¹ يكون في علمك باللي في اخر الزمان راح تجي اوقات صعيبة, ² ايام يكونوا فيها الناس انانيين و يحبوا المال, حقارين, متكبرين, يسبوا, ما همش طايعين الوالدين, نكارين الخير, فاجرين, ³ لا عندهم لا حنانة لا رضاية, يديروا النميمة متهورين, عنفاء, ما يحبوش الصلاح, ⁴ يخونوا, و يجوروا, عماهم التكبر, يحبوا يعيشوا في اللذات و يبعدوا على محبة الله, ⁵ من لبرى تبان عليهم التقوى, بالصح ينكروا القوة تاعها. ناس كيما هاذو بعد عليهم. ⁶ على خاطر كاين منهم اللي يدخلوا للديار, و يغروا بالنساء الضعاف في الايمان اللي مثقلين بالذنوب, اللي تمَشي فيهم اللذات المتنوعة. ⁷ دايما يتعلموا بالصح عمرهم ما يوصلوا باه يعرفوا الحق. ⁸ و كيما قاوم ينيس و يمبريس موسى, هكذاك همّا ثاني يقاوموا الحق, ناس مخاخهم خامجة, ما يصلحوش للايمان. ⁹ بالصح ما يروحوش لبعيد على خاطر الغباء تاعهم راح يظهر للناس الكل كيما صرى مع ينيس و يمبريس. لوصية تاع بولس لتيموتاوس ¹⁰ اما انت راك تبعتني في تعليمي, و في سيرتي, و مقاصدي, و ايماني, و صبري, و محبني, و ثباتي, ¹¹ و كيفاه استحملت الاضطهاد و لعذاب, و الشيء اللي صرالي في انطاكية و ايقونية و لسترة. و شحال عانيت ضطهاد! بالصح ربي منعني منها الكل. ¹² جميع اللي يحبوا يعيشوا حياة التقوى في المسيح يسوع يصيبهم الاضطهاد. ¹³ اما الناس الاشرار و المزورين راح يزيدوا يوليو اشر, خدّاعين و مخدوعين. ¹⁴ اما انت ابقى ثابت على الشيء اللي تعلمتو علم اليقين, و انت عارف على يد شكون تعلمت. ¹⁵ من صغرك تعرف الكتابات لمقدسة, اللي قادرة تعطيك الحكمة و تهديك للخلاص, بالايمان اللي في المسيح يسوع. ¹⁶ لكتاب كامل بكل ما فيه اوحى بيه الله, و نافع للتعليم و للتوبيخ, و للتقويم و التأديب, اللي في البر, ¹⁷ باه يكون الانسان تاع الله كامل, واجد باه يعمل كل ما فيه الصلاح.