¹ و في ايقونية دخلوا مع بعضاهم في زوز للمجمع تاع ليهود و تكلموا,حتى امنوا ناس ياسر من ليهود و ناس اليونان. ² بالصح ليهود اللي ما حبوش يامنوا حرشوا الناس اللي من الامم على الخاوة و فسدوا لهم نية قلوبهم. ³ بالصح بولس وبرنابا سكنوا لثمة مدة طويلة كانوا يجاهروا بيسوع اللي كان يشهد لكلامهم على النعمة تاعو, و كان يأيد فيهم بآيات و عجايب تصرى على يديهم. ⁴ و الناس تاع لمدينة تقسموا على زوز فرَق, منهم اللي تبعوا ليهود و منهم اللي تبعوا الرسل بولس و برنابا. ⁵ و كي صرى هجوم من جيهة الامم و ليهود و الرياس تاعهم على الرسل باه يطَيْحوا بيهم و يرجموهم, ⁶ فاقوا بيهم, و هربوا ل ليكأونية لمدينة لسترة و دربة, و للجوايه الدايرة بيهم. ⁷ و كانوا حتى لثمة يبشروا. في لسترة و دربة ⁸ و كان في لسترة واحد الراجل دايما قاعد لثمة عايب من رجليه من نهار اللي ولد , عمرو ما مشى. ⁹ و كان يسمع في بولس و هو يتكلم, خزر فيه بولس, و كي شاف بلي عندو ايمان وقادر يبرى, ¹⁰ قال بصوت عالى: "نوض اوقف على رجليك!". نقز الراجل وقف و ولى يمشي. ¹¹ و كي شافوا الناس واش عمل بولس, ناضوا الكل يعيطوا باللغة تاعهم تاع ليكأونية و قالوا: " الالهة تشبهوا بالناس ونزلوا لنا". ¹² و برنابا سماوه "زفس" و بولس سماوه "هرمس" على خاطر دايما هو اللي يتكلم لول. ¹³ و جاهم كاهن زيوس اللي المعبد تاعو كان في الدخلة تاع لمدينة. و جاب لهم البقر و اكاليل تاع النوار و حطوها قدام البيبان هو والغاشي اللي معاه و كان حاب يذبح لهم الذبايح . ¹⁴ و كي سمع بولس و برنابا, قطعوا قشهم, و خرجوا للغاشي يجريو ويعيطوا ¹⁵ و قال لهم: "يا ناس, واش راكم تديروا؟ احنا رانا عباد ضعفاء كيما انتوما, جينا نبشروا فيكم باه تخليوْ هاذا الباطل و تتوبوا للاله الحي اللي خلق لرض و السماء و البحار و كل ما فيها, ¹⁶ اللي خلى الناس في لجيال الفايتة يمشيوْ على هواهم ¹⁷ بالصح هو دايما يشهد على روحو بالخير اللي يديروا مع الناس: ينزل لمطار من السماء و يجيب لمواسم في وقتها, و يرزقنا بالقوت و يملي قلوبنا بالفرحة". ¹⁸ و بعد هاذا لكلام و بجهد كبير باه قدروا يمنعوا الناس ما يذبحوش الذبايح. ¹⁹ و من بعد زادوا جاو ليهود اللي من انطاكية و ايقونية و حرشوا عليهم الناس, و راحوا رجموا بولس و كركروه لبرى خارج لمدينة و رماوه, حاسبينوا بلي مات. ²⁰ بالصح كي داروا بيه التلامذة, وقف ودخل للمدينة, و اليوم و غدوا خرج هو و برنابا و راحوا ل دربة. ²¹ و لثمة في دربة بشروا و لموا تلامذة ياسر. الرجوع لانطاكية في سورية و من بعد رجعوا ل لسترة, و من ثم راحوا لايقونية وانطاكية, ²² يشددوا في التلامذة و يشجعوا فيهم يثبتوا في الايمان, و يقولو لهم بلي لابد نعديو على صعوبات ياسر باه ندخلوا للملكوت تاع الله. ²³ و حطوا قساوسة في كل كنيسية, و صاموا و صلاو و خلاو الخاوة بين يدين الرب اللي امنوا بيه, ²⁴ و كي كانوا جايين من بمفيلية عداو على بيسيدية. ²⁵ و نشروا الكلمة في برجة, و من بعد هبطوا ل اتالية. ²⁶ و من ثمة سافروا في لبحر ل انطاكية, اللي خرجوا منها في لول بالمهمة اللي داروها وكملوها بالنعمة تاع ربي. ²⁷ و كي وصلوا لموا لكنيسية كاملة, وحكاو لهم على الشيء اللي عملو ربي معاهم, و كيفاه فتح للامم باب للايمان هما ثاني. ²⁸ و قعدوا لثمة مع التلامذة مدة .