¹ ''Lesi simemetelo selivi la Simakadze mayelana nelive lase Hadrak nase Damascus, indzawo yayo yekuphumula; ngoba emehlo alolonkhe luntfu futsi nato tonkhe tive taka Israel tibuke ngaku Simakadze. ² Lesimemetelo lesi siphindze sibe mayelana na Hamath, losemnceleni ne Damascus, futsi kumayelana ne Tyre ne Sidoni, ngobe bahlakaniphe kakhulu. ³ Tyre utakhele lubondza lolunemandla futsi wabeka tincwaba telisiliva kuhle kwelutfuli neligolide lelinjenge ludzaka etitaladini. ⁴ Buka! Inkhosi itawutsatsa iphindze ibhubhise emandla ayo elwandle, kute atewubhujiswa ngumlilo. ⁵ Ashkelon utawubona futsi esabe! Gaza utochachatela kakhulu! Ekron, ematsemba akhe atophoceka! Inkhosi itobhubha eGaza, futsi eAshkelon kute lotohlala khona! ⁶ Tihambi titawukwakha emakhaya ato eAshdod, futsi ngitawu juba ligcabho lema Philistines. ⁷ Ngobe ngitawususa ingati yabo emilonyeni yabo futsi nekwenyanyisa kwabo kusuka emkhatsini wematinyo abo. Batawubese baba ngulabasele ba Nkulunkulu wetfu njenge lusendvo ka Juda, futsi na Ekron utoba njenge maJebusites. ⁸ Ngitohlala emacentselweni elive lami kumelana nemabutfo latitsa, kute kubete lotawukwengca noma abuyele emuva, ngoba kute umcindzeteli lotawuhamba etikwabo, ngoba nyalo sengibona ngemehlo ami! ⁹ Memeta ngenjabulo lenkhulu, ndvodzakati yase Siyoni! Memeta ngenjabulo, ndvodzakati yase Jerusalema! Buka! Inkhosi yakho ita kuwe ngekulunga futsi uyakusindzisa. Uyatitfoba futsi ugibele imbongolo, embongolweni lencane. ¹⁰ Ngitobese ngijuba inkalishi kusuka Ephraim nasehhashini lase Jerusalem, nebutjoki butosuswa emphini; ngobe utawukhuluma kuthula etiveni, futsi nemandla akhe atawusuka elwandle kuya elwandle, futsi nasemfuleni kuya ekugcineni kwemhlaba! ¹¹ Wena ke, ngenca yengati yesivumelwano sami nawe, ngitawukhulula tiboshwa takho emgodzini lapho kute khona emanti. ¹² Buyela kulencaba, tiboshwa telitsemba! Nalamuhla ngiyasho kutsi ngitawubuyela sekuphindzekile kuwe, ¹³ ngobe sengente Juda umtjoki wami. Sengigcwalise sikhwama sami setinhlavu tebutjoki nga Ephraim. Ngivuse emadvodzana akho, Ziyoni, kumelana nemadvodzana akho, Greece, futsi wente wena, Ziyoni, njenge nkemba yembutfo wemphi!'' ¹⁴ Simakadze utawuvela kubo, futsi nebutjoki butawudubula njenge mbane! Ngako Inkhosi yami Simakadze itawushaya impalampala futsi itawuchubeka netimvula letinemandla letichamuka eTemani. ¹⁵ Simakadze wemikhosi utawuba vikela, futsi batawubehlulekisa futsi behlulekise ematje etilingi. Batobese banatsa bamemete njenge bantfu labadzakwe liwayini, futsi batawugcwaliseka ngeliwayini njengetindishi, njenge makona elilati. ¹⁶ Ngako Simakadze Nkulunkulu wabo utawubasindzisa ngalelolanga, njenge mhlambi webantfu bakhe. Babucwebe bemchele lobutawumanyatela eveni lakhe. ¹⁷ Batawuba kahle futsi babe bahle kanganani! Emajaha atawuphumelela enhlanyelweni futsi netintfombi ntfo ewayinini lelinongotelako!''