¹ و كي سمعوا الرسل و الخاوة اللي كانوا في بلاد اليهودية بلي حتى الامم قبلوا الكلمة تاع الله. ² و كي طلع بطرس لاورشليم, تعاركوا معاه اهل الختان, ³ و قالوا لو: "كيفاه تدخل لديار ناس ماهمش مختنين و تاكل معاهم". ⁴ وبدى بطرس يشرح لهم واش صرى وقال : ⁵ " كي كنت في مدينة يافا و انا نصلي, غفيت في النوم و شفت منام: شفت قصعة نازلة من السماء كيما ملاية تدلى من ربعة اطراف و تحطت قدامي. ⁶ و كي شفتها مليح, لقيت فيها الدواب تاع لرض كاملة و الوحوش و كل ما يزحف و كل ما يطير. ⁷ و سمعت صوت من السماء قالي: بطرس اوقف, اذبح و كول. ⁸ قلت لو: لا يا ربي! عمري ما دخلت في فمي حاجة محرمة والا ناجسة. ⁹ زاد قالي الصوت اللي من السماء: اللي طهرو ربي ما تنجسوش انت. ¹⁰ و تعاود هاذا الشيء ثلاثة مرات. و من بعد ترفع كل شيء للسماء كيما كان. ¹¹ و اذا بيه في هاذاك الوقت بالذات وقفوا ثلاثة رجال قدام الدار اللي كنت فيها, كانوا مبعوثين ليا من قيصرية. ¹² و قال لي الروح امشي معاهم و ما تخاف من حتى شيء. و رحت انا و الخاوة في ستة اللي كانوا معايا. و كي دخلنا لدار الراجل, ¹³ حكالنا كيفاه شاف الملاك في دارو و كيفاه وقف عليه وقال لو: ابعث رجال ليافا, و عيط على سمعان اللي يقولولو بطرس, ¹⁴ و هو راح يكلمك كلام تتخلص بيه انت واهل بيتك كاملين. ¹⁵ و كي بديت نهدر, جاء عليهم الروح القدس كيما جاء علينا نحنا في لول. ¹⁶ و تفكرت كلام ربي كي قال: يوحنا عمد بالماء و اما انتوما راح توليوْ تعمدوا بالروح القدس. ¹⁷ اذا كان الله وهبهم كيما وهب لينا احنا نهار اللي امنا بالرب يسوع المسيح, واش نكون انا؟ نقدر نقول لله لا؟". ¹⁸ و كي سمعوا الحاضرين هاذا لكلام سكتوا, و سبحوا الله و قالوا: "امالا حتى اللي ما همش يهود انعم عليهم الله هما ثاني بالتوبة باه ينالوا لحياة!". الكنيسية في انطاكية ¹⁹ اما المومنين اللي تفرقوا على جال المحنة اللي صرات بعدما تقتل استيفانوس راحوا قطّعوا ل فينيقية و قبرص و انطاكية, وكانوا مايبشروا حتى واحد بكلمة الله من غير ليهود برك. ²⁰ بالصح كاين منهم ناس وهما رجال من قبرص والقيروان , اللي كي دخلوا لانطاكية كانوا يهدروا مع ناس اليونان ويبشروا فيهم بالرب يسوع. ²¹ و كانت يد ربي معاهم, و ناس ياسر اللي امنوا و هداهم ربي لطريقو. ²² و وصل لخبر تاعهم و سمعوا بيه في لكنيسية في اورشليم, ولاو بعثوا برنابا لانطاكية. ²³ و كي جا وشاف نعمة ربي فرح, وشجعهم وصاهم الكل باه يثبتوا في ربي و يحكموا فيه بكل قلوبهم. ²⁴ على خاطر هو كان راجل صالح و مليان من الروح القدس ومن الايمان. وزاد رجع غاشي كبير للرب. ²⁵ و من بعد راح برنابا ل طرسوس يحوس على شاول. و كي لقاه جابو معاه للكنيسية اللي في انطاكية. ²⁶ و بقاو لثم يجتمعوا في الكنيسية مدة عام كامل و علموا ناس ياسر. ولثمة في انطاكية لاول مرة اللي التلامذة تاع المسيح تسماو "مسيحيين". ²⁷ و في هاذيك ليامات جاو انبياء من اورشليم ل انطاكية. ²⁸ و وقف واحد من التلامذة واسمو اغابوس, و تنبأ بالوحي تاع الروح القدس بلي راح تصرى مجاعة كبيرة على لرض كاملة, هاذيك اللي صرات عهد القيصر كلوديوس. ²⁹ و على هاذاك قرروا التلامذة باه كل واحد يبعث الشيء اللي يقدرعليه, و يعاونوا الخاوة الساكنين في اليهودية. ³⁰ و هاذاك واش داروا و بعثوا الشيء اللي لموه مع برنابا وشاول.