1 و كان لثمة في لكنيسية في انطاكية معلمين و انبياء: برنابا, و سمعان اللي يعيطولو نيجر, و لوكيوس من القيروان, و مناين اللي تربى مع هيرودس الوالي, و شاول. 2 و هما يخدموا في ربي و يصوموا, قال الروح القدس: " خليو برنابا و شاول على جيهة على خاطر نحتاجهم في واحد الخدمة". 3 وقتها صاموا و صلاو و حطوا عليهم يديهم, و من بعد خلاوهم راحوا. برنابا و شاول في قبرص 4 و هما كي بعثهم الروح القدس هبطوا لسلوكية , و من ثمة سافروا في لبحر ل قبرص. 5 و كي وصلوا لسلاميس بداو يناديوْ بالكلمة تاع الله في وسط لمجامع تاع ليهود. و كان معاهم يوحنا يعاون فيهم. 6 و كي فاتوا في الجزيرة كاملة حتى وصلوا لمدبنة بافوس, تلقاو مع واحد الراجل سحَّارحاسب روحو نبي بالكذب و هو يهودي اسمو باريشوع, 7 و كان من لحاشية تاع سرجيوس بولس الحاكم تاع لمدينة, اللي كان راجل مثقف, عرض برنابا و شاول و طلب منهم باه يسمعوه كلام الله. 8 بالصح هاذاك السحَّار عليم وهاذي الترجمة تاع اسمو, كان يعكس فيهم حاب يبعد الحاكم على الايمان. 9 و اما شاول اللي اسمو ثاني بولس, تملى من الروح القدس و خزر فيه 10 و قالو: "يا واحد المعمر بالكذب و بالخبث الكل! يا ولد ابليس! يا عدو الخير! ما زالك برك تعوج في الطرق الله الصحيحة؟ 11 ضرك تجيك ضربة من عند ربي, تعمى و ما تشوفش ضو الشمس حتى يحب ربي". و في ساعتها طاحت عليه ضبابة و ظلامت عينيه, ولى يدور و يحوس على شكون يقودو من يدو. 12 و الحاكم كي شاف واش صرى امن , و حار من التعليم تاع الرب. في انطاكية بيسيدية 13 و من بعد سافر بولس و اللي كانوا معاه من بافوس و راحوا ل برجة بمفيلية. بالصح يوحنا ماراحش معاهم هو رجع لاورشليم. 14 و هما زادوا من برجة راحوا لانطاكية في بيسيدية, ودخلوا للمجمع نهار السبت و قعدوا. 15 و من بعد ما قراو جزء من شريعة موسى و الانبياء, بعثولهم رياس المجمع وقالوا لهم: " يا لخاوة, اذا كان عندكم حاجة توعظوا بيها الشعب قولوا". 16 وقف بولس و شارعليهم بيدو وقال: "يا رجال اسراييل و يا اللي تخافوا ربي, اسمعوا! 17 الاله تاع شعب اسراييل خاير جدودنا, و على من قدرو كي كان متغرب في ارض مصر, و من بعد خرجهم منها بقوة اعمالو. 18 و استحملهم في الصحراء مدة ربعين سنة. 19 و محى سبع امم من ارض كنعان و قسم عليهم ارضهم بالقرعة. 20 وعلى مدة ربعمية وخمسين سنة جعل لهم قضاة حتى لعاهد النبي صموييل. 21 و من بعد طلبوا من الله يعين لهم ملك, حط لهم شاول بن قيس, واحد من عشيرة بنيامين, حكم عليهم مدة ربعين سنة. 22 و من بعد عزلو الله و حط في مكانو داوود ملك, اللي شهد ليه ثاني, كي قال: لقيت في داوود عبدي راجل على حساب قلبي, راح يدير كل واش نحب. 23 و من الذرية تاع داوود, على حساب الوعد, جعل الله يسوع مخَلِص, لبني اسراييل. 24 و قبل ما يجي هو جا يوحنا قبلو وبشَّر بالمعمودية تاع التوبة لشعب اسراييل كامل. 25 و قبل ما يكمل المهمة تاعو قال: شكون تحسابوني أنا؟ انا خاطي هو, بالصح هو راح يجي بعدي وانا ما نستاهلش نحل حتى سيور سباطو اللي في رجليه 26 يا خاوتي يا بني ابراهيم, ويا كل الناس اللي بيناتنا اللي تخافوا ربي, لينا احنا جات كلمة هاذا الخلاص. 27 على خاطر اهل اورشليم والرياس تاعهم ما عرفوش المسيح. و ما فهموش لقوال تاع الانبياء اللي يقراوها كل نهار سبت بالصح تموا بيها كي حكموا عليه بالموت. 28 و مع انهم ما لقاو فيه حتى سبب واحد باه يحكموا عليه بالموت هكذاك و طلبوا من بيلاطس باه يقتلو. 29 و كي تتموا كل واش تكتب عليه, هبطوه من الصليب وحطوه في قبر. 30 بالصح الله قومو من بين الموتى. 31 وهو ظهر مرات ياسر للناس اللي طلعوا معاه من الجليل لاورشليم, و هما اللي ولاو الشهود تاعو عند الشعب. 32 و احنا نبشروكم بالعاهد اللي تحقق للجدودنا, 33 و بلي الله حقق هاذا لينا احنا اولادهم, كي قوم يسوع من بين الموتى كيما راه مكتوب في المزمور الثاني: انت وليدي انا اليوم ولدتك. 34 و كي قومو من بين الموتى, باه ما يعاودش يفنى, وهاكذا قال: اني راح نعطيكم المراحم تاع داوود الصادقة. 35 و ثاني زاد قال في مزمور واحد اخر: ما تخليش القدوس تاعك يموت ويفنى. 36 على خاطر داوود بعد ما عمل المشيئة تاع الله في حياتو, مات و تدفن بحذى جدودو, و تحلل الجسم تاعو و فنى. 37 بالصح اللي قومو الله من بين الموتى ما يفناش. 38 يكون في علمكم يا الخاوة, بلي بيه هو نبشروكم بغفران الذنوب, 39 و هكذا كل اللي يامن يتبررمن كل حاجة ما قدرتش الشرع تاع موسى يبرركم منها . 40 اتولهوا و عندكم يصرى لكم الشيء اللي قالوا عليه الانبياء: 41 شوفوا, انتوما يا اللي ستهزاو! و تعجبوا و اهلكوا ارواحكم! على خاطر راح ندير حاجة في اياماتكم. لو كان يقولو لكم عليها ما تصدقوش". 42 و من بعد ما خرجوا ليهود من المجمع بداو الناس تاع الامم الاخرى يحاولوا فيهم باه يزيدوا يكلموهم بهاذا لكلام نهار السبت الجاي. 43 و كي تفرقت الجماعة, ياسر من ليهود و الغرباء اللي يعبدوا الله تبعوا بولس وبرنابا, و هما كانوا يهدروا معاهم و يشجعوا فيهم باه يثبتوا في نعمة ربي. 44 و نهار السبت لٌخرْ تلمت قريب لمدينة كاملة باه تسمع كلمة الله. 45 و كي شافوا ليهود الشيء اللي صرى غاروا, و بداو يعارضوا واش يقول بولس و يكذبوا فيه. 46 قال لهم بولس وبرنابا بكل شجاعة: "كان لازم انتم اللوالى اللي تبشروا بكلة الله, بالصح انتوما رفضتوها, و بينتوا بلي راكم ما تستاهلوش الحياة الدايمة, علاها احنا ضرك نتوجهوا للامم, 47 على خاطر هذا واش وصانا الرب: جعلتك نور للامم, باه تهز الخلاص لاطراف الدنيا". 48 و كي سمعوا الامم اللي ما همش يهود هذا لكلام فرحوا ومجدوا كلام الرب. و امنوا كل اللي كانوا معنيين بالحياة الدايمة. 49 و تنشرت كلمة ربي في كل هاذيك لبلاد. 50 بالصح ليهود راحوا حرشوا النساء الشريفات اللي كانوا يعبدوا الله و الوجهاء تاع لمدينة, و داروا الفتنة على بولس وبرنابا وخرجوهم من بلادهم. 51 بالصح هما نفضوا عليهم لغبار تاع رجليهم, و راحو ل ايقونية. 52 بالصح التلامذة كانوا مليانين بالفرحة و الروح القدس.