1 كرنيليوس يطلب باه يقابل بطرس و كان في مدينة قيصرية واحد الراجل اسمو كرنيليوس ,قايد ميئة من الكتيبة اللي اسمها الطليانية . 2 و هو واحد تقي يخاف الله هو و كل اهل بيتو , يدير حسنات كبار للشعب و يصلي لله دايما . 3 واحد النهار جوايه الساعة تسعة تاع النهار شاف واحد المنام واضح , دخل عليه ملاك من عند الله و قالو :"يا كرنيليوس " . 4 شاف مع الملاك و استولى عليه الخوف , و قال :" يا سيد واش كاين ؟" قالو :" صلاتك و صداقتك طلعت قدام الله تذكار . 5 و ضرك ابعث ناس ل يافا و اعرض سمعان اللي اسمو بطرس . 6 راه قاعد عند سمعان الدباغ اللي دارو حذى لبحر . و هو يقولك واش لازم تدير" . 7 و كي راح الملاك اللي كان يتكلم مع كرنيليوس , عيط على زوز من الخدامين تاعو واحد منهم عسكري من اللي كانوا دايما معاه , 8 و خبرهم بكل شيء و بعثهم ل يافا . لمنام تاع بطرس 9 اليوم وغدوا وهما مسافرين كي قربوا يدخلوا للمدينة , طلع بطرس للسطح باه يصلي جوايه الساعة السته . 10 جاع ياسر و حب ياكل , و في الوقت اللي كانوا يوجدو له , غفى و طاح عليه النوم , 11 و شاف السماء محلولة , و قصعة نازلة عليه تقول ملاية كبيرة مربوطة من اطرافها لربعة و تتدلى على لرض . 12 و كان فيها كل الدواب تاع لرض و الوحوش و كل ما يزحف و كل طير من الطيور السماء كلها . 13 و جاء ليه صوت :" نوض يا بطرس اذبح و كول " . 14 قال بطرس :"لا يا ربي انا عمري ما كليت حاجة منجوسة والا محرمة ". 15 و زاد جاء ليه الصوت مرة اخرى :" اللي طهروا الله ما تنجسوش انت " . 16 و كان هذا على ثلاثة مرات و من بعد ترفعت القصعة كيما كانت ل السماء . 17 تحير بطرس و بدا يسقسي في روحو : واش معناه هذا المنام اللي شافو ؟ , و اذا بيه الرجال اللي بعثهم كرنيليوس , كانوا سقساو على بيت سمعان و راهم واقفين قدام الباب 18 و ناداو يسقسيو :" اذا كان سمعان اللي اسمو بطرس راه موجود لثم ؟" 19 و في الوقت اللي مازال بطرس يخمم في المنام , قالو الروح :" راهم ثلاث رجال يعيطولك . 20 نوض و اهبط و روح معاهم بلا ما تخمم على شيء , على خاطر راني انا اللي بعثتهم ". 21 و نزل بطرس للرجال اللي جاوه من عند كرينيليوس , وقال :" راني انا اللي تحوسوا عليه . واش من سبة جابتكم ؟" . 22 قالوا لو :" او كرنيليوس قايد تاع ميئة , راجل صالح , يخاف الله و كل امة ليهود شاهدة عليه , جاه الوحي من عند ملاك مقدس باه يستدعيك لبيتو و يسمع من عندك كلام ". 23 ولى بطرس استدعاهم لداخل و ضيفهم . و اليوم وغدوا راح معاهم و راحوا معاه ناس من الخاوة اللي ف يافا . بطرس يقابل كرنيليوس 24 و بعد نهار دخلوا ل قيصرية , و اما كرنيليوس كان يسنى فيهم , و عرض نسابو و اصحابوا المقربين . 25 و كي دخل بطرس استقبلو كرنيليوس و نزل ساجد على رجليه . 26 نوضو بطرس و قالو :" نوض حتى انا انسان زيك " . 27 و بعد دخل وهو يهدر معاه و لقى ناس ياسر متلميين . 28 قال لهم :" راكم عارفين كيفاه محرم على راجل يهودي يقعد مع واحد براني و الا حتى يجي عندو . بالصح انا ورا لي الله باه ما نقول على حتى واحد انو محرم والا منجوس . 29 على هاذيك جيت بلا مناقشة كي عيطوا لي . و ضرك نستخبر منكم على واش من سبة استدعيتوني ؟". 30 قالو كرنيليوس :" عندها اربعة ايام حتى لهاذي الساعة كنت صايم . و على الساعة التاسعة كنت نصلي في بيتي . و اذا واحد الراجل بلبسة ضاوية وقف قدامي 31 و قال :" يا كرنيليوس , صلواتك تسمعت و صدقاتك تذكرت قدام الله . 32 ابعث ل يافا و استدعي سمعان اللي اسمو بطرس . راح قاعد في بيت سمعان راجل دباغ ساكن حذى لبحر . و هو كي يجي يكلمك . 33 بعثت لك ليه ليه . و انت راك عملت مليح كي جيت . و ضرك احنا كلنا رانا حاضرين قدام الله باه نسمعوا جميع اللي قال لك عليه . خطبة بطرس في دار كرنيليوس 34 بدا بطرس يتكلم وقال :" الحق انا لقيت بلي الله ما يقبلش الناس بالوجوه . 35 بالصح في كل امة يقبل برك هاذوك اللي يخافوا اسموواللي يعملوا العدل . 36 الكلمة اللي بعثها لبني اسرائيل يبشرهم بالسلام بيسوع المسيح . هذا اللي هو رب ل الناس الكل . 37 راكم عارفين الامر اللي صرى في بلاد اليهودية و بدا في الاول من الجليل , بعد المعمودية اللي بشر بيها يوحنا . 38 يسوع اللي من الناصرة و كيفاه مسحوالله بالروح القدس و القوة , و اللي راح يجول و يعمل الخير و يشفي كل المتسلط عليهم ابليس , على خاطر الله كان معاه . 39 واحنا رانا شهود على كل واش عمل في بلاد ليهود و في اورشليم . واللي كذلك قتلوه معلق فوق مادرية . 40 هذا الله حياه من الموت في ثالث يوم , و خلاه يكون ظاهر , 41 مشي لجميع الناس بالصح للشهود اللي سبق وخايرهم الله . لينا احنا اللي كلينا وشربنا معاه بعد قيامتو من بين الموتى . 42 و وصانا باه نبشروا للشعب , و نشهدوا بلي هذا هو اللي حطو الله ديان للحيين و للموتى . 43 ليه يشهدوا كل الانبياء بلي كل من يامن بيه ينال باسمو الغفران تاع الذنوب ". الروح القدس يجي حتى على الامم 44 و كي كان بطرس يتكلم بهاذي الامور جاء الروح القدس على كل اللي كانوا يسمعوا في الكلمة . 45 المومنين اللي من اهل الختانة حاروا , كل من جاء مع بطرس , على خاطر الوهبة تاع الروح القدس تدفقت حتى على الامم هما ثاني . 46 على خاطر كانوا يسمعوا فيهم يتكلموا بلغات و يعظموا ف الله . وقتها جاوب بطرس : 47 " شكون ضرك يقدر يمنع عليهم المعمودية تاع الماء هاذوك اللي قبلوا الروح القدس كيما احنا بالذات ؟" . 48 و امر عليهم باه يتعمدوا باسم الرب يسوع . هكذا و طلبوا منو يبقى عندهم ايامات .