¹ و في هاذاك الوقت قرر الملك هيرودس يضطهد ناس من لكنيسية, ² و قتل يعقوب خو يوحنا طيرلو راسو بالسيف. ³ و كي شاف بلي هاذا الشيء يعجب ليهود, زاد قبض على بطرس ثاني. و صرى هاذا في ايامات لفطير. ⁴ و كي حكمو رماه في الحبس, و حط اربعة فرق تاع عسكر يعسوا عليه, و كان ناوي يقدمو للشعب بعد عيد الفصح. ⁵ و كان بطرس محطوط في الحبس تحت العسة, و كانت لكنيسية تصلي على جالو ليل و نهاربلا ما يحبسوا. بطرس يخرج من الحبس ⁶ و في الليلة اللي كان هيرودس ناوي يسلمو فيها, كان بطرس راقد بين زوز عساسة و كان مسلسل بالسلاسل, و كانوا العسكر يعسوا قدام الباب تاع الحبس. ⁷ و اذا ملاك الرب جاء, و ضوى النور في الحبس, و ضرب بطرس على جنبو و نوضو وقالو: "نوض ازرب!". و طاحوا السلاسل من يديه. ⁸ و قال لو الملاك : " اتحزم و البس سباطك". كي كمل زاد قالو: " البس ثوبك و تبعني". ⁹ و خرج يتبع فيه. و هو ما علابالوش اذا كان هاذا الشيء صح, وكان حاط روحو يحلم. ¹⁰ و عداو على العسة لولى و زادو الثانية, حتى وصلوا للباب تاع لحديد اللي يخرَّج على لمدينة, و وحدو وحدو تحل, خرجوا و مشاو غير زقاق واحد, و لثمة فارقو الملاك. ¹¹ وقال بطرس, بعد ما فاق مع روحو: "ضرك تأكدت بلي ربي بعث الملاك تاعو و منعني من يد هيرودس, و من كل شيء كانوا ليهود يحبوا يديروه فيا". ¹² ومن بعد خمم شوية وراح لدار مريم ام يوحنا اللي يعطيلو مرقس, و كان في هاذيك الدار جماعة كبيرة من المومنين قاعدين يصليو. ¹³ و كي طبطب بطرس على الباب تاع الدار جات واحدة الخديمة اسمها رودا باه تتصنت. ¹⁴ و كي عرفت بطرس من الصوت تاعو من الفرحة ما حلتش الباب, بالصح راحت تجري لداخل و خبرتهم بلي بطرس راه جا و راه واقف قدام الباب. ¹⁵ قالوا لها: " راكي تتخيلي برك!". واما هي بقات تأكد لهم بلي هو. قالوا لها: " بلاك ملايكاتو!". ¹⁶ و بقى بطرس لبرى يطبطب حتى حلوا عليه و كي شافوه حاروا. ¹⁷ شار عليهم بيدو باه يسكتوا, و حكالهم كيفاه خرجو ربي من الحبس. و قال لهم: "خبروا يعقوب و الخاوة لخرين بالشيء اللي صرى". و من بعد خرج من لثمة و راح لمكان اخر. ¹⁸ و كي طلع النهار صرات فوضى كبيرة بين العسكر: زعمة واش صرى لبطرس؟ ¹⁹ و كي طلب هيرودس باه يجيبوه و ما لقاهش استجوب العساسة, و صدر منو امر باه يقتلوهم . و من بعد هبط من اليهودية لقيصرية و سكن لثمة. موت هيرودس ²⁰ و كان هيرودس غاضب على اهل صور واهل صيدا, راحوا هما تلموا الكل مع بعضاهم و تفاهموا و ميلوا بلاستس الحاجب تاع الملك لصفهم و طلبوا الصلح على خاطر بلادهم تسترزق من المملكة تاع هيرودس. ²¹ و في النهار اللي راح يتقابلوا فيه لبس هيرودس قشات المٌلك , و قعد على كرسي العرش و بدا يخطب عليهم . ²² و الشعب كامل بداو يعيطوا: "هاذا صوت تاع اله ما هوش صوت انسان!". ²³ و في دقيقتها ضربو ملاك الله على خاطر ما مدش المجد لله, و بدى الدود ياكل فيه و مات. ²⁴ اما كلمة الله كانت تتنشراكثر و تزيد. ²⁵ و رجع برنابا و شاول من اورشليم بعد ما كملوا الخدمة تاعهم, و داو معاهم يوحنا اللي يعيطولو مرقس.