹ و بالصح كي ليهود ما حبوش يقبلوا بنتيجة التحقيق, ما لقيت حتى حل اخر غير اني نرفع القضية تاعي للقيصر, موش على خاطر حاب نشكي حاجة على الشعب تاعي و على امتي. ²⁰ و على هاذا السبب حبيت نشوفكم و نهدر معاكم, على خاطر راني مسلسل بهاذي السلاسل على جال الرجاء تاع بني اسراييل". ²¹ قالوا لو: "ما وصلتنا عليك حتى برية من عند ليهود, و ما كان حتى واحد من الخاوة جانا و خبرّنا عليك بحاجة خايبة. ²² بالصح مليح كي نسمعوا منك انت, على خاطر احنا عارفين باللي الناس في كل مكان تقاوم هاذا المذهب". ²³ و تفاهموا على نهار, جاو عندو جماعة كبيرة من ليهود للدار وين يسكن, و قعد يشهد لهم على الملكوت تاع الله, و يقنع فيهم بالامر تاع يسوع من لكتب تاع موسى, من الصباح للعشية. ²⁴ و منهم اللي امن و منهم اللي ما امنش. ²⁵ و راحوا وهمّا ما همش متفاهمين مع بعضاهم, كي قال لهم بولس هاذي الكلمة برك: "عمل الروح القدس مليح كي كلّم جدودنا على لسان اشعياء النبي ²⁶ و قال لو: روح لهاذا الشعب و قل لهم: بوذنيكم تسمعوا بالصح ما تفهموش, و بعينيكم تخزروا بالصح ما تشوفوش. ²⁷ هاذا الشعب راسو خشين, و ثقلت وذنيهم, و غمضوا عينيهم. باه ما يسمعوا بوذنيهم, و ما يشوفوا بعينيهم, و ما يفهموا في قلوبهم حتى يرجعوا و يتوبوا, و نشفيهم. ²⁸ يكون في علمكم باللي الخلاص تاع الله توجه للامم, و همّا راح يسمعوا ليه و يقبلوه!" ²⁹ و كي قال هاذا الشيء كامل راحوا ليهود روْحوا وهما بيناتهم نقاش كبير. ³⁰ و سكن بولس مدة عامين كاملين في الدار اللي كراها. و كان يفرح بكل واحد يجيه و يدخْلو للدار, ³¹ و يبشر بالملكوت تاع الله, و يعلم بالامر تاع يسوع المسيح جهار, بلا ما تمنعو حاجة.