¹ بالصح الروح يقول يصراحة: باللي في اخر الزمان يرتدوا ناس ياسر على الايمان, و يتبعوا ارواح تاع ضلال و تعاليم تاع شواطن, ² تاع ناس منافقين كذّابين الضمائر تاعهم ماتت, ³ ينهيو على الزواج, و يحرّموا في ماكلة خلقها الله باه ياكلوها الناس المومنين و اللي يعرفوا الحق و يحمدوا عليها الله. ⁴ على خاطر كل ما خلقو الله مليح, و ما كان حتى حاجة تترفض بالصح كي شيء يتقبل بالحمد لله, ⁵ على خاطر كلمة الله و الصلاة يقدسوا كل شيء. ⁶ لو كان تفكر الخاوة بهاذا الامر, تكون خادم صالح ليسوع المسيح, متشبع بكلام الايمان و التعليم الصحيح اللي قاعد تتبع فيه. ⁷ بعّد على الخرافات تاع الباطل و حكايات لعزايز. و درب روحك على التقوى. ⁸ على خاطر رياضة لبدن نافعة ف بعض الامور, اما التقوى نافعة للامور الكل, على ما فيها من وعد للحياة تاع ضرك و تاع المستقبل, ⁹ هاذا القول صادق و يستاهل يتقبل بكل ما فيه. ¹⁰ و على هاذي السبة رانا نتعبوا و نتعايروا, على خاطر حطينا رجانا على الله الحي. و هو اللي يسلك جميع الناس, بالخصوص المومنين. ¹¹ هاذا الشيء وصي بيه و علمو, ¹² ما تخلي حتى واحد يحقرك كي يشوفك صغير, كون انت قدوة للمومنين: في لكلام, في السلوك, في لمحبة, في الروح, في الايمان, في العفة, ¹³ احرص على لقراية و الوعظ و التعليم حتى نجي. ¹⁴ ما تفرطش في الموهبة اللي فيك, اللي تمدتلك بالنبوءة نهار اللي حطوا عليك جماعة الشيوخة يديهم. ¹⁵ اهتم بهاذا. كون فيه, باه يكون التقدم تاعك باين في كل شيء. ¹⁶ لاحظ روحك و التعليم و داوم عليه, على خاطر كان عملت هاذا الشيء تسلك روحك و تسلك ثاني اللي يسمعوك.